رقم العضوية : 739
تاريخ التسجيل : 19May2007
المشاركات : 647
النوع : ذكر
الاقامة : مصر القديمة
السيارة: لانوس
السيارة[2]: لادا
دراجة بخارية: لا
الحالة :
1-محدش قال ان الصنايعية كلها امينة
2-الصنايعى مبيسبش ورشته واكل عيشه ومبيقفش على ايد الصنايعى التانى انما بيسلمه ويستلم منه وبيكون عارفه وعارف شغله مش بيتعامل معاه لاول مرة
3-لو تتصل حضرتك بمحمد عبده بحكم علاقتك بيه وتعرف منه الحقيقة هنوفر على بعض وقت كتير
رقم العضوية : 1831
تاريخ التسجيل : 19Aug2007
المشاركات : 328
النوع : ذكر
الاقامة : Cairo, Gesr Elsuez
السيارة: n/a
السيارة[2]: Daewoo Lanos II 2001
دراجة بخارية: n/a
الحالة :
رقم العضوية : 2999
تاريخ التسجيل : 04Nov2007
المشاركات : 2,472
الاقامة : Beni suef
الحالة :
ده الكلام اللي انا باقوله بالظبط .. مافيش حاجه اسمها صنايعي يشرف علي العربيه .. العربيه عربيتك و انت اللي تشرف عليها ...
تاني حاجه ... و دي بقي اساس تعاملاتي في الشغل .. الثقه ... انا لو واحد معرفه قالي علي ميكانيكي .. و انه كويس و تمام .. يبقي كويس و تمام ... بس في نفس الوقت .. في حدود تخصصه بس .. انا من بني سويف .. و كنت بسفر عربيات تتسمكر في الفيوم و تترش في القاهره ... بناء علي كلام ناس .. بس اكتر من تخصص الصنايعي مالوش .. ماينفعش اروح ادي العربيه لسمكري و اوقله : "دورلي علي ميكانيكي يصلح كذا و كذا و عيش مع نفسك" ...
بالنسبه لموضوع السرقه و الكلام ده .. اعتقد ان انا مقدرش احكم علي موضوع انا مش حاضره .. و ماعرفش عنه حاجه ... و خاصه لما يتدخل في موضوع تجديد العربيه اكتر من صنايعي واحد ..
بيشو ..
رقم العضوية : 2999
تاريخ التسجيل : 04Nov2007
المشاركات : 2,472
الاقامة : Beni suef
الحالة :
رقم العضوية : 4141
تاريخ التسجيل : 14Jan2008
المشاركات : 1,837
النوع : ذكر
الاقامة : Cairo-Moqatm
السيارة: Renault Megane ii + Daewoo Lanos1
السيارة[2]: peugeot 405
دراجة بخارية: لإيوجد
الحالة :
يا جماعه انا عاوز اقول رايي الشخصى في الموضوع ده عن تجربة شخصية مع عبده
الراجل ده محترم جداً وامين جداً في معاملته لأنى اتعاملت معاه كذا مره واكيد الموضوع ده فيه حاجه غلط او حاجه صاحبة الموضوع موضحتهاش
ياريت نستنى لماصاحبة الموضوع توضحلنا اكتر ونبقى نحكم
رقم العضوية : 8269
تاريخ التسجيل : 01Apr2008
المشاركات : 1,195
النوع : ذكر
الاقامة : Cairo
السيارة: N/A
السيارة[2]: Daewoo Lanos
الحالة :
ارجو من الأنسه صاحبه الموضوع ذكر تفاصيل اكتر عن هذا الموضوع حتى لا نفتح مجال للإتهامات و احنا اصلا مش عارفين ايه اللى حصل معاكى يعنى مثلا برجاء ذكر :
1- هل تم الإتفاق مع محمد عبده على شغل الميكانيكا فقط ام ماذا ؟
2- محمد عبده ميكانيكى و ليس سمكرى ولا بتاع دوكو ولا سروجى اذن مين اللى اتفق مع الناس دووووووول كلهم و مين اللى حاسبهم على الشغل
3- ميين اللى كان بيتابع الشغل اللى بيحصل فى العربيه ؟
ولكى جزيل الشكر
رقم العضوية : 102
