ايه طبيعه العلاقه بينك وبين حماتك وحماك طبيعيه ولا مش طبيعيه

السلام عليكم


انا مش عارف المشكله عندى ولا دا الطبيعى وانا ال مش عارف ولا انا خبرتى قليله لانى يعتبر متزوج مش من كتير تقريبا 3 سنوات

اهل مراتى ناس طيبه جدا بس احيانا بيعملوا حجات غريبه واكيد بتخنقنى جدا انا مش فاكر بالترتيب بس انا هتكلم عموما ال فاكره حاليا

مره كانت مراتى هناك وكان ابنى عايز بامبرز وخلص ومراتى مش معاها فلوس مراتى استنت لبليل لحد لما رحت علشان تاخد منى مع ان الموقف دا لما بيحصل عن اهلى من غير ما اقول بيعتوا يجيبوا علبه صغيره للولد انا مش بتكلم على بابرز ب 10 جنيه والله انا بتكلم على رد فعل

مفتركرش مره انهم جابوا لمراتى اى حاجه غير نادرا فى زواج 3 سنوات انا مش محتاج اى حاجه منهم اطلاقا بس احيانا بلاقى اصحابى الوضع عندهم مختلف خالص مش عارف هل انا ال غلط ولا هما ال ناس غريبه

ابسط موقف من كام يوم موبيل مراتى اتسرق فقالت لاختها انا هاخد الموبيل دا لانه مركون عندهم طبعا رفضوا ان مراتى تاخد الموبيل وبصراحه صعبت عليا مراتى وصعب عليا الموقف الرخم دا اصلوا موبيل يعتبر مرمى اساسا وعلشان احافظ على كرامه مراتى وعلى كرامتى رحت جبت موبيل جديد ليها مع ان العمليه مش مستحمله حاليا ومواقف من كدا كتير

لدرجه حاليا انى مش بحب اروح هناك كتير ومش بحب حتى اكل هناك طبعا انا بحاول على قدر الامكان انى اراعى ربنا فى اهل مراتى وانى ابر مراتى فى اهلها وانى اساعدها فى بر اهلها بس مش عارف انا هقدر استحمل لحد امت

هما ناس طيبه مش وحشه بس احيانا كتير يخنقوا لاقصى درجه بصراحه

انت متأكد انهم طيبين ؟ اصل التصرفات دي مش ظريفه خالص

انا بقي العكس خالص وبرده مش عجبني وبتغاظ جدا من حماتي بالذات مهتمه جدا جدا ببنتي الصغيرة لدرجه انها بتوقفلها اليوم كله قصادها كده عشان تاكلها اهتمام غير عادي بس بحس انها بتضغط علي البنت بالاكل جامد رغم عاوز اقول حاجه بنتي دي مخها فظيع مبتحبش الاكل خالص ولما بنكون انا ومراتي لوحدنا مالناش طوله بال عشان ناكلها والبنت بتخس جامد وودنها احسن حضانه وبتقعد طول فترة الحضانه مابتاكلش
حماتي بتملي التلاجه عندنا اول باول ماشترتش كيلو لحمه لغايه دلوقتي وانا متجوز برضه من ٣ سنين وعلي كده التلاجه مليانه علي طول بس هيا بتغيظ في حاجات تانيه يعني مثلا بتعمل اكل كتير لكن بطريقه سريعه كده بتخلي الاكل طعمه وحش جدا ومبقدرش اكل وساعات لما بيكون عندنا مناسبه في البيت عندي بتقعد تدخل في حاجات ملهاش فيها اصلا
زي مثلا انتوا جايبين بيبسي كتير لا الاكل الللي اتقدم قليل حاجات كده تفرس

اقتباس:

---

حماتي بتملي التلاجه عندنا اول باول ماشترتش كيلو لحمه

---

حد لاقي ههههههههههههههه

اقتباس:

---

زي مثلا انتوا جايبين بيبسي كتير لا الاكل الللي اتقدم قليل حاجات كده تفرس

---

ما هو التطفل ده في مقابل اللحمه هههههههههههههههههههه

اقتباس:

---

احب اقولك ان 70% من الاسر المصريه لما بناتهم بتتجوز بيعتبروها زاحت من على كتفهم هم تقيل وتروح بقى للى يراعيها ويتحمل مسؤليتها

---

لا 99 %

يا باشا الناس فيها وفيها

في أب بيشعر بظروف جوز بنته وبيعامله معاملة الأبن - مش هقولك يصرف عليه - بس علي طوول بيساعد
واعرف ناس بتدي بنتها مصروف ايديها كأنها لسة ماتجوزتش - كنوع من المساعدة المستعارة لجوز بنته او لبنته

وفي اب تاني متنح في العملية وعامل فيها من شرم

وفي اب اتنح من اللي فات وبيتقل علي بنته وجوزها


وهكذا الأم
في ام بتملي ثلاجة بنتها لحمة وطيور وكل ماتشتهي الأنفس
وفي أم بتكبر من بنتها خالص
وفي أم بتقل علي بنتها وبتاخد جهازها حتة حتة علي مدار السنين - زي سلفيني مش عارف ايه - سلفيني بتاع ايه - لحد لما تشطب علي جهاز بنتها والزوج مضطر يجيب

