الموضوع: بـعـد أذنـكـم أنـا أجـازة يـا جـمـاعـه ... (payoo)

[align=justify:9a0be58141]والله الواحد مش عاوز يبعد عنكم أبدا لكن نقول أيه بقى العيال عاوزين يصيفوا بدري بدري كده قبل الزحمة

"حبيبه" صممت أني أشتري لها مايوه جديد مخصوص وبتنام وتقوم به من ساعة ما اشتريناه
"باسل" محسسني أنه هايعدي المانش من "شرم الشيخ" إلى "تبوك" بالسعوديه وكل يوم يأمن على البورده بتاعت السباحة إللي بتمرن بيها في النادي
أما الحكومه ربنا يخليهالنا يارب في الأجازات وغير الأجازات
وأنا عن نفسي عمال أسأل على ماكينات صراف آلي وعنوانيها بالتحديد في شرم تحسبا لأي تهور من الحكومه والشعب وأستعدادا مني لأخماد أي ثورة من ثورات الجياع إللي ممكن تحصل لو الميزانيه خسعت

لكن بصراحة إللي مخليني مبسوط من الأجازة دي أني هاروح أتفرج وأبص وأفحص وأمحص وألف وأدور في قرية "شرم ريف" إللي العضو الكريم جدا أستاذ/ محمد فاضل قام بعمل عرض خاص لكل أعضاء منتدانا أضغط هنا للأطلاع على الموضوع وأنا زي ما انتم عارفين طالما في حاجة تخصكم ماقدرش أفوتها كده بالساهل (شوفتو بقى أنتم ورايا ورايا أزاي)

المهم إن شاء الله وأنا في شرم ها عدي على قرية "شرم ريف" وأقضي بها يوم كامل وأقيم لكم القرية

وعلى فكره ده مايعتبرش عدم ثقه (لا سمح الله) في كلام أ/محمد فاضل ... لا لا .... أبدا ... نهائي

لكن أنتو زي ما أنتم عارفين أنا بحب أطلع القطط الفاطسه في أي حاجه وأقول على المزايا والعيوب أيمانا مني بأن الكمال للـ لله وحده وأنه لا يوجد في الدنيا شيء كامل أبدا لذلك دائما أقول على المزايا والعيوب لكي يعرف الجميع كل شيء عن ما هو مُقدم عليه وتكون الصوره واضحة أمامه وعندما يجد شيء ما لا يعجبه لا يُفاجئ به بل يكون عنده فكرة مسبقة عن هذا العيب الذي قرأه من قبل

عشان كده أنا مبسوط جدا أني رايح أجازة وهاعمل حاجه مفيدة تفيدكم برضه

وإن شاء الله لما أرجع بإذن الله هاقول لكم على كل حاجه

تحياتي للجميع


[/align:9a0be58141]

أجازة سعيدة ان شاء الله و تروح و ترجع بألف سلامة و طريق السلامة.