يجب اخطار وزارة الدفاع ... عايز الحل يا اخوانا

**sanhory** · 15-07-2012 02:16 PM

السلام عليكم و كل عام و انتم طيبيين و رمضات كريم

دلوقتي يا جماعة الخير انا مسافر سفرية كده ان شاء الله للامارات حعمل حاجة و ارجع في اسبوع بس الشغل حيعملي فيزا سياحة مش عمل المهم و انا بقلب في الباسبور لقيت ختم يجب اخطار وزارة الدفاع

وانا اصلا معايا اعفاء نهائي من الجيش بس في نا قالتلي لازم الباسبور يتختم بالختم البيضاوي من جهة التجنيد اللي انا تابع ليها

السؤال دلوقتي
اروح فين و اخد معايا ايه وهل لازم يبقى معايا اصل شهادة الاعفاء عشان لو كده ا روح اجيبها من الشغل
ياريت لو حد عنده تجربة مشابهه يفيدني

شكرا ليكم جميعا

**mohamed_selim** · 15-07-2012 02:26 PM

انت مغيرتش الباسبور بعد الاعفاء النهائى؟
اسهل حاجه بتروح بالاعفاء النهائى ده للجوازات و لو الباسبور قديم (مش مميكن) بيختمهولك (بس ممكن يغلس عليك و يطلب تغير الباسبور) و لو مميكن يبقى لازم تغيره كده كده ...
لو الفيزا طالعه على الباسبور القديم مفيش مشكله بتمشى بالباسبورين و انت مسافر ..
لو مفيش وقت لموضوع الباسبور (3 ايام عمل) يبقى مش قدامك غير انك تروح تعمل تصريح سفر من حلمية الزيتون و تاخد معاك اصل الاعفاء و الباسبور ...
ربنا معاك

**Hussein_Emara** · 15-07-2012 02:40 PM

زمايلنا في الشغل بياخدوا شهادة الاعفاء النهائي معاهم و هم مسافرين عشان يورها لظباط الجوازات في المطار, محدش منهم قابل مشكلة في الموضوع ده, لو مستعجل اعمل كده, لو معاك وقت يبقى اقترح انك تطلع باسبور جديد عليه ختم غير مطلوب للتجنيد و خلي القديم معاك عشان لو فيه فيزا سارية.

**korkor** · 15-07-2012 03:41 PM

1 - مافيش خلاص ختم بيضاوى بيتم تغيير الجواز بجواز جديد وفى خانه التجنيد بيتكتب غير مطلوب
2- استخراج الجواز الجديد بياخد 3 ايام الحق اعمله علشان موضوع الشهاده فى المطار دى مش اكيده وبدل ما السفريه تضيع عليك .

**sanhory** · 15-07-2012 03:53 PM

المشاركة الأصلية كتبت بواسطة korkor

1 - مافيش خلاص ختم بيضاوى بيتم تغيير الجواز بجواز جديد وفى خانه التجنيد بيتكتب غير مطلوب
2- استخراج الجواز الجديد بياخد 3 ايام الحق اعمله علشان موضوع الشهاده فى المطار دى مش اكيده وبدل ما السفريه تضيع عليك .

تسلم يا باشا عالمعلومة حشوف موضوع الجواز الجديد و ان شاء الله خير

**أحمد كمال** · 15-07-2012 03:55 PM

ينفع تسافر باصل الاعفاء مع الباسبور القديم ....... فيه واحد زميلنا في المنتدى لسه عاملها من شهرين

**sanhory** · 16-07-2012 09:53 AM

المشاركة الأصلية كتبت بواسطة أحمد كمال

ينفع تسافر باصل الاعفاء مع الباسبور القديم ....... فيه واحد زميلنا في المنتدى لسه عاملها من شهرين

شكرا لاهتمام حضرتك بالرد

**sanhory** · 16-07-2012 09:55 AM

المشاركة الأصلية كتبت بواسطة م/محمد صلاح

بص يا باشا انا هاجيبلك الخلاصه .

ماينفعش تروح بالشهاده بتاعة الاعفا المطار وتقوله اهه ويعديك ... احنا مش فى ملاهى هاتوريله التذكره وتخش ( دى كلمه الظابط قالها لاخويا )

عندك حلين ... انك تطلع تصريح سفر من منطقة التجنيد وده بيطلع فى نفس اليوم بس بهدله وهاتقف من الساعه 6 الصبح لغاية 6 المغرب عشان تستلمه

الحل التانى انك تاخد باسبورك والشهاده وتطلع على الجوازات قولهم عايز ختم غير مطلوب للتجنيد وهما هناك هايقولولك ينفع تضيف الختم على الباسبور القديم ولا لازم تعمل باسبور جديد ... بتختلف من مكان لمكان

وربنا يسهلك سفرك ان شاء الله وتروح وترجع بالسلامه

غالبا الحل التاني هو المناسب

و ان شاء الله حروح و اجي اقول انا عملت ايه في الجوازات

متشكر لرد حضرتك يا بشمهندس محمد