عرض للطباعة
قد يجد بعد الناس مشاكل بعد شراء السياره مثل تلف التكييف او اى شيئ و عند الشكوه ضد صاحب المعرض تكون المشكله الاساسيه هى عدم وجود فاتوره.
فهل تهتم بالحصول على فاتوره عند شراء سياره و خصوصا انه مبلغ كبير و ليس بكو بسكويت من كشك.
- نعم اهتم بالحصول على فاتوره لإثبات حقى عند حدوث اى مشكله
- لا اطالب بالحصول على فاتوره لانها تزيد من سعر السياره
انا فعلا اخدت فاتورة و انا بشترى العربية بس علشان كنت شاريها من التوكيل
قصد حضرتك ايصال توريد نقدية بالفلوس اللى دفعناها ايوه طبعا لازم
والحمد لله حصلت عليها
طبعا ده اساسى لازم فاتورة وعقد وجواب المرور
هو فة حد بيشترى عربية من غير الاوراق دى ؟
I bought my Verna and I did not get a Bill?????
I bought my Verna and I did not get a Bill
ازاى , دا الواحد لو اشترى موبايل ب 2000 جنيه لازززززززم ياخد فاتورة.اقتباس:
I bought my Verna and I did not get a Bill
دى مفيهاش كلام اساسا , دى عربية , يعنى الواحد يدفع من 50000 ل1400000 و مياخدش فاتورة دا كلام؟؟؟
كمان من دلوقتى لازم الواحد ياخد فاتورة على اى حاجة ب 2 جنيه علشان لو حصل حاجة يبقى فى ضمان او جهاز حماية المستهلك يعملك حاجة!!!
اعتقد ان الضمان المسلم مع السيارة الجديدة يعتبر فاتورة لان به كافة بيانات السيارة و العميل وتاريخ الشراء ........ الخ
ايه رأى الاخوة؟
ياجماعة انا ماشفتش اى ورق للعربية هما طلعوا معانا موظف من المعرض معاه كل الاوراق لكل العملاء وراح معانا المرور للترخيص
بس انا اللى معايا حاليا الكتيب المانيوال للسيارة وايصال دفع بالمبلغ
وسألت عن الضمان قالوا بعد شهر ونص
ياترى الكلام ده مظبوط ولا لأ ؟؟ افيدونى من فضلكم
انا استلمت فاتورة بس غريبة شوية..
مكان السعر ...كاتبين ...قد تم تسديد ثمن السيارة كاملا....يعني من غير فلوس....
طبعاً دي مش فاتورة معتمدةاقتباس:
المشاركة الأصلية كتبت بواسطة hero
والمعارض حريصة على عدم إعطاء العملاء فواتير للتهرب من الضرايب
بس بشوية غلاسة ممكن تاخد بيان أو وصل بالمبلغ ، يعني أحسن من مفيش أهي أي حاجة تثبيت إنك شاري من المعرض دا
لو توكيل اكيد لازم ايصال دفع الخزينة من السيستم
بالظبط , المعارض بتديك وصل و تاخده منك تانى و انت بتستلم ,ممكن تصوره , لو مبتديلكش او خدوه وقت الاستلام لازم تصمم انك تاخد الوصل خصوصااااااااااا لو العربية خليجى.اقتباس:
لو توكيل اكيد لازم ايصال دفع الخزينة من السيستم
والله يا جماعه انا عند شراء السيارة من أحد المعارض في القاهرة طلبت من المعرض فاتورة قالي ممكن لكن حتدفع ضريبة مبيعات علي أصل المبلغ ولكن اخذت منه ايصال دفع من الخزينه بالمبلغ
يا جماعة نصيحة منى عن تجربة لو الواحد ينفع ياخد فاتورة على ازازة الزيت اللى بيشتريها ما يفرطش فى حقه , الفاتورة بتحفظ حقك و من غير الفاتورة مالكش اى حق , مرة اشتريت موبايل و فى نفس اليوم اكتشفت ان المايك بايظ رجعت للمحل رفض ارجاعه و قالى اروح التوكيل و اصلحة لانه فى الضمان , روحت البيت صورت قانون حماية المستهلك و رجعت للراجل و وريتهوله , و لما شاف ان عقوبة الامتناع عن ارجاع السلعة المبيعة (بشرط وجود فاتورة) خلال 14 يوم هى غرامة لا تقل عن 5000 جنيه لقيت واحد تانى غير اللى كان رافض يرجع الجهاز , ابتسامة من الودن للودن و احنا اسفين و طبعا رجع الجهاز و رجله فوق رقبته , يا جماعة بكرر تانى محدش يفرط فى حقه فى الفاتورة , و على فكرة الفاتورة اللى تضمن حقك مش معقدة يعنى مش لازم يكون فيها السجل التجارى و البطاقة الضريبية , كفاية اسم المحل و وصف المنتج و تاريخ الشراء و السعر.
