ازيكم يا شباب أخباركم ايه :grinder:
يارب تكونوا جميعا بخير يا رب :wink:
وعدتكم بتقرير مختلف المرادي عمري ما كنت أحب إني أعمله بس شاءت الأقدار وهعمله بنفسي وعن نفسي :hlopaet_prv:
يوم الثلاثاء اللي فات قررت اني اروح اسكندرية لسببين
ليا واحد صاحبي متزوج حديثا وبيقضي شهر عسل فقلت اعملهاله هدية لذيذة واوديه بحيث يروح مرتاح وكدة والسبب التاني كنت رايح أسأل على ماستر تنفرد بيه جامعة الاسكندرية عن أي جامعة تانية في مصر ! -neurobiology-
المهم قبلها يوم الاثنين نمت تقريبا ساعتين بالعدد ومكانش جايلي نوم معرفش ليه ! :breakpc2:
حاولت اني انام بس معرفتش :rokeyrulez:
المهم اتحركنا الساعة 7.30 تقريبا ودخلت امارات مصر اللي على اول الصحراوي وفولت العربية الحمد لله :cat34:
كنت ماشي بمتوسط سرعة 100 تقريبا وفي احدى اللحظات واثناء عبور بعض السيارات بجانبي ارتفعت بالسرعة ل 180 لاثبات كفاءة الموتور وقدرته على التسارع وبالفعل تجاوزت العربيات اللي كانت عمالة تجري جنبي دي :colsmil:
ممشيناش كتير غير والطريق توقف وكان فيه حادث كبير فيه مجموعة عربيات ملاكي وتريلا محملة بالدقيق
الطريق كله متوقف بسبب شكائر الدقيق اللي مرمية على الارض وسادة الطريق ويا دوب حارة واحدة هي اللي ماشية
لوهلة فكرت اني ممكن أساعدهم فركنت العربية على جنب وقلت لصاحبي متنزلوش وخليكم في العربية :biggrin2:
نزلت وربنا كرمني باتنين تلاتة كمان وشلنا الشكاير كلها ركناها على جانب الطريق وبدأ الطريق يتحرك بسرعته المعتادة !
من ضمن ضحايا الحادث كانت عربية فيرنا تاكسي مدعوكة مش باينلها وش من ضهر وصاحبها جنبها حزين فقلتله معلش هو حضرتك طلعت منها ازاي؟!
قلي انا مكونتش فيها اصلا انا كنت راكنها على جنب الطريق ونزلت اجيب حاجة
قلتله الحمد لله واحمد ربنا ومتزعلش وحاولت اخفف عنه بكلمتين !
يمكن كانت الفيرنا اكثرهم تضرر لأن التريلا دخلت فيها مباشرة وحدفتها كام حدفة على الطريق!
عشان كدة نصيحة رقم واحد في الموضوع متتوقفش على جنب الطريق!
عاوز تتوقف تتوقف في مكان يكون الطريق فيه جزء تراب تنزل وتبعد فيه عن الطريق عشان محدش يضمن ايه ممكن يحصل ! :120146b
المهم ربنا كرمنا ووصلنا العجمي الساعة 12 تقريبا وبعد ما وصلتهم سبتهم وتوجهت لمحرم بيك عن طريق الطريق الدولي
وانا طالع الرطيق اذ ببونتو ايفو بيتجاوزني في الطلعة -الفارق بيني وبينه مش كبير مجرد ان كبوته معدي من قدامي بس - وقام رامي عليا رمية سودة عشان ميطلعش الطريق على الحارة التانية :10_9_133:
المهم انفعلت لقيته بدأ يسحب قلت مبدهاش بقا قمت مسقط تالت وطالع وراه غرزة في التانية في التالتة بقيت جنبيه وهو قدامه تريلا وانا وراه يقدر ياخد غرزة مني جاي بيغير حارة قمت كابس عليه ومديله كلاكسات وبتاع المهم بعد ما زود سرعته قلل سرعته جامد والتزم بحارته وبعد ما زنقته وعديت منه قمت مطلع ايدي من الشاك ومشاورله ان دي رقم 1 !
