طبعا دى ناس بتهرج و بموت عربيتها
عرض للطباعة
طبعا دى ناس بتهرج و بموت عربيتها
هو مين اللى يحدد مين اولى بالدعم
مش ممكن واحد يكون معاه ملايين وراكب 128 او اى عربيه قديمه
واللى معاه عربيه جديده يكون دخله اقل منه بكتير
وليه حد معين ياخد نصيبه فى الدعم وحد تانى لاء
مفيش اليه او قانون يقول مين اللى يستحق اكتر
كمان الدعم ده من فلوس الضرايب والجمارك اللى صاحب العربيه الجديده دافع فيها اكتر يبقى ليه فيه حق اكتر
وهو حر بقى يقتل عربيته ولا لاء دى فلوسه ومن حكم فى ماله ما ظلم
انا عربيتى الحمد لله جديده2009
وقبلها كانت معايا 2006
وان شاء الله السنه دى هجيب 2010
بعمل بالعربيه كل شهر حوالى 5000 كيلو
يعنى بعمل وفر حوالى 500 جنيه فى الشهر من فرق البنزين
ودخلى الحمد لله معقول بس معنديش استعداد ادفع 1000 جنيه بنزين كل شهر
ومبزاحمش حد لانه اساسا انا حاليا يا اما بلاقى بنزين 80 او 92 واللى بلاقيه بحطه وكده او كده زحمه فى طنطا
واللى سايق تاكسى او سايق عربيه قديمه ومشغلها تاكسى ممكن يكون بيكسب اكتر منى
وانا بدفع ضرايب وبخدم البلد اكتر منه
وباخد حقى فى الدعم كامل او بحاول على الاقل
والحمد لله العربيه مرتاحه مع بنزين 80 ومش مسبب لى مشكله
ايه السبب المقنع اللى يخلينى احط 92 غير طبعا موضوع الدعم اللى انا باخده واللى لو سيبته عمره ما هيوصل للى يستحقه
كان وصله رغيف العيش والانبوبه والتموين
بس هل دا بيضر بالعربيات
ولا عمرنا سمعنا عن عربيه موتورها خرب من البنزين
وفي كل الاحوال كله بيخرب وكله بيعمل عمرات
حتي اللي بيحط 95 بييجي عليه وقت وبيعمل عمره للعربيه
كان الاولي ان العربيات اللي بيتحطلها بنزين مغشوش مواتيرها تبوظ
انما كل اللي بيحصل برجله في العربيه لحد ما البنزين المضروب يتحرق او ينزله ويحط غيره
التاثير بيكون علي كفائه الموتور والتجميع والشد والكبس علي الموتور فقط لا غير
اي اضرار بتكون علي المدي الطويل جدا
وبيكون الوفر في البنزين اكتر من تمن الموتور اللي باظ
تلاقيها متأجرة
كتير من الي بيأجروا عربيات لو هيحطوا بنزين بيحطوا 80
ولو في 60 كانوا حطوا هههههه
حضرتك لو حاسس انك مش هتقدر تدفع الالف يبقى تستحق الدعم
اما لو موضوع استخسار يبقى انت مش تستحق الدعم ده
وبتزاحم ناس تانية اولى بالدعم منك
في ناس بتوصل لحد ترومبة البنزين ويقولولهم مفيش شطبنا
بيضر طبعا بالعربية
موضوع انك تفك موتور مش بالساهل يعني
هي عمرة دي بسيطة موتور عربية يتفك معناها اداءه نزل
في ناس بتوصل لحد 200 الف كيلو وهما محفظين على مواتيرهم
والبنزين بيضر اضرار مباشر بالموتور والاسطوانة تحديدا
ايوه فعلا بيحصل بس حرام عليهم يعني دي عربيات ناس
ممكن تكون العربيات الحديثه اللى بتحط ٨٠ دى مؤجره فعلا او ممكن يكون صاحبها مشغلها تاكسى مثلا و اللى راكبها سائق مش صاحبها و بيوصل الناس مشاويرهم بيها على انها ليموزين للمطار مثلا و ممكن تكون سيارات جهات حكوميه و بيدولهم كوبونات ٨٠ فقط يعنى هناك اسباب كتير للظاهره اللى حضرتك بتشوفها دى
اول البارح وانا مروح من الشغل معدي من جنبي اوبترا شكلها جديده وصوت الموتور يحزن من كتر صوت التسقيف وغالبا مديها 80