الموضوع: مقترحاتكم قبل افتتاح منتديات نايل موتورز لغير العربيات

انا حاسس ان تميز نايل موتورز هو تخصصة بالسيارت بالاساس
منتديات كتير فيها قسم للسيارات مش ناجحة زي نايل موتورز
عموما بالتوفيق

فين قسم الابداعات الفنية من رسم وادب وشعر و اعمال يدوية
ويا سلام لو في قسم مطبخ يبقى اخر تمام

لا أله الا الله
ياجماعة الخـير ... كلنا مجمعين ... أن منتدى نايل موترز متميز علشان متخصص ... لكن العملية هيا أضافة للتميز ... وعلشان كده كريم بيه بيسئل وبيشوف هل حد عندو أقترحات مثمرة ياخودها بالحسبان ... هل حد عندو أضافة حلوة يقدر يقولها ... وهديكم مثال بسيط دلوقتي كلنا عارفين أن البانزينة الي بنشوفها في الشارع كل الناس بتروح لها علشان تمون ... ومتخصصه في بيع البانزين ... لكن لو شفنا فيها خدمة اضافية للعملاء مثلا ضبط كوتش ولا تغير زيت ولا محل أون ذا رن ولا حتى مطعم ... هنقولوا كويس وممتاز ولا هنقولوا والنبي أتخصص في شيء الله يرضى عليك ههههههههههه

@@@@@@@@@

أهو كلو بيصب في النهاية لخدمة الاعضاء ولأضافة التميز ... وزيادة الخير خيريين على قولت المثل .
وسواء أكان فرع تاني للمنتدى ولا حتى أضافة لأقسام في المنتدى فكلوا خيـــــــــر لينا أحنا كأعضاء ودي حاجة تشكر عليها الادارة ... انا أهو عضو تيوتاوي بس قعدتي كلها وأكلي وشربي وشيشتي والسوفت درينك بتاعي بروح أخدوو وً أشربوا في القسم الاجتماعي ...

@@@@@@@

صحيح يا كريم باشا ... ياريت لو تضفولنا شريط أخبار مصر فوق ... وكام أيقونة كده فوق للأقسام المفضلة .
ودرجات الحرارة أيضاً .

ولو في حفظ أعدادات الكتابة كمان يبقى كتر خيركم بدل ما كل شوية نضبط أعدادات الكتابه .

وياسلام لو كمان تعملوا لون مميز كده للمنسقين .
وياسلام لو عداد المشاركات يشتغل ويفعل كمان في القسم الاجتماعي .

وياسلالالالالالالالالالال الام ياسلام لو في تحكم في لون صفحة المنتدى ... ويقدر اي عضو يعمل أرشيف خاص بالمواضيع الي عجباه ويحفظها كمفضلة خاصة بيه ..

@@@@@@@@@

وتحياتي

بالتوفيق و بالنجاح المبهر

بس بلاش اغانى و بلاش افلام

بالتوفيق والنجاح
يارايت يكون فية قسم للمالتى ميديا
وسوق العقارات و الهوايات

نايل موتورز احلى حاجة فيه ان الى عاوز يعرف اى حاجة عن العربيات كان بيلاقيها فيه هو بس و مش فى اى مكان تانى انما منتدى غير العربيات فالموجود كتير جدا جدا