شحن فريون تكييف المنزل بيكلف كام؟

**Ghosts** · 16-07-2012 11:18 AM

المشاركة الأصلية كتبت بواسطة Mahmoudyoussif

بص انا هبعت لحضرتك على الخاص رقم مهندس صيانه بصراحه

كلمتهم و بعيت ناس عملتلي التكيف بقى تلاجه ولله ولا اكنه زيرو

هما في مدينه نصر في السابع او العاشر مش فاكر هياخد اسم حضرتك و عنوانك ويبعتلك

فني كمان يومين ... بس ممكن تبقى مواعيدهم متأخره ... انا عندي مروحه التكيف ما كانتش

راضيه تشتغل عملها و نضف التكيف حته حته في البانيو وركبه تاني و خد 100 جنيه + اكراميه اللي شغالين

قول 120 جنيه ... كلمهم كده و قولي عملت ايه

ألف شكر يا فندم على أهتمامك ....

**Mahmoudyoussif** · 16-07-2012 11:20 AM

العفو على ايه يا باشا

**Ghosts** · 16-07-2012 11:28 AM

المشاركة الأصلية كتبت بواسطة احمدعبدالعزيز

انا لسه شاحن التكيف 75 جنيه من اسبوع

75 جنية بس؟؟!!
أنا كنت متأكد أن دى أشتغالة ....
طب ياترى أقدر أبلغ جهاز حماية المستهلك عن ورش النصابين دول؟؟!!

**m_marmoush** · 16-07-2012 12:22 PM

بص يا سيدى، تكلفة شحن الفريون من خلال توكيل يونيون اير 150 جنيه بالأضافة ل 75 جنيه مصاريف الزيارة، يعنى المجموع 225
المهم تعالج سبب التنفيس أو التسريب مش تشحن و خلاص
بالنسبة للتوكيل هما ممتازين و محترمين جدا فى التعامل عن تجربة، المهم كلمهم من 10 الصبح ل 3 العصر ماعادا الجمعة و السبت عشان يردو عليك (مواعيد شغلهم)
يفضل التعامل عامة مع التوكيل فى الصيانات عشان هما عارفين حاجتهم بالأضافة لتركيب قطع الغيار الأصلية بالضمان

**Ghosts** · 16-07-2012 12:30 PM

المشاركة الأصلية كتبت بواسطة m_marmoush

بص يا سيدى، تكلفة شحن الفريون من خلال توكيل يونيون اير 150 جنيه بالأضافة ل 75 جنيه مصاريف الزيارة، يعنى المجموع 225
المهم تعالج سبب التنفيس أو التسريب مش تشحن و خلاص
بالنسبة للتوكيل هما ممتازين و محترمين جدا فى التعامل عن تجربة، المهم كلمهم من 10 الصبح ل 3 العصر ماعادا الجمعة و السبت عشان يردو عليك (مواعيد شغلهم)
يفضل التعامل عامة مع التوكيل فى الصيانات عشان هما عارفين حاجتهم بالأضافة لتركيب قطع الغيار الأصلية بالضمان

ألف شكر يا فندم على الرد ....
هل علاج تسريب الفريون بيتم فى المنزل ولا هيتم نقل الوحدة الخارجية للمصنع؟؟!!

لو حضرتك عندك رقم تليفون صيانة يونيون أير الأرضى ياريت تكتبة لأن الخط الساخم مش شغال ....
محدش بيتعلم ببلاش و محدش يكلم الأرقام اللى عالنت لأن دى مش صيانة دى ورش ....

**WalidAdel** · 16-07-2012 04:55 PM

المشاركة الأصلية كتبت بواسطة mahmoudyoussif

بص انا هبعت لحضرتك على الخاص رقم مهندس صيانه بصراحه

كلمتهم و بعيت ناس عملتلي التكيف بقى تلاجه ولله ولا اكنه زيرو

هما في مدينه نصر في السابع او العاشر مش فاكر هياخد اسم حضرتك و عنوانك ويبعتلك

فني كمان يومين ... بس ممكن تبقى مواعيدهم متأخره ... انا عندي مروحه التكيف ما كانتش

راضيه تشتغل عملها و نضف التكيف حته حته في البانيو وركبه تاني و خد 100 جنيه + اكراميه اللي شغالين

قول 120 جنيه ... كلمهم كده و قولي عملت ايه

ياريت ياباشا تبعتلي النمره انا كمان لان عندي 3 تكييفات ماتعملش فيهم حاجه من ساعة ماجيبتهم
لان ماشاء الله شغالين كويس بس للاسف ابتدوا الصيف ده يشتكوا فبدور علي مركز نضيف و حد مجربه يعملهملي
انا عندي يونيون اير و باور و كارير هل ينفع يعملهم التلاته ولا هو بيشتغل في نوع معين بس ولا ايه .... شكرا مقدما لحضرتك

**Ghosts** · 16-07-2012 05:49 PM

يا جماعة حد يعرف الواحد يعمل أية فى مراكز الخدمة بتاعت الناس النصابين دول؟؟!!
يعنى هل هقدر أجيب حقى ولا بخ على كدة؟؟!!

**A7MED_PHARMA** · 17-07-2012 03:21 AM

هو حد بيسلخ قبل مايدبح يابوحميد

أول حاجة بتتم .. إنه بيوصل أنبوبة الفريون بدايرة التكييف ويديها غاز
ويشوف مكان التسريب منين .. ويشيك على دايرة الغاز كلها ويتأكد إنها كلها تمام ويسد مكان التسريب بلحام نحاس أو بــديفيكون او أي طريقة جديدة .. انا مشتغلتش في التكييف والتبرييد من ايام ثانوي
وبعد كده
وبعد مايتأكد ان كل حاجة تمام .. والتنفيش اتقفل
بيوصلها بأنبوبة الغاز الفريون .. وحسب حجم الدايرة بتكون كمية الغاز الي هياخدها التكييف
يعني مش كل شحن التكييف نفس السعر

بس عموما
سعر الاسطوانة نص كيلو من الفريون رخيص .. رخيص جدااا كمان

يعني 300 ج دي إشتغالة كبيرة أووووووووووي

خد الفاتورة بتاعتك
وكلم رقم جهاز حماية المستهلك..كنت مسجل الرقم على موبايلي بس الموبايل مهيس
دور على رقم جهاز حماية المستهلك على جوجل .. وكلمهم