الموضوع: بناء على النصيحة موضوع جديد عن مسلسل الجين 2

بجد كفايه الموضوع خد اكبر من حجمه بشكل غريب !! الموضوع الى فات 5100 مشاهده , 280 مشاركه . ومع ذلك " معلومات .. صفر ", " حقائق .. صفر" , كلام مالوش اى اثبات . وفى الاخر اتقفل وناس اتعملها بانند .
و حيتكرر تانى ؟؟؟؟؟!!!

اولا انا معنديش جين 2 .. علاشان اكون متحيز ليها بالعكس , كانت قدامى و زيرو و بعرض وهمى وسعر تحفه , و فضلت الواجا لانها اكثر عمليه " لأحتياجتنا كاسره " .

بس الحقيقه الجين 2 مش صندوق زباله زى ما بعض الناس متصوره , ولا اسبورتس كار زى ما بعض الناس متصوره . عربيه عاديه " ليست سيئه " . بأمكانيات وكماليات و عوامل امان كثيره , وشكل وتصميم جذاب , وسعر ممتاز .... وبس .

وياريت الى عنده """" تجربه حقيقيه """" مع الجين 2 يقولنا, زى استاذ احمد صيام ما كتب بكل وضوع وكل الناس وقفت فى صفه و صدقته .

لكن اجى اقول " اصلى شوفت عربيه عند صنايعى بتغير كذا .. وسألت صاحبها قالى اصلها مش مستحملانى !!!!!و الميكانيكى بيقولى عليها عربيه زباله " يبقى الكلام ده مالوش معنى لانه مش مبنى عن تجربه شخصيه .


عاوزين معلومات وتجربه شخصيه من المُلاك .غير المُلاك حيبقى كلها اراء شخصيه .... مش دليل قاطع ولا اثبات على مدى سوء السياره .

" عاوز اقول اعتراف " ..... بس بعيد عن الجين 2 ومعلش لو كان مكانه مش هنا .

انا زمان كنت بتريق على ماركه بروتون و بستحقرها .. و كان من مليون المستحيل انى افكر او اتمنى اركب عربيه بروتون , ولما صاحبى جاب الويرا سنه 2004 , اتريقت عليه تريقه وقولتله تعاله قابلنى لو كملت معاك سنه وكونت بقوله على الانوس .... .
الى حصل بعد كدة.............

" لسه بايع العربيه من اسبوع واحد " والله العظيم مغيرش فيها غير تيل الفرامل و الزيت " بس " وطحنها طحنها طحنهااااااااا لاقصى اقصى الحدود شد وقرص وحرق و سرعات فى السفر مش بتقل عن 160 , وحادثه مروعه من كام شهر دمر فيها العربيه ."

عموما انا احترمت الماركه ديه جدا بالرغم من كل مشاكلها وعيوبها و توكيلها وحتى عدم توافر قطع غيارها وسعات غلو قطع الغيار بشكل مبالغ . بس حقيقى احترمت الماركه ديه جدا

السبب !!

يطووووووول الشرح ............ بس من واحد كان بيستهزأ بالماركه , الى انى اغير نظرتى ليها وا عملها موضوع مفصل لموديل من موديلاتها بالمواصفات ... وصولاً انى اشترى احد سيارتها . يبقى اكيد فى سبب .؟

اكيد انا مش مجنون ... و كان قدامى بدائل تانيه فى نفس السعر و كل الناس بتشكر فيها .
لكن انا اتعلمت حاجه مهمه ان مش كل حاجه الناس بتشكر فيها .... اثق فيها
ومش كل حاجه الناس تقول عليها وحشه وزى الزفت .... انساق وراهم عميانى ... لازم نحلل الموضوع بالمنطق " الى للاسف ناس كتير مش بتتعامل ولا بتتكلم بيه فى زمنا ده " .

و بجد بجد اسف جدا على الاطاله بس زى مابيقوله كانو كلمتين ومحشورين فى زورى و كان لازم اقولهم .

" لولا اختلاف الازواق لبارت السلع "
:)

المشاركة الأصلية كتبت بواسطة memo_hefnawy

معلش فيه فرق يا أخى الفاضل بين مسلسلك الجديد ده و المسلسل القديم تماما

أنا من الناس إللى أيدت كلام محمد إبيزا أو أغلب كلامه (عشان ماتبعتش كل الموضوع)

لكن إسمحلى كلامك إنت ده لا أساس له من الصحة و كل الصنايعيه الحلويين دوول بيحبوا يفتوا أحلى فتى سواء صنايعى مشهور أو مغمور

أنا من أوائل الناس إللى هاجموا توكيل بروتون فى مصر و الناس كلها هنا عارفيين الكلام ده و الحمد لله عمرى ما كنت متعصب لبروتون و بقول كل العيوب و القرف إللى فيها إللى ممكن يخطر أو لا يخطر على بال أى حد راكب عربية يعنى أدق التفاصيل باخد بالى منها

خلاصة الكلام الراجل إللى إتكلمت معاه ده بيفتى أنا شوفت عربيات جين 2 مفحوته بمعنى مفحوته و طبعا مفيش فيها إللى إنت بتقول عليه ده

هاوضحلك أحد أسباب الفتى :

الشكمان ماله ومال إن صاحبها قرص عليها ؟ هايفرقع ؟

مش كل كلام تسمعه تصدقه خصوصا لو من صنايعى مصرى (ولازم الصنايعى مهما كان يقولك التوكيل ده حرامى أيا كان)

التوكيل بيغير أى حاجة فى الضمان بدون أى فلوس و عن تجارب مش تجربة

مفيش جين 2 يحصل فيها موتور خالص عن تجارب مش تجربه أعرف ناس معديين ال 80000 كم و فحت و ردم - ممكن غيروا فى العفشه حبة حجات لكن موتور و فتيس محصلش نهائى

hehehehehehe :D