أول مرة اسمع الكلام الغريب ده
خد بالك فعلا ليكون مظبط مع حد و يعكلك فى العربية
عرض للطباعة
أول مرة اسمع الكلام الغريب ده
خد بالك فعلا ليكون مظبط مع حد و يعكلك فى العربية
شكرا للنصائح والرد....وفعلا اول ما قالى السعر انا استغربت وشكيت فحبيت اسأل الاول برده........ وشكرا مرة تانية
خد منهم العربية زى ما هيا و شيك عليها كويس
و ماتستلمهاش ملزوق عليها الورق الابيض اللى بيحمى الصاج و الدهان خليهم يشيلوه و يغسلوا العربية غسلة كويسة عشان تتاكد ان مافيهلش اى حكة او مرمة او اى عيوب فى الدهان
خد بالك من عداد الكيلو مترات المفروض ان العربية تكون عاملو 9 كيلو و ده التجربة بتاعتها قبل ما تطلع من المصنع و بعد كده بتيجى عندهم منقولة على ترلة... اتاكد من مستوى زيت الفرامل و مية قربة الردياتير
غلس عليهم و اسحب مقياس زيت الموتور و شوفه مظبوط ولا لا
شخل التكييف و هيا واقفة اد 5 دقائق بس عشان تطمن انو شغال مش حيبرد تمام اوى لان لسه العربية ما اتلينتش
و بعدين اوعا تشغله الا بعد الالف الاولى او اضعف الايمان بعد اول 500 كيلو ( انا هبداء استعمله بعون الله على 900 كده عشان اشوف لو فى ملاحظات اقو ل لهم عليها فى صيانة الالف)
اول ما تطلع تروح تحط بنزين لان بيبقى فيها 5 لتر فقط
و ابقى تعالى اعمل الفرش الجلد عند جينز كار و هاتنبسط اوى حاجة كده زى مستوى فرش المصنع و احسن كمان
ان شاء الله اما اعمل العربية اصورها و اوريهالك و فى عضو هنا عمل عربيته و عمل موضوع بالصور من كام يوم حاجة جميلة و تفتح النفس
9 كم بس قليل جدا اقولك ليه .. بتفرق العربيات المستوردة من المحلي الصنع .. المستورد بيبقى كيلو متر اقل علشان يتبقى اغلبية الوقت منقولة من المركبة للتريلات ومن مكان المينا للقريب من المعرض اللي انت بتشتري منه برده عن طريق التريلات .. اما بقى في التصنيع المحلي فبيبقى الكم اكبر شويه ؟؟ ليييهههههههههههه ؟ علشان يوفرو تمن النقل فبيجبهالك ساعات من المصنع لمكان المعرض مشي بالعربية .. انا عن نفسي جبت الكيا ريو الجديدة كانت عمله 22 كم .
بالنسبة لموضوع التكييف قبل الالف فده مش مظبوط لو عاوز تتأكد من كده اقرى مانيوال العربية حيقولك عن المحظورات قبل الالف كم الاولى ومنها عدم القرص على الموتور ( يعني اخرك على ال RPM 3- 4 ) بتمشيش بسرعة واحدة في طريق طويل لمدة طويلة , ما تقطرش عربية . انا شخصيا معايا Rio 2012 موضوع التكييف مجابوش سيرة عنه .. على فكرة مهم جدا انك تقرى مانيوال العربية كويس جدا لانه فعلا مهم جدا جدا وبالتوفيق وربنا يباركلك .
الارقام الصغيرة دى لما بتكون بتشترى من موزع الشركة الام زى ما اشتريت انا من اوتو ايجيبت
اما لما بتشترى من معرض فبالفعل واحد بيسوق العربية من مكان لمكان
لو هو شخص امين مش مشكلة
لكن لو بنى ادم مش كويس ممكن ياكل بيها مطب
يقرص على الموتور
يلعب بالعربية شوية... هى دى المشكلة