تاريخ التسجيل : 23Apr2007
المشاركات : 34,229
النوع : ذكر
الاقامة : Downtown - Cairo, Egypt
السيارة: Daewoo Lanos I 1999
السيارة[2]: Daewoo Lanos II 2001
دراجة بخارية: N/A
الحالة :
امال ازاى بقت قاعدة عندكم فى حرفيين حلوان انك تسلم العربية لصنايعى و تستلمها منه مش ناقصة مسمار؟؟؟
دا على اساس ان انت اصلا متفق مع الصنايعى دة على كدة... هو انت تعرف الاخت اتفقت مع عبدة على ايه؟؟؟ يبقى اى راى فى الموضوع هو تكهن لا يمت للواقع بصلة2-الصنايعى مبيسبش ورشته واكل عيشه ومبيقفش على ايد الصنايعى التانى انما بيسلمه ويستلم منه وبيكون عارفه وعارف شغله مش بيتعامل معاه لاول مرة
حيحصل بس مش عايز اعمل كدة الا لما الاخت ترد الاول3-لو تتصل حضرتك بمحمد عبده بحكم علاقتك بيه وتعرف منه الحقيقة هنوفر على بعض وقت كتير
ما انا لو كلمتة و كتبت اللى قالة دلوقتى حيقولك دا بيدافع عن الميكانيكى بتاعة و ظلم البنت... انا عايز اعرف القصة بالضبط و بسيب فرصة لكل واحد يقول الجزء اللى يخصة فى القصة... عبدة مش قضية خالص... حجيبة بمكالمة موبايل... المهم الاخت تشرح ايه اللى حصل بالتفصيل عشان نعرف الغلط فين
المشكلة ان كل الناس اللى ردت فى الموضوع بتالف من دماغها قبل ما تعرف حاجة... و لو كدة كان الموضوع سهل جدا جدا...
كنت بمنتهى البساطة حقول:
العربية اصلا كان معمول فيها شغل قبل ما تيجى لعبة و الشغل مكنش مضبوط... يبقى اللى ناقص و اتسرق من العربية اتسرق هناك
منين البطارية مش موجودة و العربية بتاكل بنزين؟؟ هى شغالة بالطاقة الشمسية؟
طيب هى استلمت العربية كدة ليه؟
و كانت فين طول ال3 شهور؟
و فضلت ساكتة كل دة ليه لحد دلوقتى؟؟
انا مقلتش كل دة لانى راجل موضوعى و بدور على الحق... المشكلة ان الباقى بيدوروا على اى حاجة يكتبوها و خلاص... زى صاحبنا اللى مشترك من 3 شهور و كتب 9 مشاركات فقط و شايف ان عبدة معندوش ضمير
يا ريت محدش يدخل فى الموضوع لحد ما الاخت صاحبة الموضوع (اللى انا مش متاكد لحد دلوقتى اذا كانت العربية اللى شوفتها بتاعتها ولا لا) تكتب التفاصيل
MMamdouh
رقم العضوية : 102
تاريخ التسجيل : 23Apr2007
المشاركات : 34,229
النوع : ذكر
الاقامة : Downtown - Cairo, Egypt
السيارة: Daewoo Lanos I 1999
السيارة[2]: Daewoo Lanos II 2001
دراجة بخارية: N/A
الحالة :
انا كلمت محمد عبدة و جبت كل التفاصيل و مضطر اكتبها دلوقتى طالما صاحبة الموضوع مش عايزة تقول حاجة و مينفعش نشكك فى زمة شخص و نجرى و نسيب الناس تاخد فكرة خطاء
تفاصيل القصة كالاتى:
العربية دى عملت حادثة محترمة على الطريق الدائرى... دخلت فى حاجز اسمنت بهدل العربية تماما من الامام و كان فيه لوحة فى الدفرنسية الخلفى
المدام اخد ت العربية لوشة فى العمرانية و العربية فضلت هناك شهر و اتعمل فيها شغل عك و المدام قامت بسحب العربية عن طريق احد معارفها و عمل خناقة مع الناس هناك لان العربية بقت معيوبة
انا قولت الكلام دة لما وضحت الحالة اللى كانت عليها العربية لما جت لعبدة فيما يخص المسافات بين علبة الفيوزات و الشنب و قاعدة البطارية
