السلام عليكم
انا انشاء الله هاشترى شقه فى الشروق
ازاى اتاكد ان مش هايتنصب عليا ؟ يعنى اتاكد من صحه الاوراق ازاى ؟
عرض للطباعة
السلام عليكم
انا انشاء الله هاشترى شقه فى الشروق
ازاى اتاكد ان مش هايتنصب عليا ؟ يعنى اتاكد من صحه الاوراق ازاى ؟
محامي ثقة ياباشا هو اللي يتابع الموضوع من البداية وهو اللي يكتب العقد ويوثقه
تشتري حاجه انت شايفها دا اضمن حاجه دلوقتي
مش تشتري الهوا زي مابيحصل من شركات كتير !
يعني لازم تشوف الشقه و محامي يكتب ورقها كامل و يتسجل كل دا في الشهر العقاري
لكن فيه حالات نصب كتير حصلت من شركات الي بيقولو مثلا التسليم بعد سنه ولا بعد سنتين
لكن بالنسبه الشركات الكبيره و المعروفه و ليها سمعه هيسلمولك الشقه في معادها او حسب العقد الي بينكم
بص انا واحد زميلى فى الشركة مشترى من شركة من 3 سنين والتسليم خلاص كمان شهرين
احنا رحنا شوفنا الشقة من قريب وكل حاجة تمام
اول حاجه تشوف قرار التخصيص بتاع الارض باسم مين
تشوف تسلسل الملكيه لحد ما وصلت للشركه البائعه
تشوف رخصة البناء
تكتب عقد وتوكيل في الشهر العقاري
هى العماره كامله وبيشطبوا فى المدخل والتسليم فورى
روح لمبني محافظة الشروق وشوف قطعة الارض نفسها متخصصة لمين وهل يوجد اي توكيلات واللا لأ.
تحياتي.
نصيحة لوجه الله
تدفع فلوس ... تستلم فوراً ماتستناش ولا ربع يوم
وتسجل على طول فى الشهر العقارى بعد طبعاً ماتتأكد من صحة الأوراق ( ياريت تعرف تآخد صور منهم تسأل بيها) وزى مالأخوة نصحوك بالظبط تروح على مجلس المدينة وتشوف متسجلة بأسم مين ؟
وياريت يكون معاك محامى ثقة وخلى بالك بيحصل نصب كتييييييييييييير من بعض المحامين نفسهم يبيعك ليهم يعنى !!
وربنا يوفقك
طب ياجماعه هل اساسات العماره واحده فى كل مناطق الشروق يعنى مساحه الاعمده والخرسانه بتبقا تحت رقابه ولا ممكن يتلعب فيها لانى قلقان من النقطه دى
ياريت حد يفيدنا