وعليه

فان كان هناك طباع حلوة خلتك تشكر فيهم - تغاضي عن العيوب - وكله بيعدي

أقولك
طب عليهم اول يوم رمضان

هههههههههههههههه


كل سنة وحضرتك طيب

فى الحقيقة الدنيا على كدة وكدة والناس فيها كدة وبرضه فيها كدة

مثلا فيه بنات لما بتتجوز بيبقى بيتها هو فعلا كل حاجة ليها يعني مش بتعرف معنى الأكل والنوم
غير فى بيتها على النقيض تماما بقى فيه بنات بتنام نوم السنين كله بس فى بيت باباها حتى أكلها
مش بتاكل وتشبع غير فى بيت باباها ... المهم أنا ليا رأي هنا لو تسمحولي
دلوقتى أى اتنين اتجوزوا وأقلموا حياتهم انهم لبعض ومع بعض وبس لازم يعيشوا كدة
بمعنى ايه؟ بمعنى انت تصرف زي ما بتصرف جوة بيتك والله أهل زوجتك جابوا كتير جابوا قليل
يبقى خير وبركة ...كبروا وقالوا ماهو سادد ومش مخلي بيته ناقصه حاجة يبقى برضه خير وبركة
وإنت كدة كدة مش قاعد مستنيهم..........
لكن اللى شاف أهل مراته بيكبروا راسهم فى اى طلب ليها لما بتكون عندهم ..انت بقى لازم تعوضها
ويكون فى ايدها فلوس بحيث انها مش لسة هتستنى لما ترجعلك وتجيبه خاصة لو ضروري وما يستنى
وده ضروري لنفسيتها جدا.......
بالنسبة للى أهل مراته بيجيبوا وبيجيبوا بس ليهم حاجات صغيرة مش بتعجبه
لازم وقتها تفكر ان اللى بيعملوه ده مش مجبرين عليه ولا دي لزاما عليهم ..لكن بيتعمل حب فى بنتهم
وفيك وبالتالى فأى تصرف يصدر منهم لازم تعديه وتاخدهم على الحلوة والوحشة ...
وكل دي امور سهلة وممكن نعديها وتتحل لكن فى امور بجد صعبة جدا ... سواء من ناحية
تدخل الأهل أو تطفلهم أو حب تملكهم سواء لزوجة ابنهم أو زوج بنتهم كأنه هبة من ربنا ليهم
ويبعدوه عن أهله أو أهلها ...ودي فعلا المشاكل الحقيقة اللى يارب يكفينا ويكفيكم شرها

وبالنهاية تمنياتي للجميع باستقرار وطمأنينة وراحة بال فى حياتهم
ولو كل واحد يكتسب العيلة التانية ويكبر بيها عيلته لارتاح الناس كلهم

تحيتي وتقديري

توتاااااااااا

اقتباس:

---

المشاركة الأصلية كتبت بواسطة screenplays

انت متأكد انهم طيبين ؟ اصل التصرفات دي مش ظريفه خالص

---

ان شاء الله طيبين اقول ايه يعنى ان شاء الله ناس طيبه

اقتباس:

---

المشاركة الأصلية كتبت بواسطة besokate

انا بقي العكس خالص وبرده مش عجبني وبتغاظ جدا من حماتي بالذات مهتمه جدا جدا ببنتي الصغيرة لدرجه انها بتوقفلها اليوم كله قصادها كده عشان تاكلها اهتمام غير عادي بس بحس انها بتضغط علي البنت بالاكل جامد رغم عاوز اقول حاجه بنتي دي مخها فظيع مبتحبش الاكل خالص ولما بنكون انا ومراتي لوحدنا مالناش طوله بال عشان ناكلها والبنت بتخس جامد وودنها احسن حضانه وبتقعد طول فترة الحضانه مابتاكلش
حماتي بتملي التلاجه عندنا اول باول ماشترتش كيلو لحمه لغايه دلوقتي وانا متجوز برضه من ٣ سنين وعلي كده التلاجه مليانه علي طول بس هيا بتغيظ في حاجات تانيه يعني مثلا بتعمل اكل كتير لكن بطريقه سريعه كده بتخلي الاكل طعمه وحش جدا ومبقدرش اكل وساعات لما بيكون عندنا مناسبه في البيت عندي بتقعد تدخل في حاجات ملهاش فيها اصلا
زي مثلا انتوا جايبين بيبسي كتير لا الاكل الللي اتقدم قليل حاجات كده تفرس

---

ارخم حاجه فى اى اسره هيا تدخل الاهل ودى حاجه بتخنقنى جدا لما بيدخلوا بعمل العكس على طول علشان مليش طوله بال بصراحه اطلاقا بس اهتمام حماتك ببنتك حاجه كويسه مش وحشه بس الواحد بيتخنق من الضغط ال عليه ربنا معاك ومعايا

اقتباس:

