حد جرب يطلع علي المفتاح ؟؟

**amirboulos** · 15-07-2012 12:26 PM

يا شباب انا فكرت اطلع علي مفتاح اللوجان طبعا مش علشان ادور بيه العربيه لكن علشان موضوع البنزين ده ...مبحبش ادي العامل بتاع البنزينه مفتاح العربيه الأصلي اللي بستخدمه ..فهل ينفع اطلع عليه ؟؟؟ حد جرب ؟؟

**adham_cs** · 15-07-2012 03:38 PM

ممكن تطلع عليه عادي
بس اعمل حسابك مش هيدور العربية
هيفتح تانك البنزين والشنطة والأبواب إنما مش هيدور العربية

**hzem** · 15-07-2012 04:27 PM

أحنا في الشغل عندنا عربية MCV و مفتاحها ضاع و سئلنا في التوكيل قال التكلفة 1200 ج و الأستلام بعد شهر روحنا لمحل عمل مفاتيح مشفرة ب 200 ج علي م اتذكر و بيشغل العربية عادي.

**ahmed_m_ashraf** · 15-07-2012 05:03 PM

المشاركة الأصلية كتبت بواسطة hzem

أحنا في الشغل عندنا عربية mcv و مفتاحها ضاع و سئلنا في التوكيل قال التكلفة 1200 ج و الأستلام بعد شهر روحنا لمحل عمل مفاتيح مشفرة ب 200 ج علي م اتذكر و بيشغل العربية عادي.

بجد؟؟؟!!! أصل كده يبقى الإيموبلايزر ولا ليه لازمه، لو مكنش المفتاح بيطلع من التوكيل بس وعلى رخصة العربية وبطاقة صاحبها، ده كده أي سايس جراج ممكن يطلع نسخه من الفتاح ويسلك العربية لو مكنش عنده ضمير، ولا إيه؟

على فكرة المفتاح الريموت في التوكيل ب 750 ج دلوقت، بس معرفش بيطلع بعد قد إيه.

**hzem** · 15-07-2012 05:09 PM

و الله زي ما بقولك كده الكلام ده من حوالي سنة و العربية دلوقتي عامله حوالي 254000 ك

**amirboulos** · 15-07-2012 05:42 PM

المشاركة الأصلية كتبت بواسطة adham_cs

ممكن تطلع عليه عادي
بس اعمل حسابك مش هيدور العربية
هيفتح تانك البنزين والشنطة والأبواب إنما مش هيدور العربية

ايوه ما انا عارف كده ...انا بس عامله علشان ساعات عمال البنزينه دول بتبقي ايديهم مطرحها بنزين او مش نضيفه وساعات بيقع منهم مثلا ...فقلت اطلع واحد اخليه حتي في العربيه للبنزين فقط

**amirboulos** · 15-07-2012 05:45 PM

المشاركة الأصلية كتبت بواسطة hzem

و الله زي ما بقولك كده الكلام ده من حوالي سنة و العربية دلوقتي عامله حوالي 254000 ك

مشاء الله ايه الرقم اللي العربيه عملاه ده ؟؟؟ يا تري خلال كل الرقم ده عملت معاك ايه وغيرت فيها ايه غير الإستهلاكات ؟؟؟ طمنا علي اللوجن ...متهيألي مش هنلاقي حد عامل الكيلوات دي غيرك

**amirboulos** · 15-07-2012 05:49 PM

المشاركة الأصلية كتبت بواسطة hzem

أحنا في الشغل عندنا عربية mcv و مفتاحها ضاع و سئلنا في التوكيل قال التكلفة 1200 ج و الأستلام بعد شهر روحنا لمحل عمل مفاتيح مشفرة ب 200 ج علي م اتذكر و بيشغل العربية عادي.

هو من الناحية دي انا اعرف ان في صنايعيه عفاريت في الحرفيين بيبرمجوا اي حاجة حتي كمبيوترات العربيات الحديثه اللي بمبالغ ...وممكن يكون هو لغي موضوع الإيمبولايزر ده خالص ..شال حاجة معينه او لاغاه بطريقه معينه والله اعلم

**ahmed_m_ashraf** · 15-07-2012 10:02 PM

المشاركة الأصلية كتبت بواسطة amirboulos

مشاء الله ايه الرقم اللي العربيه عملاه ده ؟؟؟ يا تري خلال كل الرقم ده عملت معاك ايه وغيرت فيها ايه غير الإستهلاكات ؟؟؟ طمنا علي اللوجن ...متهيألي مش هنلاقي حد عامل الكيلوات دي غيرك

العربية عربية الشغل مش عربية العضو، يعني أكيد بتعمل مشاوير كتييييييير

الموضوع: حد جرب يطلع علي المفتاح ؟؟

LinkBack

أدوات الموضوع

عرض

المواضيع المتشابهه

هو الراجل ده يطلع مين ؟؟؟؟

الكاسيت بطل يطلع صوت

فكرة جديدة للضاع منه نسخة من المفتاح او عاوز يطلع نسخة إضافية

الكلمات الدلالية لهذا الموضوع

المفضلات

المفضلات

ضوابط المشاركة