انا لسه محتار اختار بين rp او جبن 2 2012 فا ياريت لو حد يقدر يفيدني بعيوب الجين 2 و الحاجات الي ممكن تقابلني و ياريت عن تجربه
عرض للطباعة
انا لسه محتار اختار بين rp او جبن 2 2012 فا ياريت لو حد يقدر يفيدني بعيوب الجين 2 و الحاجات الي ممكن تقابلني و ياريت عن تجربه
طبعا rb متفكرشى
لو ركوبة يبقي الجين طبعا
لو عربية سهلة وتبيع بسهولة وتترحم من عز العرب يبقي الهيونداي اريح ..
مجرد راي
بالتوفيق
بأختصار شديد
الفرق بين الجين 2 و الأر بي الآتي :
فرق شكل ......... الأربي أجدد شكلا و كلها حلو ........ بس الجين 2 مازالت سيارة جميلة و من أجمل السيارات تصميما و خصوصا تصميمها الرياضي .
فرق سعر شايع (لو بنتكلم عن الكاملة من الأر بي )
على كوناكت كارز بادئة من 104 إلى 123 ألف جنيه .
الجين 2 الكاملة أوتوماتيك 96 ألف .
الفروق الجوهرية بين العربيتين
الثبات و التحكم في السيارة لا يقارن ........... لصالح الجين 2 .
سعر البيع ......... أنتشار قطع الغيار ....... سهولة الأصلاح علشان لأنتشار .......... أسم قوي في السوق .......... لصالح الأر بي .
بُص هو في النهاية كل واحدة منهم لها مميزات و لها عيوب .(مفيش شئ كامل )
شوف أنت ميال لأيه ....... لو غاوي جين 2 ...... أتكل على الله عربية ممتازة .
و لو غاوي أر بي أو عايز تركب اللي راكبه الشعب (علشان الأنتشار ) ........ هات أر بي و هي سيارة ممتازة برضه .
عايز تجيب معلومات أكتر عن الأر بي و عن تجارب ملاكها
ممكن تدخل قسم هيونداي و الناس أيد إن شاء الله هاتفيدك .
أنا أقدر أقولك على الجين 2 بحكم تجربتي مع عربيتين جين 2 (أمتلكتهم ) أنها سيارة ممتازة و أكثر ما يميزها الثبات و التحكم و الشكل و السعر و قوة الصاج . و عوامل الأمان .
العيوب اللي أنت سألت عليها هاختصرهالك
فيه ناس بتشتكي من التوكيل ....... أنا مش بشتكي منه ...... و لكن أنا رأيي أنه توكيل عادي لا هو واو ....... و لا هو سئ و ده رأيي الشخصي بعد تجربة 5 سنين معاهم .
توافر قطع الغيار ....... بعض القطع الغير الأستهلاكية في التوكيل وجودها مش كتير .
إنما خارج التوكيل فيه محلات قطع غيار بتبيع مخصوص لبروتون و فيه كمان حاجات الأستيراد .و الجديد في محلات قطع الغيار .
كدا متهيألي دي نقطة لصالح الأر بي .... غبور دائما بيوفر قطع غيار للعربيات اللي هو شغال فيها و هو توكيل كبير بغض النظر عن الكلام اللي طالع عليه (سوء المعاملة - توكيل سئ ) .
برضه ماركة هيونداي منتشرة في السوق و قطع الغيار لا أعتقد أنها هاتكون مشكلة لأي مالك سيارة هيونداي .
أنا جاري لسة شاري كيا سيراتو (راجل كبير في السن ) بقوله أنت شاريها لسبب معين .
قالي لاءة ...... بشوف الناس كلها راكبها .......... فصباح الجمال يعني ......... أكيد هاتلاقي تجار كوري كتير
و دي مؤشر تاني لسعر البيع و سرعة البيع في حالة اعادة البيع .
على عكس الجين 2
لها ناسها .
جين 2 شكل أفضل وأقيم وكفاية إنها فيها إى بى إس وكل اللى جربوها أشادوا بثباتها الآر بى مفيهاش إيى بى إس وورقةع الطريق كعادة الكورى ولكن قطع الغيار فى صالحها
قطع غيار الجين 2 ناااااااااااااااااااااااا ااااار ........ لو مش فارقه معاك دووووووووس .......... كفاية إنك راكب عربية المكنة والعفشة بتاعتها إنجليزى lotus
والله أنا أول مرة شفت البروتون دى وأنا فى الثانوية كنت معجب جدا بيها وما زلت ولما عرفت إنها ماليزى زاد إعجابى بيها لأنى مكنتش متوقع إن ماليزيا تقدر تصنع وتطور سيارة بالشكل دا والأمكانيات دى
اهلا بك يا أستاذ هيثم .
قطع الغيار مش نار و لا حاجة .
أسعار التوكيل زيها زي أي أسعار توكيل تاني
شوف كدا قائمة الأسعار دي :
http://i45.tinypic.com/250jrtd.jpg
بالنسبة للعفشة و الموتور .
أولا العفشة ...... طبعا هي العفشة الأمامية و الخلفية الأثنين مش لوتس .
الامامية مكفرسون ....... و الخلفية دبل و ش بون (عفشة مستقلة أو منفصلة )
الدبل وش بون ده نوع من أنواع التعليق الخلفي بيستخدم من جانب سيارات كتيرة مش الجين 2 بس .
بس لوتس لها بصمة في الموضوع و لكن العفشة مش لوتس .
و الموتور كمان مش لوتس و لا لوتس بتستخدمه .
الموتور ماليزي 100 % ....... و لوتس لها مساعدة فنية في التصميم فقط لا غير .
لمسات لوتس بتبان أكتر فيه العفشة .
تحياتي .