---

المشاركة الأصلية كتبت بواسطة syd

يا باشا الناس فيها وفيها

في أب بيشعر بظروف جوز بنته وبيعامله معاملة الأبن - مش هقولك يصرف عليه - بس علي طوول بيساعد
واعرف ناس بتدي بنتها مصروف ايديها كأنها لسة ماتجوزتش - كنوع من المساعدة المستعارة لجوز بنته او لبنته

دا اكيد انا مش هقبله برضوا لان لو حصل اساسا هيزلونى بيه دا احساسى والحمد لله انا مش محتاج اساسا بس انا بشوف ال امى بتعملوا حتى بالكلام وال هما بيعملوه وال اهل اصحابى بيعملوا بستغرب جدا منهم


وفي اب تاني متنح في العملية وعامل فيها من شرم

دول من الهند مش شرم


وفي اب اتنح من اللي فات وبيتقل علي بنته وجوزها

انا مش بفكر فيها لو اختها او اخوها او امها بيجوا يقعدوا حتى اسبوع مش بحسبها خالص بالشكل ال ممكن احس انهم بيحسبوه بيه



وهكذا الأم
في ام بتملي ثلاجة بنتها لحمة وطيور وكل ماتشتهي الأنفس
وفي أم بتكبر من بنتها خالص
وفي أم بتقل علي بنتها وبتاخد جهازها حتة حتة علي مدار السنين - زي سلفيني مش عارف ايه - سلفيني بتاع ايه - لحد لما تشطب علي جهاز بنتها والزوج مضطر يجيب

وعليه

فان كان هناك طباع حلوة خلتك تشكر فيهم - تغاضي عن العيوب - وكله بيعدي

اكيد فى حجات كويسه بس الظاهر الوحش ودا ال بيخنقنى جدااااااااااااااا


أقولك
طب عليهم اول يوم رمضان

هههههههههههههههه

انا اول يوم بفطر مع اهلى يا عم باكل براحتى ههههههههههههههههههههههه


كل سنة وحضرتك طيب

---

وحضرتك وكل الامه الاسلاميه بخير يا باشا

اقتباس:

---

المشاركة الأصلية كتبت بواسطة totaa

فى الحقيقة الدنيا على كدة وكدة والناس فيها كدة وبرضه فيها كدة

مثلا فيه بنات لما بتتجوز بيبقى بيتها هو فعلا كل حاجة ليها يعني مش بتعرف معنى الأكل والنوم
غير فى بيتها على النقيض تماما بقى فيه بنات بتنام نوم السنين كله بس فى بيت باباها حتى أكلها
مش بتاكل وتشبع غير فى بيت باباها ... المهم أنا ليا رأي هنا لو تسمحولي
دلوقتى أى اتنين اتجوزوا وأقلموا حياتهم انهم لبعض ومع بعض وبس لازم يعيشوا كدة
بمعنى ايه؟ بمعنى انت تصرف زي ما بتصرف جوة بيتك والله أهل زوجتك جابوا كتير جابوا قليل
يبقى خير وبركة ...كبروا وقالوا ماهو سادد ومش مخلي بيته ناقصه حاجة يبقى برضه خير وبركة
وإنت كدة كدة مش قاعد مستنيهم..........

بالظبط كدا الحمد لله انا مش مستنى ولا محتاج حاجه من حد بي تخيلى مواقف بتكون بسيطه جدا بس بتفرق جداااااااااااااا مع الواحد تخيلى مثلا لو انتى خارجه مع صاحبتك ورحتى تشربى بيبسى مثلا اكيد هتجبلها معاكى بدون تفكير صح ولا غلط نفس الكلام فى موضوع البامبرز على قدر ما هو موضوع هايف جدا بس خنقنى جدا منهم بصراحه




لكن اللى شاف أهل مراته بيكبروا راسهم فى اى طلب ليها لما بتكون عندهم ..انت بقى لازم تعوضها
ويكون فى ايدها فلوس بحيث انها مش لسة هتستنى لما ترجعلك وتجيبه خاصة لو ضروري وما يستنى
وده ضروري لنفسيتها جدا.......


المشكله ان دى كانت ظرف مره يعنى مش الطبيعى ان مراتى ميكنش معاها فلوس بالعكس خالص دا على طول بخحلى معاها اكبر قدر من الفلوس لاى ظروف بس النصيب بقا علشان اشوف رد فعلهم

بالنسبة للى أهل مراته بيجيبوا وبيجيبوا بس ليهم حاجات صغيرة مش بتعجبه
لازم وقتها تفكر ان اللى بيعملوه ده مش مجبرين عليه ولا دي لزاما عليهم ..لكن بيتعمل حب فى بنتهم

انا مقلتش اجبار خالص خالص بس انا بشوف الناس بتعمل حجات واهلى شخصيا بيعملوا حجات وبلاقى العكس تماما منهم حتى بالتقدير

وفيك وبالتالى فأى تصرف يصدر منهم لازم تعديه وتاخدهم على الحلوة والوحشة ...
وكل دي امور سهلة وممكن نعديها وتتحل لكن فى امور بجد صعبة جدا ... سواء من ناحية
تدخل الأهل أو تطفلهم أو حب تملكهم سواء لزوجة ابنهم أو زوج بنتهم كأنه هبة من ربنا ليهم
ويبعدوه عن أهله أو أهلها ...ودي فعلا المشاكل الحقيقة اللى يارب يكفينا ويكفيكم شرها

حاولوا يعملوا معايا كدا اول الجواز بس خدوا فوق دماغهم ومن ساعدها عرفوا طبعى


وبالنهاية تمنياتي للجميع باستقرار وطمأنينة وراحة بال فى حياتهم
ولو كل واحد يكتسب العيلة التانية ويكبر بيها عيلته لارتاح الناس كلهم

تحيتي وتقديري

توتاااااااااا

---

كل عام وحضرتك بخير وشكرا على مرورك

لكم دينكم ولى دين

مش فاهم ايه علاقه الدين بالموضوع ال انا كاتبه هما كفار مثلا !!!!!!!!!!!!!!!!!!!!!!!!!!!!!!!!

اقتباس:

---

المشاركة الأصلية كتبت بواسطة احمد المصرى

مش فاهم ايه علاقه الدين بالموضوع ال انا كاتبه هما كفار مثلا !!!!!!!!!!!!!!!!!!!!!!!!!!!!!!!!

---

هههههههههههههههههههه انا ماقدرتش امسك نفسى من الضحك ... فعلا ايه علاقة الايه بالموضوع ؟؟؟

اعتقد الاخ وسام بيجاوب علي عنوان الموضوع

"ايه طبيعه العلاقه بينك وبين حماتك وحماك؟"

يعني كل واحد في حاله , بس استخدام التشبيه صعب شوية

اقتباس:

---

المشاركة الأصلية كتبت بواسطة احمد المصرى

مش فاهم ايه علاقه الدين بالموضوع ال انا كاتبه هما كفار مثلا !!!!!!!!!!!!!!!!!!!!!!!!!!!!!!!!

---

كل واحد فى حاله
مفيش اكتر من ايه الاخبار وكل سنه وانتوا طيبين ولو حد عيان الف سلامه
ده من ناحيتى بالنسبه لبنتهم علاقتهم كويسه جدا طالما بعيد عنى
ولحد هنا والعلاقه الحمد لله زى الفل
لما بتزيد شويه بتحصل مشاكل

اقتباس:

---

المشاركة الأصلية كتبت بواسطة wesam_salom

كل واحد فى حاله
مفيش اكتر من ايه الاخبار وكل سنه وانتوا طيبين ولو حد عيان الف سلامه
ده من ناحيتى بالنسبه لبنتهم علاقتهم كويسه جدا طالما بعيد عنى
ولحد هنا والعلاقه الحمد لله زى الفل
لما بتزيد شويه بتحصل مشاكل

---

انا مش عارف ايه الظروف ال وصلت الموضوع لكدا واكيد انت عندك اسبابك بس انا حاسس ان الحياه كدا مش حلوه على الاقل بالنسبه ليا شخصيا ممكن انت مرتاح كدا بس انا شخصيا من عايز كدا مع انى احيانا بتمناه ههههههههههه والله الواحد مش عارف يعمل ايه ومهما عمل برضوا مش عاجب وهيكون مش كويس

المفروض يا جماعه ديه حجات عائليه وخصوصيات متتحكيش كده على العام اظن كل بيت وليه حرمته

إذا بُليتم فاستَتِروا

الحمد لله الحمد لله الحمد لله على حماتى العسل، ست طيبة قليلة الكلام، أكلها زى العسل و مالهاش طلبات خالص وواقفة فى صفى فى اى حاجة ماعدا تشجيع الزمالك، لو عملنا معاها ابسط واجب بتبقى كأننا جيبنالها الدنيا بحالها، بصراحة هى كانت سبب رئيسى فى انى اتجوز مراتى.

اقتباس:

---

المشاركة الأصلية كتبت بواسطة احمد المصرى

السلام عليكم

انا مش عارف المشكله عندى ولا دا الطبيعى وانا ال مش عارف ولا انا خبرتى قليله لانى يعتبر متزوج مش من كتير تقريبا 3 سنوات

اهل مراتى ناس طيبه جدا بس احيانا بيعملوا حجات غريبه واكيد بتخنقنى جدا انا مش فاكر بالترتيب بس انا هتكلم عموما ال فاكره حاليا

مره كانت مراتى هناك وكان ابنى عايز بامبرز وخلص ومراتى مش معاها فلوس مراتى استنت لبليل لحد لما رحت علشان تاخد منى مع ان الموقف دا لما بيحصل عن اهلى من غير ما اقول بيعتوا يجيبوا علبه صغيره للولد انا مش بتكلم على بابرز ب 10 جنيه والله انا بتكلم على رد فعل

مفتركرش مره انهم جابوا لمراتى اى حاجه غير نادرا فى زواج 3 سنوات انا مش محتاج اى حاجه منهم اطلاقا بس احيانا بلاقى اصحابى الوضع عندهم مختلف خالص مش عارف هل انا ال غلط ولا هما ال ناس غريبه

ابسط موقف من كام يوم موبيل مراتى اتسرق فقالت لاختها انا هاخد الموبيل دا لانه مركون عندهم طبعا رفضوا ان مراتى تاخد الموبيل وبصراحه صعبت عليا مراتى وصعب عليا الموقف الرخم دا اصلوا موبيل يعتبر مرمى اساسا وعلشان احافظ على كرامه مراتى وعلى كرامتى رحت جبت موبيل جديد ليها مع ان العمليه مش مستحمله حاليا ومواقف من كدا كتير

لدرجه حاليا انى مش بحب اروح هناك كتير ومش بحب حتى اكل هناك طبعا انا بحاول على قدر الامكان انى اراعى ربنا فى اهل مراتى وانى ابر مراتى فى اهلها وانى اساعدها فى بر اهلها بس مش عارف انا هقدر استحمل لحد امت

هما ناس طيبه مش وحشه بس احيانا كتير يخنقوا لاقصى درجه بصراحه

---

انا حاسس إني أنا ايلي كاتب الكلام ده
ايه يا بني سبحان الله
طلعت مش انا لوحدي
أنا زيك بالظبط و يمكن أنيل شويتين
أنا متجوز من سنة و نص كده و من ساعت ما كنت عندهم يوم الفرح عشان أخد مراتي مدخلتش بيتهم غير مرتين و أكتر من كباية الشاي مفيش
و مواقف أكتر من ايلي انت بتحكيها و أكتر قلة زوق و أكتر بخل و ايلي عايز تقوله قولة

الحمد لله وبفضله انا والدي ووالدتي متوفيين وربنا عوضني بحماتي وحمايا واخوات زوجتي بس المشكله بتاعتي معاهم انهم زملكاويه بجنون وانا اهلاوي بجنون والمشاكل شغاله معاهم بسبب الموضوع ده لكن الحمد لله علي نعمة تعطيل الدوري يعني فيه هدنه حاليا وبعد كدا نبدا المعركه معاهم

بص حضرتك لازم تضع فى الاعتبار ان العادات داخل الأسر ممكن تكون مختلفه و ذلك لا يعنى مثلا ان اسره زوجتك بخيله او غريبه لاقدر الله و سوف أعطيك مثال فى المناسبات الحزينه او السعيدة قد تجدهم مجاملين او غير مجاملين و ده ليس له علاقه بمدى حبهم و احترامهم ليك فحاول حضرتك ان تلتمس العذر لهم و لا تفسر المواقف بناء على رد فعل حضرتك فى موقف مشابه و احسن حاجه حضرتك تعملها معهم انك تتجنب اى مواقف ممكن تؤدى لهذه المشاكل وتضع بعض الحدود فى العلاقة بحيث تقتصر على صله الرحم و الكلمه الطيبه و ما دون ذلك تجعله فى اطار اسرتك

وجعلناكم شعوبا وقبائل لتعارفوا
صدق الله العظيم
وتوقيع وسام سلوم رائع ومضحك وحقيقي
بصراحة من الاخر عاجبني قال جبنة رومي قال

علي حسب الأهل
انا الحمد لله مش مخلي مراتي تحتاج حاجه ولو راحت عند اهلها بيبقي معاها الفلوس وطبعا اهلها مش بيسيبوها تدفع مليم وبيجبولها حاجات كتيير كل اما نروح هناك وطبعا كل شويه ياخدو العيال ويجيبولهم حاجات من السوبر ماركت

نفس الحوار لما يبقي خواتي عندنا مش بيمشو الا محملين عشان شكلهم قدام اهل جوزها

بس في رجاله مثلا مش بتحب كده وبتتخانق مع اهل مراته لو لقاها جايبه حاجه وانا عندي جوز اختي كده

وفي رجاله بتعتبر انها بمجرد جواز البنت بقيت خلاص مش مسئوله منه ومش هيجبلها مليم وفي رجاله جايز تكون خايفه تجيب حاجه عشان جوزها ميزعلش

بص طالما كويسين معاك يبقي الدنيا وما فيها وان كان علي الماديات فمصحله علي الأقل مضطرش كل شويه تجامل دي وتروح لدي

انا بتنفح من الموضوع ده كل شويه واحده قريبتها تتجوز ولا تعيي ولا تخلف والمفروض اروح وانقط وابارك وطبعا الناس دي هتيجي وبيجو في اوقات مايعلم بيها الا ربنا وابقي مش فاضي اروحلهم

اقتباس:

---

المشاركة الأصلية كتبت بواسطة hossam_hassan

الحمد لله الحمد لله الحمد لله على حماتى العسل، ست طيبة قليلة الكلام، أكلها زى العسل و مالهاش طلبات خالص وواقفة فى صفى فى اى حاجة ماعدا تشجيع الزمالك، لو عملنا معاها ابسط واجب بتبقى كأننا جيبنالها الدنيا بحالها، بصراحة هى كانت سبب رئيسى فى انى اتجوز مراتى.

---

الحمد لله ان ربنا كارمك بناس كدا انا حماتى طيبه بس احيانا بيعملوا حجات تشل بصراحه ومش عارف ايه السبب هل طبع فيهم مثلا ولا تفكيرهم اذاى مش عارف

اقتباس:

---

المشاركة الأصلية كتبت بواسطة mok3336

انا حاسس إني أنا ايلي كاتب الكلام ده
ايه يا بني سبحان الله
طلعت مش انا لوحدي
أنا زيك بالظبط و يمكن أنيل شويتين
أنا متجوز من سنة و نص كده و من ساعت ما كنت عندهم يوم الفرح عشان أخد مراتي مدخلتش بيتهم غير مرتين و أكتر من كباية الشاي مفيش
و مواقف أكتر من ايلي انت بتحكيها و أكتر قلة زوق و أكتر بخل و ايلي عايز تقوله قولة

---

كوبايه شاى فى سنه ونص لا دا انت حاله عويصه بصراحه ربنا يكون فى عونك بصراحه ربنا يهديلنا الحال ان شاء الله

اقتباس:

---

المشاركة الأصلية كتبت بواسطة mr_sameh

الحمد لله وبفضله انا والدي ووالدتي متوفيين وربنا عوضني بحماتي وحمايا واخوات زوجتي بس المشكله بتاعتي معاهم انهم زملكاويه بجنون وانا اهلاوي بجنون والمشاكل شغاله معاهم بسبب الموضوع ده لكن الحمد لله علي نعمة تعطيل الدوري يعني فيه هدنه حاليا وبعد كدا نبدا المعركه معاهم

---

ربنا يرحمهم ان شاء الله ويعوضك خير باهل مراتك بس اهل مراتى اول الزواج كانوا عايزين يخدونى من اهلى بس فشلوا والحمد لله انا مسيطر بس انا شخصيا مش بحب التفكير بالطريقه دى


وخليك اهلاوى كلنا معاك يا باشا ههههههههههه

اقتباس:

---

المشاركة الأصلية كتبت بواسطة land_cruiser

بص حضرتك لازم تضع فى الاعتبار ان العادات داخل الأسر ممكن تكون مختلفه و ذلك لا يعنى مثلا ان اسره زوجتك بخيله او غريبه لاقدر الله و سوف أعطيك مثال فى المناسبات الحزينه او السعيدة قد تجدهم مجاملين او غير مجاملين و ده ليس له علاقه بمدى حبهم و احترامهم ليك فحاول حضرتك ان تلتمس العذر لهم و لا تفسر المواقف بناء على رد فعل حضرتك فى موقف مشابه و احسن حاجه حضرتك تعملها معهم انك تتجنب اى مواقف ممكن تؤدى لهذه المشاكل وتضع بعض الحدود فى العلاقة بحيث تقتصر على صله الرحم و الكلمه الطيبه و ما دون ذلك تجعله فى اطار اسرتك

---

المشكله فعلا ان العادات فعلا مختلفه ودا شى طبيعى جدا انا على طول بلتمس العذر وعلى طول بكبر دماغى انا فعلا بعمل ذى ما انت بتقول انا فعلا بتجنب اى حوارات او مشاكل او كلام علشان الامور تمشى

اقتباس:

---

المشاركة الأصلية كتبت بواسطة waelfarid

وجعلناكم شعوبا وقبائل لتعارفوا
صدق الله العظيم
وتوقيع وسام سلوم رائع ومضحك وحقيقي
بصراحة من الاخر عاجبني قال جبنة رومي قال

---

ونعم بالله

اقتباس:

---

المشاركة الأصلية كتبت بواسطة shaddadfalcon1

علي حسب الأهل
انا الحمد لله مش مخلي مراتي تحتاج حاجه ولو راحت عند اهلها بيبقي معاها الفلوس وطبعا اهلها مش بيسيبوها تدفع مليم وبيجبولها حاجات كتيير كل اما نروح هناك وطبعا كل شويه ياخدو العيال ويجيبولهم حاجات من السوبر ماركت

اعتقد ان دا هو الطبيعى واعتقد اننا متربيين على كدا وانا شايف ان دا الطبيعى جدا


نفس الحوار لما يبقي خواتي عندنا مش بيمشو الا محملين عشان شكلهم قدام اهل جوزها

الموضوع ملوش علاقه بالشكل على قدر ما هو مش عارف اقولهالك اذاى بس ممكن نقول ود


بس في رجاله مثلا مش بتحب كده وبتتخانق مع اهل مراته لو لقاها جايبه حاجه وانا عندي جوز اختي كده

انا مش عايز منهم اى حاجه والله العظيم بس انا بتكلم على حجات ممكن تكون هايفه جدااااااااااا بس عندى باخدها كبيره جدا ومش عايزهم يجيبوا اى حاجه اطلاقا بس مش يخلوا على ابنى بكلام فارغ تخيل انت داخل بنزوينه تمون العربيه ورحت علشان تشترى بيبسى هتجيب مثلا زجاجه ليك وال معاك يولع ولا هتجيبلوا معاك دا ال بتكلم فيه


وفي رجاله بتعتبر انها بمجرد جواز البنت بقيت خلاص مش مسئوله منه ومش هيجبلها مليم وفي رجاله جايز تكون خايفه تجيب حاجه عشان جوزها ميزعلش

بص طالما كويسين معاك يبقي الدنيا وما فيها وان كان علي الماديات فمصحله علي الأقل مضطرش كل شويه تجامل دي وتروح لدي

انا بعمل كدا فعلا بس الواحد برضوا بيتخنق احيانا


انا بتنفح من الموضوع ده كل شويه واحده قريبتها تتجوز ولا تعيي ولا تخلف والمفروض اروح وانقط وابارك وطبعا الناس دي هتيجي وبيجو في اوقات مايعلم بيها الا ربنا وابقي مش فاضي اروحلهم


الحمد لله انا بجاملهم اكثر ما هما بيعملوا لانى بتعامل بمستوايا وتربيتى واحيانا بلاقى المجاملات اقل كثيرا بس بقول عادى واكبر بس اكيد حاجه تخنق

---

كل سنه وانت طيب يا باشا

طيب ايه رايك انا عندي واحد صحبي بقي لما كان مراته وعياله يروجو عند اهلها كان اخوها بيتصل بيه ويقوله تعالي هات شريط برشام للواد عشان عيان
شريط بشرام بجنيه ونص ولا 5 جنيه تخيل؟

ولما يروح هناك وانا رحت اصلا معاه كذا مره كان بيبقي مزعل مراته وكنت بروح اصالحه عليها واجيبها معاه ولما كنت اروح كانو بيقولو تاكل؟ يعني مش حتي عزومة مراكبيه

ولما كانو بيروحو لصاحبي في عيد مثلا كانت حماته بتجر وراه 5 رجاله ويقعدو يومين تلاته ويصرفو مصاريف بغباء وفراخ ولحمه وحاجات من السوبر ماركت علي قفا صاحبي وكانو بيوقفو حاله

اقتباس:

---

المشاركة الأصلية كتبت بواسطة shaddadfalcon1

طيب ايه رايك انا عندي واحد صحبي بقي لما كان مراته وعياله يروجو عند اهلها كان اخوها بيتصل بيه ويقوله تعالي هات شريط برشام للواد عشان عيان
شريط بشرام بجنيه ونص ولا 5 جنيه تخيل؟

ولما يروح هناك وانا رحت اصلا معاه كذا مره كان بيبقي مزعل مراته وكنت بروح اصالحه عليها واجيبها معاه ولما كنت اروح كانو بيقولو تاكل؟ يعني مش حتي عزومة مراكبيه

ولما كانو بيروحو لصاحبي في عيد مثلا كانت حماته بتجر وراه 5 رجاله ويقعدو يومين تلاته ويصرفو مصاريف بغباء وفراخ ولحمه وحاجات من السوبر ماركت علي قفا صاحبي وكانو بيوقفو حاله

---

فعلا ال يشوف مصيبه الناس تهون عليه مصيبته

فى الاول كانو كويسين وبيشيلونى من على الارض شيل
وبعد سنه بقيت ابنهم بقه وبيتصرفو معايا بتلقائيه فأنا كمان بقيت اتصرف بتلقائيه انى (ماتعاملش معاهم اشاسا)
ازيكو -كويسين-انشالله دايما-ولكن حماتى ساعات بتحدف طوب وانا بصده بس

اقتباس:

---

المشاركة الأصلية كتبت بواسطة mado83

فى الاول كانو كويسين وبيشيلونى من على الارض شيل
وبعد سنه بقيت ابنهم بقه وبيتصرفو معايا بتلقائيه فأنا كمان بقيت اتصرف بتلقائيه انى (ماتعاملش معاهم اشاسا)
ازيكو -كويسين-انشالله دايما-ولكن حماتى ساعات بتحدف طوب وانا بصده بس

---

كل واحد وليه عادات وتقاليد حتى فى طبيعه الاكل وطريقه الاكل ومن هنا بتحصل المشاكل الرخمه

اقتباس:

---

المشاركة الأصلية كتبت بواسطة احمد المصرى

كل واحد وليه عادات وتقاليد حتى فى طبيعه الاكل وطريقه الاكل ومن هنا بتحصل المشاكل الرخمه

---

بالظبط كده انته كده جبت الزتونه
بس بينى وبينك كده احسن لما تبقى اللى انته بتعمله بتلاقى اقل منه علشان مايجيش يوم من الايام حد يقولك احنا كنا بنعمل معاك ونسوى

اقتباس:

---

المشاركة الأصلية كتبت بواسطة mado83

بالظبط كده انته كده جبت الزتونه
بس بينى وبينك كده احسن لما تبقى اللى انته بتعمله بتلاقى اقل منه علشان مايجيش يوم من الايام حد يقولك احنا كنا بنعمل معاك ونسوى

---

كدا ممكن يكون اريح بس صعب جدا بصراحه ولو حد جه فى يوم قال كدا يبق دا نقص منه هو شخصيا مش عيب فينا لان الكريم عمره ما يعمل كدا

سيبك من الأمور المادية وكبر دماغك منها خالص..مفيش حد كامل..طالما بيعاملوك كويس يبقى أنت كسبت أهم حاجة وهي التقدير المعنوي..واحمد ربنا إن الموضوع مش العكس كان هيبقى موقفك محرج جداً...فيه واحد صاحبي بيحصل معاه العكس..اهله منفضين له مادياً تماماً حتى لو اتزنق محدش يمد إيده ويساعده..أهل مراته على النقيض تماماً لدرجة إن الولد قرب يكره أهله دا غير موقفه ومنظره قدام مراته هي آه مش بتتكلم لكن الأمور واضحة للجميع.
ربنا لا يحوجك لا لأهل مراتك ولا لغيرهم ويسترك في الدنيا والأخرة.