كنت بستفزه بصراحة ههههههههههههههههههه
اصله ضايقني وانا كنت عاوز اوصل بسرعة فقلت حد يسليني على الطريق
لقيته ريح ورا ومطلعش تاني معرفش بقا قلق مني واللا ايه اللي حصل المه مسبته وكملت طريقي
المهم وصلت الحمد لله وخلصت قصة الجامعة واكتشفت ان مش هينفع اني اخد الماستر دي لسبب بسيط جدا انهم عاوزين مني تفرغ كامل لمدة 6 شهور اعد في المعمل مطلعش منه وطبعا شغلي عمره ما هيسمحلي بكدة !
طبعا مرهق جدا وحاسس بدا بس عندي شغل بالليل فقلت احاول اقطع الطريق بسرعة وانجز في الوقت -كان معايا الجي بي اس بتاع كريم - :36_1_1[1]:
بصراحة وبما يرضي الله وصلني للعجمي لحد باب البيت ووصلني للجامعة زي الفل
طب رجعني القاهرة يا عم الحج مش راضي!
كل ماعمل سيرش يطلعلي الطريق الزراعي يابن الحلال عاوز الصحراوي مش راضي!
المهم قعدت ادور على الرطيق الصحراوي مش لاقيه قلت مبدهاش زراعي زراعي مع اني مبحبهوش بس امري لله !
طبعا الطريق مش بحالة جيدة للجري اساسا!
خدت الطريق 120 تقريبا ماشي كويس الحمد لله لحد قبل دمنهور بشوية
ماشي قدامي عربية 132 بيضاء اللون
انا شايفها ولوهله وقبل ماعدي منها عيني غفلت -معرفش دا حصل ازاي ! :shyy:
وتفاجأت بالعربية بتاعتي بتتجه للحاجز الخرساني اللي في النص ! المهم قمت لامم العربية بسرعة
واكتشفت ان ال 132 بتتأرجح قدامي وبتتمايل وكأنها بتشاور عقلها تنحرف عن الطريق وتتقلب بس ربنا ستر ومحصلهاش حاجة -متقلبتش يعني ! -
المهم اول ما وقف قمت واقف وراه مباشرة
نازل يتخانق وبتاع قلتله اوعا تفتح بؤك :grinder: عربيتك هصلحهالك بس انت حد عندك اتعور قلي لا !
قلتله خلاص في داهية العربية هصلحهالك :00020191:
دا مش علشان انا غني ولكن عشان انا غلطان فعلا ومن أفسد شيئا فعليه اصلاحه -بغض النظر ان محدش خبطلي العربية واخدت منه حاجة ! -
المهم الخسائر عنده كالتالي:-
رفرف هيتغير بالكامل
فانوس اتكسر
اكصدام خلفي اتكسر
شاسيه فيه عوجه بسيطة -أشك انها مني -
المهم السمكري قدر شغله والحجات اللي هيعملها ب 500 جنيه فادتهومله وانا واثق ان دا كتير طبعا عليه بس المضطر !
عندي انا بقا ودي كانت المفاجاة
الاكصدام اتكسر بس في مكانه بكلبساته يعني مفيش حاجة منه واقعة في الارض
الفانوس وشه اتكسر بس لمباته كلها شغالة عدا الاشارة اليمين
الكبوت اتطبق تبطبيقة خفيفة
والرفرف فيه خبطة بسيطة
انا وقفت ابص للاتنين وانا مش مصدق ان الفيرنا عملت دا لدرجة اني سألته قلتله انت متأكد اني خبطتك وعملت دا فيك؟!
قلي ايوة
الجميل في الموضوع اني كنت على 120 والحمد لله العربية زي الفل وماسكة نفسها بعد الخبطة وكدة
خلصت مع السمكري بتاعه وخدت الطريق وانا راجع 140/150 بحاول اعوض الوقت اللي ضاع مني لأن محدش في البيت يعرف حاجة ووصلت الحمد لله
من هنا أحب اقلكم محدش يسوق عربيته وهو مرهق او فيه احتمال ان عينه تغفل او حاجة
كمان احب اقول ان العربيات الكوري مش سيئة ابدا زي الناس ما بتحكي عنها والتجربة خير دليل ودي تجربة حية خلتني اقول ان الكوري كويس مش وحش ابدا
دي صور للعربية قبل ماوديها التأمين النهردة تتصل حيا شباب :-
http://img820.imageshack.us/img820/7...0715093146.jpg http://img7.imageshack.us/img7/4116/20120715093129.jpg http://img406.imageshack.us/img406/3...0715093135.jpg http://desmond.imageshack.us/Himg405...pg&res=landing
ودمتم بخير :Copy of m-s5: