السلام عليكم و كل سنه و الجميع طيبين بمناسبه حلول الشهر الكريم .

النهارده عربيه اختى اوبل البطاريه بتاعتها نامت و حلفت بالحلال ماهى دايره
نزلت و صلتها بكابل التوصيل الصينى ابو 40 جم من كارفور
حلف بانه موش مدور البطاريه بتاعه الاوبل و ابتدى يسخن خصوصا بعد ما ابتديت ازود من عربيتى - كنت فاكر انه كده هيبقى فيه شحن اعلى -
لما الكابل سخن جدا و مافيش فايده قلت اجيب الكهرباءى اللى قريب يمكن يتصرف
رحتله و سالت ليه العربيه مدارتش مع انى البطاريه اللى عندى كويسه و جديده
بصلى لحظات - حسسنى انى مركبتش عربيات قبل كده - وبص للصبى اللى عنده و قاله خد كابل نظيف من اللى جوه و روح ياحمد دورله العربيه
قلتله انا عاوز بطاريه ادور بيها مع الكابل - رد احمد ملوش لزوم يابيه الكابل كفايه
طبعا مع احساسى انى 22 سنه اللى بسوق فيها عربيات قبل كده - بس قلت نتعلم و نشوف
اول لما وصل الكابلات قالى اطفى العربيه عندك
و طلب ان ادور الاوبل و دارت فعلا
مع البلاهه اللى بانت عليا سالته ايه السبب
قالى احمد
لما توصل كابل من بطاريه لبطاريه لازم البطاريه اللى انت واخد منه تكون العربيه مبطله علشان جهد البطاريه بيكون فى اعلى حالاته
اما لو دورت الدينمو هو اللى بيشحن و طبعا مبيقدرش يدى الاثنين
قلت ابلغكم بالمعلومه و اللى يمكن الكثير يكون عارفها بس بالنسبه لى جديده
تحياتى للجميع ........