بعد ما المدام سحبت العربية من عند الناس بتوع العمرانية اشار عليها نبيل (سائق ميكروباص) انها تروح لعبدة و قبل ما حد يشتغل فى العربية راحوا بيها لتوكيل ابو رواش للكشف
ساعة لما نبيل دة اخد العربية من عند عبدة كانت بتدور زق لان البطارية كانت نايمة تماما... طبعا العربية اترمت شهر فى العمرانية لازم البطارية تتوفى
المهم لما راح نبيل لابو رواش رفضوا اصلا يبصوا فى العربية و قالوا العربية دى لا تصلح للاستخدام الادمى و مينفعش نقبلها فى الورش بتاعتنا
بعد فشل المحاولة دى راحو توكيل الكويت و البلاد العربية عند عبدة و تكرر نفس موقف رفض عمل اى شىء فى العربية لانها معيوبة و ملعوب فيها
محمد عبدة تكرم و خللى مهندس الفحص يبص على العربية فى ساحة الاستقبال بدل ما تدخل بjob و الست تتكلف 110 جنية
المهم فى الاخر العربية رجعت صفت عشان تتصلح بعد ما توكيلين رفضوا استلام العربية و كل القصة دى بقيادة نبيل و الغريب فى الموضوع ان المدام قالت لعبدة ان جوزها متوفى و انها بتربى عيال و قصص كدة ملهاش اى لزمة و لا محل من الاعراب... المهم عبدة قالها انا حتعامل معاكى على انك اخت
العربية جت ببطارية ميتة وناقصة اللباد اللى تحت الموكيت و فبر بطانة الشنطة و فبرة القايم الشمال و مجرة الكونسول الامامى و حاجات كتير رفايع على كل لون و شكل
نسيت اقول ان البطارية لما اتحطت على تونجر الشحن التونجر عمل قفلة و كان حيولع المحل... واضح ان البطارية كانت ماتت تماما
المهم عبدة فك الموتور و الفتيس عشان شغل الحوض و راحت العربية للسمكرى... العربية اتفك منها كل مكونات الصالون عند سروجى و الحاجة اللى اتفكت كانت فى ورشتة اما الطابلوة و الضفيرة و خلافة اتفك بمعرفة كهربائى و كانت الحاجة فى ورشة السمكرة
عشان الناس اللى بتسرق عبدة... اهى الحاجة مطلعتش فى ورشتة اساسا و بتتهموه فيها... خللى عندكم ضمير
بعد ما السمكرى اشتغل فيها فترة لقى ان مش نافع اى نوع من انواع الاستعدال لان العربية اتلعب فيها فى ورشة العمرانية و مفيش اى حل ان وش العربية يرجع زى ما كان غير تغيير الربع المخبوط
خلال الفترة دى كان نبيل هو اللى بيتعامل مع السمكرى و هو اللى كان بتعامل فى الماديات مع الست صاحبة العربية
المهم تم شراء ربع امامى استيراد عشان عملية القص و اللحام و شوية حاجات تانية من عند ابو هاشم بتاع الاستيراد و طبعا كلكم عارفين ان مفيش حد بتاع استيراد بيدى فاتورة بس طبعا مستر نبيل الجن كان حاضر عمليات الشراء و حاول يتفلسف لما كانوا بيشتروا دينامو لانة كان مكسر و ابو هاشم قالله 350 و عبدة خلصة ب 225 و تقريبا اشتروا سربانتينة تكييف كمان و جابوا جوز مساعدين امامى جداد
نمرة ابو هاشم مش سرية و اللى بيتعامل معاه ممكن يتاكد من الاحداث و الاسعار اللى انا كاتبها
المهم السمكرى قطع و لحم الربع السليم و ضبط اللوحة اللى فى الدفرانسية (العربية كانت ماشية على الطريق شبة معرضة لان الدفرنسية الخلفى كان مرحل للجنب... و دة كان كل الشغل اللى اتعكل فى العربية من ناحية السمكرة لان دة هو اللى اتاثر بالحدثة
