فىن تتباع الأجهزة لتحويل 12 فولت إلى 220 فولت ؟

**خالد** · 15-07-2012 11:34 PM

كل سنة وأنتم طيبين ، رمضان على الأبواب والكهرباء بدأت تقطع فى المنطقة عندنا كتير ، ومتوقع فى رمضان تزيد ! وعندنا مسجد صغير فى البيت من تحت زاوية يعنى ، وبسم الله ماشاء الله رواده وعماره كتير جداً وبنصلى طبعاً فى الشارع بعد إمتلاء المسجد
المشكلة أن لو الكهرباء قطعت اللى بره مش هيسمع الصلاة خالص وكمان الإمام مش هيشوف كويس من المصحف ( طبعاً فى كشافات طوارئ) بس أنا عاوز آخد الإحتياطات اللازمة علشان نعرف نصلى التراويح فى المسجد وربنا يتقبل منا جميعاً
زمان شفت فى التليفزيون جهاز زى مولد الكهربا بالظبط أو نفس فكرة شاحن الطوارئ فى البيت بتحطه فى فيشة الكهرباء يتشحن ولما الكهرباء تقطع يشتغل لفترة ! سألت عليه فى ش نجيب الريحانى وشارع عماد الدين مش عارفينه خالص !!
كنت عاوز أجيب جهاز يحول الــ 12 فولت من بطارية سيارة مثلاً إلى 220 فولت بقوة 1000 أمبير مثلاً نشغل عليه إنارة مسجد صغير وماكينة الصوت والميكروفونات
هل تنفع الفكرة دى ولا لأ ؟ ولو تنفع أشترى الأجهزة منين ؟ وأوصلها أزاى ؟
ربنا يبارك فيكم ويبلغكم رمضان ويبارك لنا فيه ويتقبل الله منا جميعاً صالح الأعمال

**Elawany13** · 16-07-2012 12:42 AM

اعلى حاجه كانت 400 امبير على ما اتذكر
بس ديه لتشغيل الأجهزة البسيطة
معتقدتش انه يستحمل اجهزة المسجد

الحل للمسجد مولد الكهرباء الذى يعمل بالوقود

**abdalah_hashem** · 16-07-2012 10:13 AM

اللى حضرتك تقصدة دة جهاز ups ودة بيخزن كهرباء ولما تقطع بيشغل الاجهزة المهمة فقط لوقت معين بيكون دقايق ممكن تمتد لنصف ساعة حسب الجهاز ومقدار سحبة للتيار

بس دة غالى جدا

اصلا اصلا كل الاجهزة هتلاقيها شغالة على 12 فولت او 9 فولت ولكن فى محول جوة الجهاز بيحول ال 220 الى الفولت اللى الجهاز عايزة
ممكن تخلى كهربائى يوصللك وصلة من بعد الترنس فى الاجهزة بتاعت الجامع ويخرجللك منها فيشة وتوصلها على البطارية لما النور يقطع بس بس بس بس بس بس بس خد باااااااااااااااااااالك هيعملك حاجة تخفض التيار بتاع البطارية شوية مقاومات وكدة عشان تيار البطارية بتاعت العربية شديد وعالى جداااااااااااااااا على الاجهزة دية

**أحمد كمال** · 16-07-2012 10:20 AM

اعتقد قصدك Inverter

بس احب اقول لحضرتك حاجة

على افتراض ان الجهاز فقد الطاقة بتاعه 10% (و ده معناه انه كفء جدا)

لو ركبته على بطارية 70 امبير ...... الدخل هيكون 12 * 70 = 840 واط

الخرج شيل 10% يعني 756 واط ..... اقسم على 220 فولت = 3.4 واط

يعني مش هينور لك لمبة :)

**أحمد كمال** · 16-07-2012 10:38 AM

عشان توصل لقوة 100 امبير (100 مش 1000) مع 220 فولت يعني الخرج يكون 22 كيلوواط

يعني برضه على افتراض الفقد 10% يبقى الدخل 24.2 كيلوواط

يعني لو بطاريات 12 فولت (بتاع عربية) محتاج اجمالي 2016 امبير

يعني لو البطارية الواحدة 70 امبير هتحتاج 29 بطارية توصلهم عالتوازي

ماكانش حد غلب و لا اشترى مولد :)

**أحمد كمال** · 17-07-2012 11:17 AM

المشاركة الأصلية كتبت بواسطة خالد

بس الطريقة دى لقيتها على النت !!!
واحد جايب إنفرتير ( يحول من 12 فولت إلى 220 فولت ) وشاحن للبطارية ( يعمل العكس يحول من 220 فولت لــ 12 فولت ) وبطارية عربية 70 أمبير
وأنا كنت شفت فى التلفزيون على القنوات الفضائية إعلان بيبيع حاجة زى كده نفس الفكرة بالظبط كأنه كشاف طوارئ ( بتحطه فى الفيشة يشحن ) ولما الكهربا تقطع عندك تحطه فى أى فيشة يقوملك الشقة كلها بالأجهزة وتستخدم نفس المفاتيح والبرايز اللى فى الشقة كأن الكهرباء العمومية موجودة بالظبط وكان تمنه حوالى 700 ج ولكن للأسف الإعلان ده مش بينزل دلوقتى ومش عارف أجيب الجهاز ده منين
فقولت أشوف الفكرة دى تنفع ولا لأ ، وأنا مش متخصص فى الكهرباء قوى يعنى بس بفهم شوية ! ياريت تنورونى أكتر !!
مع خالص تحياتى

انت عارف اعلانات القنوات الفضائية و مصداقيتها الزفت :(

-

-

الموضوع: فىن تتباع الأجهزة لتحويل 12 فولت إلى 220 فولت ؟

LinkBack

أدوات الموضوع

عرض

-

-

-

-

-

المواضيع المتشابهه

220 فولت فى العربيه

شيفي فولت ... انا شفت العربية دي قبل كده فين ؟

هى لمض الفوانيس كام فولت فى 128

وصلة 12 فولت

انا فولت 52 لتر !!!

الكلمات الدلالية لهذا الموضوع

المفضلات

المفضلات

ضوابط المشاركة