كلاكيت للمره ال 75 .. حد سمع الصوت ده قبل كده؟

الحمدلله .. بعد سواقة سنة و 3 شهور العربية سليمة وزي الفل و يادوب عاملة 7700 كيلو (كسر زيرو) و مش بالعب فيها بره التوكيل يادوب صيانة ال 5000 ف العبور .. المهم وانا مسافر بيها باسمع صوت عجيب بيحصل علي فترات طويلة .. صوت زي بلية بتتكحرت ف جنب العربية .. زي مايكون فيه مجرى بطول العربية وحاجه بتتكحرت فيه .. مش عارف هل فيه اماكن ف العربية بتخزن زلط من الطريق ولا هل ده صوت مكنة رفع الازاز جوة الباب ولا ده صوت ايه بالظبط ؟ ياريت لو حد عنده فكره يقولي .. انا مثبت الكوريك ف جنب الشنطه كويس و الاستبن كذلك و مفيش حاجه ف الشنطة تعمل صوت .. والعربية لحد دلوقتي ادائها جميل جدا .. السحب والتكيف كويسين و الصوت مقبول وموضوع سخونة الدواسات مش باحس بيه يمكن عشان باسوق 5 6 ساعات سفر فقط .. ارجو الافادة

الوصف ده قريب من الصوت اللى ممكن اسمعه لما امشى على طريق ترابى .. بيبقى صوت خبط الحصى والزلط الصغير فى رفارف العربية من جوه لما بينطرها الكاوتش وبيستمر فترة قليلة حتى بعد الخروج من الطريق الترابى ..

ممكن يكون ده اللى بيحصل معاك؟

لا يا دكتور الحصى بتاع الطرق ده معروف .. لكن ده صوت حاجه بتجري ف جنب العربية بيحصل لثوانى و يختفى

أنا حاولت أساعد ..
ده اللى خطر على بالى
أرجو ان حد يقدر يفيدك.

الصوت ده و انتا مشغل التكييف و لا بدونه

ده وانا مشغل التكيف .. بس ياترى ايه العلاقة

اقتباس:

---

المشاركة الأصلية كتبت بواسطة egyzizo

الوصف ده قريب من الصوت اللى ممكن اسمعه لما امشى على طريق ترابى .. بيبقى صوت خبط الحصى والزلط الصغير فى رفارف العربية من جوه لما بينطرها الكاوتش وبيستمر فترة قليلة حتى بعد الخروج من الطريق الترابى ..

ممكن يكون ده اللى بيحصل معاك؟

---

انا حاسس انو الصوت ده

اقتباس:

---

المشاركة الأصلية كتبت بواسطة wassim_nasser

ده وانا مشغل التكيف .. بس ياترى ايه العلاقة

---

اللى أقصده ان الصوت ده و انتا مشغل التكييف بس و لا فى جميع الأحوال لأنه لو و انتا مشغل التكييف بيبقى صوت تصريف الضغط على دورة الفريون لانه زياده و ده بيروح لما تروح تظبط التكييف فى التوكيل بيتم سجب الكميه الزياده حوالى 170 مللى مكعب من الفريون و هيا المفروض تبقى 440 ملى متر مكعب
و طبعا أقصد بالتصريف هوا فصل الكمبروسور عن العمل بطريقه اوتوماتيكيه و يصاحب الموضوع ده صوت كده شبه الفحيح
و ده اجتهادى الشخصى لا أكثر
بس لو الصوت ده بيحصل و التكييف مش شغال يبقى ممكن تكون حاجه تانيه لازم نسمعها الاول

بس ده اعتقاد جرب و شوف ممكن يكون بكرة اللي بتلف عليها سير الدينامو او اي سير تاني هي اللي بتعمل كده و عايزة تتغير علي العلم كان في صوت وش زي كده عندنا في عربية الشركة mcv و التوكيل فضل يلف حولين نفسه لحد لما وصل ان البكره فيها بوش و عايز تتغير و اتغيرت من سنة ب 750 ج جرب و ابقي قولنا.

اقتباس:

---

المشاركة الأصلية كتبت بواسطة ahmedeg1

اللى أقصده ان الصوت ده و انتا مشغل التكييف بس و لا فى جميع الأحوال لأنه لو و انتا مشغل التكييف بيبقى صوت تصريف الضغط على دورة الفريون لانه زياده و ده بيروح لما تروح تظبط التكييف فى التوكيل بيتم سجب الكميه الزياده حوالى 170 مللى مكعب من الفريون و هيا المفروض تبقى 440 ملى متر مكعب
و طبعا أقصد بالتصريف هوا فصل الكمبروسور عن العمل بطريقه اوتوماتيكيه و يصاحب الموضوع ده صوت كده شبه الفحيح
و ده اجتهادى الشخصى لا أكثر
بس لو الصوت ده بيحصل و التكييف مش شغال يبقى ممكن تكون حاجه تانيه لازم نسمعها الاول

---

االله ينور عليك!! الموضوع ده عندي وكنت هتجنن وأعرف ده طبيعي ولا لأ.
هو صوت زي ميكون زنة موتور أو كومبريسور هيقون ويرجع يقف تاني وبتكﻵ كل كام ثانيه كده، صح؟

بس الصوت ده مش عندي على طول، بيظهر بس في الأوقات شديدة الحراره الطريق واقف، صح كده ولا إيه؟

معلش مشاركتي دي ملهاش علاقة بالموضوع الأساسي بس أرجو الإفادهل

اقتباس:

---

المشاركة الأصلية كتبت بواسطة ahmed_m_ashraf

االله ينور عليك!! الموضوع ده عندي وكنت هتجنن وأعرف ده طبيعي ولا لأ.
هو صوت زي ميكون زنة موتور أو كومبريسور هيقون ويرجع يقف تاني وبتكﻵ كل كام ثانيه كده، صح؟

بس الصوت ده مش عندي على طول، بيظهر بس في الأوقات شديدة الحراره الطريق واقف، صح كده ولا إيه؟

معلش مشاركتي دي ملهاش علاقة بالموضوع الأساسي بس أرجو الإفادهل

---

بالضبط كده

متشكر لمشاركتكم يا جماعة وربنا مايحرمنيش منكم .. كده اعتقد انى هاستنى لحد ماروح التوكيل ف صيانة العشره واشوف ايه القصة