عمنا نبيل باع الربع المقطوع خردة بالوزن و محدش يعرف الفلوس دى مصيرها ايه... كمان عبدة كان اشترى جوز جنوط حديد جداد للعربية و نبيل باشا مدفعش حسابهم حتى اليوم
لما العربية راحت لبتاع الدوكو الراجل رش الربع الامامى و العتب فقط لان دى المناطق اللى اتسمكرت... محدش جة جنب الابواب لانها مش تبع الحادث و بالتالى مينعش يترشوا و هما على حالتهم... و غالبا دة السبب ان المدام بتشكى ان البوية زبالة... طبعا ما العربية مرقعة و نبيل هو اللى بييتعامل و الله اعلم بيبلغ اللى بيحصل و لا لا ولا ايه
فى وسط الحوارات دى نبيل رش موتوسيكل عند بتاع الدوكو و محدش يعرف مين حاسب على ايه لان كل الحسابات كانت بتتم عن طريق نبيل
المهم خلصت العربية و جة وقت التقفيل و طبعا كان فيه نواقص كتير من ساعة ورشة العمرانية فا الناس حاولت تلم الممكن يتلم و بالتالى العربية اكيد منظرها مكنش يصر عدو ولا حبيب بعد شهر فى العمرانية و شهرين فى صفت و بدون متابعة
محمد عبدة اللى الناس بتقول عليه حرامى كان جاب الجرس الزنان اللى بيشتغل لما حزام الامان ميكنش راكب لانة مكنش شغال فى عربية المدام... و ساعة التركيب الكهربائى لقى ان الضفيرة بتاعت الزنان هى اللى عملة المشكلة و الزنان نفسة سليم... تفتكروا لو واحد زمتة واسعة حيروح يرجع الزنان تانى لابو هاشم و يرجع لنبيل 70 جنية؟؟؟؟؟؟؟ اتقوا الله
المهم العربية خلصت و جة وقت الاستلام و الست قالت انتوا بوظتم البطارية و دى كانت كويسة و انا لسة شريها و عملت فلم... عبدة اتصرف فى بطارية مستعملة من عندة عشان يلم الدور مع ان البطارية كانت متوفية اصلا قبل ما العربية تيجى صفت
انا اعرف اللى بينصب بياخد حاجة قيمتها عالية و يديك حاجة قيمتها ولا حاجة... مش العكس... واضح ان عبدة نصاب على قدة اوى و مش فاهم اللعبة كويس
و لما جة وقت الحساب مع عبدة... الراجل كان عايز 700 جنية نظير الحاجات اللى اشتراها من ابو هاشم و مصنعياتة فى الفك و التركيب...عبدة لقى واحد عميد بيكلمة و بيقولة انة من طرف المدام و ان انت - قصدة على عبدة - تبيع الحاجات اللى اتفكت من العربية (الخردة) و يعتبر ان دى مصنعيتة ... عبدة رد و قال انا مش عايز حاجة... حسبى الله و نعمى الوكيل و حقى عند الست دى حاخدة يوم القيامة
يعنى كما ن فى الاخر الراجل اضحك علية و ماخدش فلوس.... السؤال المهم جداااااااااااااااا.... فين ال 8000 جنييييييييييييه؟؟؟
اللى يعرف الاجابة حنديلة ربع عربية دايو عاملة حادثة و موتوسيكل مرشوش حديثا و شوية فكة على الماشى
اعتقد بعد الكلام دة وضحت الصورة كويس اوى ليكم و بان مين كان بيلعب دور ايه و امتى و ازاى و مين اللى امين و مين اللى مش امين
و انا عايز اعرف بقى راى الناس اللى اتهمت عبدة فى ذمته تقول ايه بقى دلوقتى؟؟؟ انتوا كنتم شطار اوى على الكيبورد لما كنتم بتقطعوا فى الراجل و دلوقتى بعد ما قريتم التفاصيل عايز اشوف شطارتكم مرة تانية و خللوا بالكم... انتم لما عيبتم فى عبدة كنتم بتعيبوا فيا شخصيا لان انا اللى رشحت الراجل دة لكل الناس اللى هنا و معتقدش انه قصر مع اى حد فيكم و بالتالى سمعتة من سمعتى
