مقدم علي شراء هوندا شادو و عايز مساعدتكم :)

السلام عليكم و رحمه الله
ان شاء الله انا ناوي اجيب هوندا شادو و انا بدور علي النت لاقيت البايك ده
For Sale - HONDA shadwo (2001) - #Egypt #Motorcycles
سعره مناسب جدا بس انا حاسيس انو رخيص حبتين و خايف لايكون فيه مشكلة ...... وانا دي اول مره في حياتي اجيب موتوسكل ، فاهل في حاجة معينه المفروض اني ابوص عليها؟ وهل في حد ممكن ينزل معايا ( ميكانيكي مثلا او حد بيفهم في تقليب الموتوسيكلات ..... حتي لو بفلوس)؟؟؟
و ارجو لو في حد يعرف حاجة عن البايك دي يقوللي ايه رائية .
حاجه تاني معلش ..... وانا بادور لائيت حاجة اسماها shadow slasher .... هاهل هوا هوا ال espirt العادي ولا ده حاجه تانية ........ اسف للإطاله و ارجو الافادة و النصيحة و شكراا نايل بايكرز علي المجهود الرائع في المنتدي
.

وعليكم السلام

اولا انت محدتش انت عايز هوندا شادو كام ؟ يعني 400 ولا 750 ولا 1100 ؟؟؟

عموما بص ال slasher ده بيطلق على الهوندا الشادو ال 400 وبس ملوش دعوه بال باقي

ال سحقهف مش esprit ده بيطلق على ال 750 هوندا شادو اسبريت

وكلها مسميات ملهاش لينا دخل هنا في مصر ههههههههههههه احنا لينا قاموس خاس

زي مرسيدس خنزيره وزلموكه ومش عارف ايه هههههههه D:

طبعا لو حتجيب هات الشادو ال 400 واستفيد بالفرق انا مجربها هيا وال 750 و ال 1100

حقولك مش حيفرق معاك ال cc الزياده ده وصدقني الحجم هوا هوا نوعا ما

اساسا الكاستم معمول للمشي البراحه والمزاج والتلاته بيجيبوا ال 100 في وقت واحد نوعا ما

حتفرق معاك بعد ال 100 في الباقيين وطبعا على حسب جسمك لو مليان اوي فا بلاش ال 400

ها ال 750 وحتفرق معاك لما تركب حد وراك حتحس ال 400 ابطىء نوعا ما

بس ال 400 عموما 25 الف يجبولك واحده ممتازه بدل ما تجيب 750 ب 35 ولا 40 الف

وب 5000 مثلا جنيه هاتلك جاكيت حلو و هيلمت وجلفز وركب وانذار للبايك وقفل وغطا

وطبعا ال 400 لما تحب تبعها حتخلص منها في ثواني مش حتاخد وقت لانها مطلوبه عشان سعرها رخيص جدا

لو عايز حد يشوفلك البايك ممكن اي ميكانيكي او تخلي صاحب البايك يجي للميكانيكي يكشف عنده

وطبعا بعضهم كل واحد بزمه بس الي اضمنه انه لا يمكن يغشك حتى لو الشخص ده واخد البايك منه

احمد فهمي في العجوزه او محمد انور في الملك الصالح

شوف الموضوع ده حتلاقيني كاتب ايه الي يتبص عليه في البايك والكاستم والريس كله واحد

http://www.nilemotors.net/Nile/298390-a.html

مشكور يا باشا أنا ان شاء الله هاروح لأحمد فهمي و أشوف حد عنده يجئ معايا ، أنا كنت عايز اسئلك رائيك فى الموضوع ده .... انا في الأساس بدور علي shadow Areo 750 لأني ناوي ان شاء الله علي سفر كتير و كمان ممكن أخد معايا حد و كدا يعنى .... و كان عجبني اللون الابيض فيه جداً( ملوكي على الاخر) و كان في واحده إفراج من شهر و نص كدا بس اتباعيت .... رأينا يبارك لصاحبه فيه و يحافظ عليه و يكفيه شرها و شر الطريق و شر المستخبي و شر الفاجئه وطبعا زي ما أنتا أكيد عارف اللون الابيض قليل شويتين و حاليا في ال esprit el البيضا دي بس سعرها رخيص مقارنه بمثيله ( Honda shadow espirt 750 model 2001 be 26500le , Elloon abyaad ) و الباكي شكلها حلو أوي ......بس ان حاسس ان الوضوع فيه إن ...... ارجو الإفادة يا باشا و أنا متشكر لسعة صدرك و ان شاء الله نطلع طلعه قريب جداً و أتعرف عليك ان شاء الله :))

بعد إذن الادمن الصوره بس http://egybikers.com/images/userbike...Photo-0020.jpg

ايه ده ب 26 الف ونص بس واللهي رخيصه جداومش شرط السعر طالما قليل يبقى فيها حاجه

انا مره بعت مره بايك اقل من سعر السوق ب 8 بواكي عشان كنت مستعجل جدا ومحتاج فلوس عشان كنت

داخل مع واحد صحبي في مشروع كده واداني فلوسي وفقيهم مكسب بزياده جدا واعتبر كده مخسرتش ال 8 بواكي

يمكن بيبعها عشان محتاج فلوسها في حاجه او مسافر عموما الكشف هوا الي حيحدد

ولما تجيب ميكانيكي متقولش لصحبها حتجيب مين بس يفضل توديها عند الميكانيكي نفسه يكشف عليها

عشان ميبقاش مستعجل وهوا بيكشفلك عليها وياخد راحته في الكشف ويجربها زي ما هوا عايز

الا بقى لو صاحبها تنك شويه في الحاله ديه حتضطر تجيب ميكانيكي وخلاص وفي الحاله ديه

انصحك بهاني الي عند الشهاوي في المنيل روح خد نمرته واتفق معاه وهوا يشوفهالك بس غالبا حيكون يوم حد

بس امانه في رقبتك متقلوش يقول ان فيها عيوب وكده لا خليه يقول كلمة الحق لان في ناس بتتفق مع الميكانيكي

يزم في البايك عاشان تمنها ينزل وبكده محق البركه في البيع والشرا وربنا يوفقك

يا باشا انا مش عارف اشكرك ازاي .... رابينا يكرمك و يوقفلك ولاد الحلال دايما ..... ان شاء الله هاروح للشهاوي و اشوف هاني ده يجي معايا و رزقي و رزقه علي الله