تركيب غاز للاوبل فيكترا

**smart_dr84** · 16-07-2012 03:34 AM

السلام عليكم و رحمة الله و بركاته
لو سمحتوا يا جماعة كنت عايز اعرف ايه آراء اعضاء قسم اوبل في تركيب غاز طبيعي لعربية اوبل فيكترا 99 2000 سي سي موتور ايكوتيك؟
أنا بصراحة مشاويري كتير اوي و لو حطيت 92 بادفع في البنزين حوالي 600 جنيه شهريا ، والموضوع مكلف اوي بالنسبالي فكنت بصراحة بافكر اركب غاز لعربيتي و عايز نصيحتكم

**MohammedAladel** · 16-07-2012 10:03 AM

أنا أعرف أن الأوبل مش أى حد يعرف يلعب فيها ولو حصل فيها حاجة غلط هتتعبك فإنت أستشير أهل الخبرة قبل ما تعمل الحركة دى

**amraction** · 16-07-2012 04:54 PM

ليا واحد صاحبى معاه اوبل كورسا 2004 سيدان و محولها غاز..الله الوكيل الواد ما بيدفعش فلوس ف الشهر تقريبا.. بتاع 50 جنيه مثلا لما بيطنطط مشاوير
بس من كلامه.. اداء العربيه وسحبها مش حلو وضعيف.. عشان كده بيستخدم البنزين جوه البلد عشان يدى قوه للعربيه بسرعه.. و بره البلد يديها غاز وتاخد وقتها على ما تجمع قوه وسحب

انا سقت عربيته.. حسيت انى سايق كراكه بصراحه.. سحبها ضعيف اوى.. وضفطه دواسه البنزين ما بتجيبش... تحس انك مش مدور العربيه.. معرفش بقا ده عيوب ف عربيته ولا كل الغاز كده

وعلى ما اسمع انك كل سنه هتعمل صيانه وش سلندر للموتور لو هتركب غاز

والله اعلى واعلم

**smart_dr84** · 16-07-2012 08:46 PM

بس اعتقد هيبقى في فرق يا استاذ عمرو لأن الكورسا 1600 انما الفيكترا اللي معايا 2000
و على فكرة انا كان معايا 1600 سي سي بعتها و اشتريت 2000 سي سي عشان لو ركبت غاز تبقى اقوى

**amraction** · 17-07-2012 03:15 PM

الفكره يا باشا مش فى الموتور.. الفكره ف الغاز نفسه.. انطغاطه و كبسه وحرقه مش زى البنزين

**nagy wassef** · 17-07-2012 05:35 PM

طالما كان عندك استعداد تغيير العربية كنت اشترى عربية المانى بردوا بس السى سى اقل بدل ما تعذب نفسك و تلعب فى العربية، مرة سواق تاكسى قالى مع الغاز بتغير طقم كهرباء كل 6 شهور (متسألنيش ايه طقم الكهرباء ده عشان معرفش :) ) و عندك عربيات المانى من اول الف سى سى و سيدان كمان

**smart_dr84** · 17-07-2012 05:51 PM

طقم الكهرباء مش مشكلة انا بس خايف من اداء العربية والسحب مش مشكلة اوي المهم انا عندي مشوار يومي 120 كيلو متر مش مهم السرعة اوي المهم العربية تمشي و ما تكلفنيش