المعرض اللي اشتريت منه العربيه قعد يماطل في موضوع الفاتوره لحد ما انا زهقت وبرضه ماخدش فاتورة
وأنا شرحهاقتباس:
المشاركة الأصلية كتبت بواسطة mina_ramsis
أعتقد لازم يدوك فاتورة لو مشتري من توكيل.
معرض شيرين كار بشارع صلاح سالم وهو من أسوء المعارض
رفض بشدة إعطائي فاتورة
وحاولت أنا وأخي بشدة أن نأخذ فاتورة لكن البياع الأستاذ عمرو رفض وكلمنا مدير المعرض المهندس خالد ورفض أيضاً
الحقيقة ناس لا تعرف معنى الأمانة ومحترفين كذب
انا استلمت ايصال توريد نقدية بالفلوس اللى دفعتها وجواب المرور طبعا
هو فية حد بيشترى عربية من غير الاوراق دى ؟
أخي الكريم ، جميييييع العربيات إللي في السوق ماينفعش أصلا تخرج من الجمرك من غير مايكون مسدد الجمارك كامله وضريبة المبيعات ورسم الخدمة ده غير ان السعر بيدخل فيه تكلفة الشحن وهامش ربح الموزع .اقتباس:
المشاركة الأصلية كتبت بواسطة elmadawy
تحياتي
دة اللى بيحصل فعلااقتباس:
المشاركة الأصلية كتبت بواسطة elmadawy
و الباقى ايصال توريد نقدية و محضر استلام عربية
نعم اهتم بالحصول على فاتوره لإثبات حقى عند حدوث اى مشكله
اذا كان الواحد بياخد فاتوره من ماكدونالز و كوستا
نعم اهتم بالحصول على فاتوره لإثبات حقى عند حدوث اى مشكله
مفييييييييييييييييييييييي ييييييييييش معرض بيدي فاتورة واضحة المعالم ؟؟
بيكون إقرار إستلام السيارة ومحدد فيه تاريخ الإستلام وساعته ومرفقات السيارة ( استبن - كوريك - عدة - ولاعة - كاسيت - .....الخ) وفعلاً مكان السعر هتلاقي زي الأخ ما بيقول تم سداد الثمن بالكامل .
وشهادة الضمان .
ولو طلبت الفاتورة المعتمدة بيقولك هنزود 10% .
والإيصال اللي بيدوهولك عند الحجز أو عند السداد ده مش فاتورة ولا يعتد به كفاتورة .
وأنا طلبت من المعرض عند الشراء الفاتورة قالي مش بنطلع فواتير وانت فاهم .
وبعدين المعرض بعد الإستلام غير مسئول عن السيارة بأي شكل غير استيفاء الأوراق اللازمة للترخيص لأن الوكيل هو الضامن .
على فكره الفاتوره لها شكل معين علشان تاخد صفه قانونيه تستطيع بيها انك تاخد حقك من البائع لو حصل حاجه
انما ايصال توريد نقديه او بيان الاسعار اللى التجار بيتعاملوا بيه ولا ليه لازمه
انا مشفتش تاجر فى مصر بيدى فاتوره معتمده (حتى الادوات الكهربائيه هيختملك الضمان و يترخه و مش هيديلك فاتوره)
مفيش غير بتوع الادوات الطبيه لما بضغط عليه و يديك فاتوره معتمده( فيها اسم المحل و عنوانه و السجل الضريبى و تصنيف المشتروات....) بيزود على السعر ضريبة المبيعات تانى
يعنى لو انت شارى ب500 جنيه و طلبت فاتوره معتمده هيدفعك عليهم زياده ضريبة مبيعات (اللى هى اساسا مدفوعه ضمن ال500 جنيه)
ده اللى بيحصل معايا
يا جماعة لازم كلنا نكون عارفين اللى لينا و اللى علينا , الفاتورة من اختيار للبائع يديهالك او يمنعها عنك براحته , ده القنون الزمه باعطائها لك , من كام يوم كنت بشترة ماكينة حلاقة كهرباء من توكيل فيليبس اللى عندنا فى اسيوط و لما طلبت فاتورة الراجل قعد يهرتل بالكلام الغير قانونى بالمرة اللى هو لو عايز فاتورة نضيف عليك 10% زيادة , انا ما كدبتش خبر رحت مسمع عليه نص المادتين 5 , 24 من قانون حماية المستهلك رقم 67 لسنة 2006 و هما كالتالى:-
مادة 5 "يلتزم المورد بأن يقدم إلى المستهلك – بناء على طلبه – فاتورة تثبت التعامل أو التعاقد معه على المنتج ، متضمنة بصفة خاصة تاريخ التعامل أو التعاقد وثمن المنتج ومواصفاته وطبيعته ونوعيته وكميته ، وأية بيانات أخرى تحددها اللائحة التنفيذية لهذا القانون" .