هااااااااااا... راى الرجالة اللى دمها حامى ايييييه دلوقتى؟؟؟ لسة شايفين ان عبدة حرامى و نصاب.. و طبعا لو هو كدة يبقى انا كمان زيه... مهو مفيش على لسانى غير سيرتة.... صح؟؟؟؟
يا ساده راجعوا ضمائركم قبل ان تتهموا الناس فى ذمتهم... مش معنى ان الراجل مش موجود او مش حيعرف يدافع عن نفسه اننا نقطع فيه و خلاص... الراجل دة انا بعتبرة صديقى قبل ما يبقى الميكانيكى بتاعى لان هو عمل معايا وقفات جدعنة كتير ميعملهاش اصحاب من سنين مع بعض.. و عشان كدة اللى يدوس على طرف ليه يبقى بيدوس ليا انا شخصيا على طرف
اعتقد ان جة الوقت و تبقوا قد الموقف و تعتذروا عن الللى قولتوه فى حق راجل غايب و عاجز عن الدفاع عن نفسة و صدر عليه حكم بانة نصاب و غير امين حتى بدون ما نسمع التفاصيل من ناحيتة
فى انتظار رد فعلكم اللى حيبين حقيقة شخصياتكم
MMamdouh
رقم العضوية : 2999
تاريخ التسجيل : 04Nov2007
المشاركات : 2,472
الاقامة : Beni suef
الحالة :
لاء من كلام حضرتك كده .. ان محمد عبده ماعندوش ذنب نهائي في الكلام ده ..
بس دلوقتي ظهرت شخصيات فرعيه .. اعتقد ان هم السبب في اللي حصل ده ..
احنا كده بقي منتظرين رد المدام علي الكلام ده .. لان كده محمد عبده معندوش ذنب ..
رقم العضوية : 739
تاريخ التسجيل : 19May2007
المشاركات : 647
النوع : ذكر
الاقامة : مصر القديمة
السيارة: لانوس
السيارة[2]: لادا
دراجة بخارية: لا
الحالة :
أولا : انا بقدم اعتذارى الشديد ويا ريت تقبلوه
ثانيا : المفروض حضرتك كنت سارعت بالاتصال بعبده من اول لحظة اثير فيها الموضوع
ثالثا : اسطى كبير زى عبده المفروض زى مانا قلت فى رد سابق على نفس الموضوع ميدخلش نفسه
فى الشغلانات الى هيبقى واضح ان هيبقى فيها مشاكل زى شغلانة العربية دى يعنى راجل زيه فى السوق على الاقل بيكون عارف استلم العربية فيها ايه وهيسلمها ازاى سواء بقى من المدام او من نبيل سائق الميكروباص او من الجن الازرق.
الخلاصة: انه عبده راجل مش حرامى ولا حاجة بس حط نفسه فى موضع شبهة يعنى يتحمل جزء من
مش قليل من الى حصل وحضرتك يا استاذ ممدوح كمان تتحمل جزء من الى حصل لعدم المسارعة بالاتصال بعبده
وبطلب منك يا استاذ ممدوح انك تلتمس العذر لكل الناس الى اتسرعت فى الرد وانا واحد منهم وحكموا على عبده بالاعدام لانك انت اكتر واحد تعرف ان فى ناس كتير حصل معاها مواقف مش حلوة مع صنايعية كتير و اتنصب عليهم فممكن تكون سرعة الرد جاية نتيجة ده (يعنى عندنا عقدة نفسية من الصنايعية النصابين) فبمجرد ما ذكر موضوع عن ذلك. الناس ما صدقت تكتب سواء الصنايعى كان عبده او غيره لكن عمر ماحد هيكون قاصد الاساءة لعبده لان الناس هنا مابتصدق تلاقى صنايعى كويس .
وفى النهاية بكرر اعتذارى الشديد للاستاذ ممدوح وللاسطى عبده وبالنيابة عن كل الناس الى اتسرعت
فى الرد وياريت تقبلوه
المفضلات