الموضوع: عربيتى و محمد عبدة

والله انا متهيألى ان العربيه اتفكت وشال الحاجه بتاعتها وبعدين الحاجه دي اتسرقت من عنده والحمد لله قدروا يجمعوهالك من كل بستان ورده في خلال اربع شهور.

انا شايف انه انسان غير امين من كل ناحيه حسبي الله ونعم الوكيل

اولا:مع احترامى للكلام المذكور
الا ان بتأمل بسيط تجد ان تطبيقه صعب جدا لواحد وراه شغل كل يوم ما عدا الجمعة

ثانيا:عندنا مثلا فى حرفيين حلوان الى بيشرف على العربية بيكون واحد من الصنايعية اما السمكرى او الميكانيكى على حسب الشغل وهو الى بيستلم منك العربية وهو الى بيسلمهالك خلصانة ومفيش مسمار بينقص من العربية لان الصنايعية كلهم فى التخصصات المختلفة عارفين بعض وليهم سمعتهم الى بيخافو عليها وعمرنا ماسمعنا عن حاجة حصلت زى المهزلة دى
واضح ان الى حصل ده شغل ناس واطية ولا هاممها سمعتها ولا زفت دا اذا كان ليها سمعة اصلا
والمفروض ان واحد زى محمد عبده يكون اذكى من انه يحط نفسه فى وضع زى ده
للاسف الاشكال الى معندهاش ضمير زى دول بيسرقوا كل واحد على اد ماهو مش فاهم
حتى الى فاهم كده كده بيسرقوه برضه
ومعلش يا استاذ ممدوح انا اسف كلام حضرتك مبالغ فيه اوى "دا انا اللى بتاعمل مع عبدة من زمان مبشيلش عينى من على العربية و هى عنده"
المفروض انا رايح ورشة محترمة ليها اسمها وسمعتها مش رايح عند واحد حرامى اونصاب

ثالثا: الناس الى فى شمبليون والحرفيين الى عملت اسم وسمعة معملتهاش من سرقة بطارية او حزام امان لكن عملتها من الامانة والثقة واحترام الزبون

واسف على الاطالة لكن الموضوع يحرق الدم بجد