مادة 24 "مع عدم الإخلال بأية عقوبة أشد ينص عليها أى قانون آخر ودون الإخلال بحق المستهلك فى التعويض ، يعاقب على مخالفة أحكام هذا القانون المنصوص عليها فى المواد 3 ، 4 ، 5 ، ........... بغرامة لاتقل عن خمسة آلاف جنيه ولا تتجاوز مائة ألف جنيه ...."
و قلتله انه كدة ممتنع عن اعطائى الفاتورة و انى هشتكيه لجهاز حماي المستهلك و هعمله محضر , فى الحال طلعلى فاتورة معتمدة و قعد يستعطفنى انى ما اوديهاش للضرايب.
افاتورة حق لينا و هى اللى بتضمنلنا حقنا و ما ينفعش نشترى اى حاجة من غير فاتورة.
و لما يكون رد البائع ساعتها (طلبك مش عندى) ويرفض يديك بضاعته ساعتها هتعمل ايه؟اقتباس:
المشاركة الأصلية كتبت بواسطة mr_kenawy
يا جماعة حتي تعم المنفعه العامه لجميع الاعضاء نفس السئوال السابق لو رفض البائع اعطائك الفاتورة او قال لك حزود 10% ضرائب عليها ماذا تفعل وقتها هل تقبل بزيادة 10% او ترفض وهل هناك مكان لتبليغ لمثل هذا الافعال من بعض اصحاب المحلات
فياريت ال عنده فكرة او موقف حصل معاه يقول وشكرا
او حتى رفض انه يديك البضاعه لما وجدك فاهم و بتلابط علشان تاخد حقك؟؟ ايه الحل ساعتها؟اقتباس:
المشاركة الأصلية كتبت بواسطة elmadawy
ياريت يا جماعة ندخل هنا , و اطريقة دى متجربة و مضمونة 100%اقتباس:
المشاركة الأصلية كتبت بواسطة elmadawy
http://www.cpa.gov.eg/filling-complain.htm
ده للناس اللى اشترت, و حطين ملحوظهاقتباس:
المشاركة الأصلية كتبت بواسطة mr_kenawy
(برجاء مراعاة وجود صورة من الفاتورة عند تقديم الشكوى)
يعنى لازم يكون فيه فاتوره (اللى هي اساسا مش عارفين ناخدها و من غيرها محدش هيعملنا حاجه)
و برضه محدش رد على موضوع امتناع البائع عن البيع بحجة ان معندوش البضاعه الى انا عاوزها؟
يا جماعة خدوا بالكوا
السعر بالفاتورة مختلف تماما عن السعر بالفاتورة
بالفاتورة يعنى فيه ضريبة مبيعات+ضريبة ارباح تجارية وصناعية+ضريبة دخل
مولد يعنى ومين اللى بيتحمل عليه كل ده بالتأكيد مش التاجر
طبعا الزبون اللى هو احنا
لم أحصل على فاتورة عشان انا شاريها من المعرض
يا جماعة .... عشان ده تخصصي .... كونوا حريصين على استلام فاتورة ضريبية .. فيها ثمن العربية وحده وفئة الضريبة عليها وسعر الضريبة في بند وحده ... ثم المبلغ توتال ( ثمن العربية + ضريبة المبيعات ) وإلا ثمن ضريبة المبيعات حيدخل جيب البائع ولن يصل للمصلحة ... يبقى متدفعهاش أفضل بقا.. وده طبعاً مستحيل لأن الضريبة مفروضة بقانون
وكمان ( الموضوع ده لازم تاخدوا بالكم منه في شراء المصوغات الذهبية ... لأن بتوع الدهب بيستهبلوا موووووووووووووت ).
لو شاريها من معرض بتاخد فاتورة ضريبية باسم الوكيل مش باسم المعرض وفي كل الاحوال لازم فاتورةاقتباس:
المشاركة الأصلية كتبت بواسطة tmz9111
أرجوكوا ...... الموضوع ده مش سهل في ناس بتعمل ملايين من ضريبة المبيعات ومبتوردهاش ... وقبل ما تدفع ضريبة المبيعات في فاتورة ضريبية لازم تتأكد إن إللي بيدفعك الضريبة ده مسجل بالمصلحة ومعلق شهادة التسجيل في مقر البيع ... شهادة واضحة ومختومة وعليها بادج المصلحة ( ضروري ) وإلا بلغ عنه المصلحة لو اشتبهت فيه
من غير فاتوره