الموضوع: مشكلة غير مقبولة من نيسان صني الجديدة

السلام عليكم و رحمة الله و بركاته
صديقٌ لي قام بشراء نيسان صني الجديدة بعد حيرة طويلة و انتظار في الحجز و الحمد لله أخيراً استلم العربية في يوم 2 يوليو 2012
و لكن حصلت لسيارته عدة مشاكل غريبة فأراد و أنا معه عرض هذه المشاكل عليكم لأخذ رأيكم فيها و في كيفية التصرف في هذه الظروف
بعد أربع أيام فقط من استلامه العربية و كانت عاملة حوالي 400 كم فقط ... سمع صوت تزييق شديد في المساعدين الخلفيين يمين و شمال
ذهب لمركز مودرن موتورز الدقي (الأقرب إليه ) و قالولوا لازم تسيب العربية و بالفعل ساب العربية عندهم 3 أيام و في النهاية أخبروه إن في مشكلة في طبق السوستة و كان رأيهم إن المشكلة دي في تصميم هذا الطبق و في الخامات المصنَع منها و " هم منتظرين المصنع يغير التصميم أو الخامات بتاعت الطبق ؟؟؟!!!!!
و أخبروه إنهم ركبوا خرطوم بلاستيك حول السوستة لعمل عزل بين السوستة و الطبق بشكل مؤقت لحد ما يشوفوا حل نهائي للموضوع ده .... و فرجوه على صور لعربيته قبل و بعد الخرطوم و فيديو كمان يوضح الشغل اللي حصل في العربية
أخد العربية على وعد منهم إن في صيانة الألف هيحلوا الموضوع ده حل جذري
بعد أسبوع كمان بالضبط يعني تقريباً يوم 14 يوليو الجاري و العربية عاملة فقط 650 كم و جد صوت تخبيط جامد جدا من المساعد الخلفي يمين (نلاحظ إن الصوت الأول كان تزييق من المساعدين الاتنين و الصوت التاني تخبيط جامد من المساعد الخلفي يمين) .... راحلهم تاني فكشفوا على العربية ووجدوا الكاوتشة البلاستيك اللي بتعمل عزل بين المساعد و الشاسيه من فوق متقطع تماماً والمساعد بيخبط فى الشاسيه.... و لازم يسيب العربية تاني و قطعة الغيار مش متوفرة و هيبعتوا يطلبوها من المصنع و كلام كتير كدة ميدخولش عقل أي حد
طبعا مش محتاج أقولكم صديقي زعلان و مدايق قد إيه ... العربية لسة مامشيتش خالص تقريبا ... ده غير الكلام اللي أنا و زمايلي ملاك الصني قلناهولوا إن النيسان عربية حمالة أسية و عربية تعيش العمر طلع كلام أونطة على الأقل بالنسبة له
و بعدين يعني إيه غلط في التصميم اللي بيقولوا ده ؟ ... التصميم ده موجود برة مصر بقالوا أكتر من سنة و أكيد مافيش حاجة كدة
و فين مراقبة الجودة اللي في المصنع ؟ ... و فين العمالة المدربة اللي في مراكز الخدمة ؟؟ و مش معقول إن العربية في أقل من أسبوعين تقعد في التوكيل أسبوع !!!!!
و واضح أن المهندسين في هذا المركز معندهمش فكرة عن الحل الصح فبيعملوا زي أي ميكانيكي في ورشته و بيحلوا حلول -زي الخرطوم- مش المفروض تبقى في توكيل محترم زي نيسان
و كتير قوي قوي إن مشكلتين ليهم علاقة بالتعليق و المساعدين يظهروا قبل الألف الأولى
طبعاً هو اتصل بــ 16244 و قدم شكوى و بيفكر يتصل بنيسان اليابان عشان اللي بيحصل ده استهتار و استخفاف بالزبون المصري
أفيدوني و أفيدوه في هذا الامر
و شكرا جزيلاً

المشاركة الأصلية كتبت بواسطة mff_629

و الله الكلام اللي حضرتك بتقوله مضبوط 100 % و عشان كده أكيد اللي في مركز الخدمة دوول بيحاولوا يشتغلوه
أو هما عمالة غير مدربة بالمرة على أي شيء



يا راجل يا طيب .... مستحيل يدولوا عربية تانية أو يرجعولوا فلوسة لأنه رخص العربية و احنا في مصر
و جهاز حماية المستهلك للأسف الشديد لا بيقدم و لا بيأخر و أنا برده هاقولوا على حماية المستهلك لعل و عسى تجيب نتيجة .... بس أنا لا أتوقع ذلك

مستحيل ليه !! اى توكيل محترم بيعمل كده عربية معيوبة ومش عرفوا يصلحوها بيدوا للعميل عربية تانية
وفي عضو كان معاه تريوس وحصلت مشكلة والناس اشتروها منه بس طبعا بعد عذاب

المشاركة الأصلية كتبت بواسطة DarkMagician

بص ياباشا بغض النظر عن الموضوع سواء كان فردي او اي حاجة ياريت تقول لصاحبك يروح لاوتو ايجبت

وانا عندي اعتقاد ان المكان اللي استلم منو العربية جابها بطريقة غلط يعني مرة واحدة معرفة استلمت هيونداي جيتز مدمرة العفشة
فخلي صاحبك يطلع اوتو ايجبت وحيقولولو بالظبط اذا كان الموضوع سوء استخدام او عيب صناعة

+1111
بس فين عيب الاستخدام ده هو لحق يركبها اصلا ههههه :d