هل حصلت على فاتوره عند شرائك السياره

**shady_elkady** · 25-06-2008 12:29 PM

لو توكيل اكيد لازم ايصال دفع الخزينة من السيستم

**som3aa** · 25-06-2008 05:36 PM

لو توكيل اكيد لازم ايصال دفع الخزينة من السيستم

بالظبط , المعارض بتديك وصل و تاخده منك تانى و انت بتستلم ,ممكن تصوره , لو مبتديلكش او خدوه وقت الاستلام لازم تصمم انك تاخد الوصل خصوصااااااااااا لو العربية خليجى.

**elmadawy** · 29-10-2008 09:30 AM

والله يا جماعه انا عند شراء السيارة من أحد المعارض في القاهرة طلبت من المعرض فاتورة قالي ممكن لكن حتدفع ضريبة مبيعات علي أصل المبلغ ولكن اخذت منه ايصال دفع من الخزينه بالمبلغ

**mr_kenawy** · 29-10-2008 03:52 PM

يا جماعة نصيحة منى عن تجربة لو الواحد ينفع ياخد فاتورة على ازازة الزيت اللى بيشتريها ما يفرطش فى حقه , الفاتورة بتحفظ حقك و من غير الفاتورة مالكش اى حق , مرة اشتريت موبايل و فى نفس اليوم اكتشفت ان المايك بايظ رجعت للمحل رفض ارجاعه و قالى اروح التوكيل و اصلحة لانه فى الضمان , روحت البيت صورت قانون حماية المستهلك و رجعت للراجل و وريتهوله , و لما شاف ان عقوبة الامتناع عن ارجاع السلعة المبيعة (بشرط وجود فاتورة) خلال 14 يوم هى غرامة لا تقل عن 5000 جنيه لقيت واحد تانى غير اللى كان رافض يرجع الجهاز , ابتسامة من الودن للودن و احنا اسفين و طبعا رجع الجهاز و رجله فوق رقبته , يا جماعة بكرر تانى محدش يفرط فى حقه فى الفاتورة , و على فكرة الفاتورة اللى تضمن حقك مش معقدة يعنى مش لازم يكون فيها السجل التجارى و البطاقة الضريبية , كفاية اسم المحل و وصف المنتج و تاريخ الشراء و السعر.

**amirhamed** · 29-10-2008 04:45 PM

المعرض اللي اشتريت منه العربيه قعد يماطل في موضوع الفاتوره لحد ما انا زهقت وبرضه ماخدش فاتورة

**Mystique** · 29-10-2008 07:48 PM

المشاركة الأصلية كتبت بواسطة mina_ramsis

انا فعلا اخدت فاتورة و انا بشترى العربية بس علشان كنت شاريها من التوكيل

وأنا شرحه
أعتقد لازم يدوك فاتورة لو مشتري من توكيل.

**ahmed1981** · 29-10-2008 09:59 PM

معرض شيرين كار بشارع صلاح سالم وهو من أسوء المعارض
رفض بشدة إعطائي فاتورة
وحاولت أنا وأخي بشدة أن نأخذ فاتورة لكن البياع الأستاذ عمرو رفض وكلمنا مدير المعرض المهندس خالد ورفض أيضاً

الحقيقة ناس لا تعرف معنى الأمانة ومحترفين كذب

**Dr.SherifMansy** · 30-10-2008 04:49 AM

انا استلمت ايصال توريد نقدية بالفلوس اللى دفعتها وجواب المرور طبعا
هو فية حد بيشترى عربية من غير الاوراق دى ؟

**شريف** · 02-11-2008 11:26 AM

المشاركة الأصلية كتبت بواسطة elmadawy

والله يا جماعه انا عند شراء السيارة من أحد المعارض في القاهرة طلبت من المعرض فاتورة قالي ممكن لكن حتدفع ضريبة مبيعات علي أصل المبلغ ولكن اخذت منه ايصال دفع من الخزينه بالمبلغ

دة اللى بيحصل فعلا
و الباقى ايصال توريد نقدية و محضر استلام عربية

مشاهدة نتائج الإستطلاع: هل تهتم بالحصول على فاتوره عند شراء سياره

الموضوع: هل حصلت على فاتوره عند شرائك السياره

LinkBack

أدوات الموضوع

عرض

-

-

-

المواضيع المتشابهه

إلنترا - ما اهم كماليات تهتم بها حين شرائك ؟

سؤال علي حاجه في فاتوره الصيانه

الدروس المستفادة من شرائك لسيارتك ؟؟

محتاج مركز صيانه دايو فى الاسكندريه بيدى فاتوره غير الصفوه وابو الفتوح

ياترى ماندمتش بعد شرائك الصنى ؟؟!!!

الكلمات الدلالية لهذا الموضوع

المفضلات

المفضلات

ضوابط المشاركة