ربنا معاك ومع زوجتك
لأني أنا زوجة وأهلي بيعملوا زي أهل مراتك ( رغم أنهم مش بخلاء )
ودايماً في إنتقاد من زوجي ( بس بصراحة مش مخليني عايزة حاجة ومش محتاجين ليهم ، بس بينتقد ).
لدرجة إني كتير أكدب عليه ( ربنا يسامحنى ) ( إني لا أكذب ولكني أتجمل ) وأقول له ماما جابت ليا كذا ، وباب باعت لي كذا .
ولما يجوا يزورنا كل فين وفين يجيبوا شوكليت أو ورد - وكل مرة أقول يا ريتهم ما جابوا حاجة من ترقية جوزي ، ويقول لي : هما جايين مستشفى لزيارة مريض - دا أنتي بنتهم !! - وبصراحة هدية مش عمليه في ظل الظروف الإجتماعية والإقتصادية .
ولما نروح لهم كل فين وفين برضوا - جوزي يصمم يجيب لهم ورد :10_1_104v[1]:
مع العلم إن أهله برضوا مش بيعملوا حاجة خالص ولا زيارات ليهم ولا بيجوا عندنا ، وممكن نتقابل بالصدفة .

اقتباس:

---

المشاركة الأصلية كتبت بواسطة ossamayk

سيبك من الأمور المادية وكبر دماغك منها خالص..مفيش حد كامل..طالما بيعاملوك كويس يبقى أنت كسبت أهم حاجة وهي التقدير المعنوي..واحمد ربنا إن الموضوع مش العكس كان هيبقى موقفك محرج جداً...فيه واحد صاحبي بيحصل معاه العكس..اهله منفضين له مادياً تماماً حتى لو اتزنق محدش يمد إيده ويساعده..أهل مراته على النقيض تماماً لدرجة إن الولد قرب يكره أهله دا غير موقفه ومنظره قدام مراته هي آه مش بتتكلم لكن الأمور واضحة للجميع.
ربنا لا يحوجك لا لأهل مراتك ولا لغيرهم ويسترك في الدنيا والأخرة.

---

والله انا بعمل كدا بس الواحد احيانا بيخرج عن شعوره انا مش ملاك يعنى


شكرا على الدعاء وجزاك الله كل خير

اقتباس:

---

المشاركة الأصلية كتبت بواسطة friendship7897

ربنا معاك ومع زوجتك
لأني أنا زوجة وأهلي بيعملوا زي أهل مراتك ( رغم أنهم مش بخلاء )
ودايماً في إنتقاد من زوجي ( بس بصراحة مش مخليني عايزة حاجة ومش محتاجين ليهم ، بس بينتقد ).
لدرجة إني كتير أكدب عليه ( ربنا يسامحنى ) ( إني لا أكذب ولكني أتجمل ) وأقول له ماما جابت ليا كذا ، وباب باعت لي كذا .
ولما يجوا يزورنا كل فين وفين يجيبوا شوكليت أو ورد - وكل مرة أقول يا ريتهم ما جابوا حاجة من ترقية جوزي ، ويقول لي : هما جايين مستشفى لزيارة مريض - دا أنتي بنتهم !! - وبصراحة هدية مش عمليه في ظل الظروف الإجتماعية والإقتصادية .
ولما نروح لهم كل فين وفين برضوا - جوزي يصمم يجيب لهم ورد :10_1_104v[1]:
مع العلم إن أهله برضوا مش بيعملوا حاجة خالص ولا زيارات ليهم ولا بيجوا عندنا ، وممكن نتقابل بالصدفة .

---

طيب ايه تفسيرك بالنسبه للاهل ليه بيعملوا كدا طالما مش بخل يعنى المشكله حاليا ان الاهل عموما ممكنت يعملوا كدا اهل الزوج او الزوجه طيب ليه بيعملوا كدا ؟؟؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة احمد المصرى

طيب ايه تفسيرك بالنسبه للاهل ليه بيعملوا كدا طالما مش بخل يعنى المشكله حاليا ان الاهل عموما ممكنت يعملوا كدا اهل الزوج او الزوجه طيب ليه بيعملوا كدا ؟؟؟؟؟؟؟؟؟؟؟؟؟؟؟

---

ممكن تكون غيرة من الام لبنتها مثلا او الام لما كانت زى البنت زمان ما كنش اهلها بيودوها