عرض للطباعة
معايا نيسان صنى الشكل القديم 2012 و لما بمشى على سرعة فوق ال 100 و انا مشغل التكييف ...... بسمع صوت طالع من الموتور مثل ماكينة قطع الحديد
فهل الصوت ده طبيعى يا جماعة مع العلم أن السيارة عاملة 3000 كم بسسسسسسسس ؟
أفيدونى يا صقور ؟؟؟؟؟؟؟
و كل عام و انتم بخير جميعا
زنة يعني ولا ايه ؟؟؟
والتكيف نفسه عامل ايه ؟
التكييف الحمد لله كويس
لكن هو فعلا صوت زنة تظهر بعد سرعة 100 و بتظهر لما اكون دايس على بدال البنزين و لما اشيل رجلى بتروح و كل ده فوق سرعة 100
35 مشاهدة و مفيش غير رد واحد بسسسسسسسسسس
مستنى رددكم ............
متابع
انا اول مرة اسمع بصراحة على الحكاية دى .. ان شاء الله الاعضاء يفيدوك
وطالما العربية عاملة 3000 روح صيانة ال5000 وقولهم عليها وان شاء الله تتحل على خير
وابقا طمنا
متشكر لرد ك أستاذ / أحمد بس أنا نفسى أعرف مبدئى اه المشكلة علشان لمل أروح مودرن موتورز - أسكندرية اعرف اتعامل معاهم و ابقى فاهم كلامهم
اتمنى رد بقية الاعضاء ان شاء الله:36_1_34[1]:
متابع لانها حاجه غريبة فعلا
هو صوت الموتور عالى الى حد ما و خاصه لو ماشى عكس اتجاه الهواء و على سرعه عاليه لكن مش لدرجه ماكينه قطع حديد يعنى
ممكن يكون صوت الموتور عشان سير الكاتينة جنزير على العموم انا متابع
هقول لك علي حاجه
لما بتكون دايس علي دواسة البنزين بتحس انك سامع صوت الموتور زي ما يكون صوت بيروح و يجي
لو ده يبقي طبيعي جدا جدا و مش بيكون ظاهر غير للسواق فقط لاغير
حضرتك بتسمعه و انت ماشي على 100 جوه العربيه ممكن يبقى حاجه من 3
يا بليه شداد السيور لمجموعة التكيف بايظ يا بلية كومبريسور التكيف يا الكومبريسور نفسه بايظ ده لو حضرتك بتسمعه مع التكيف بس
ياريت لما تروح تقولنا تشخيصهم كان ايه
ومنتظرينك عشان نطمن
تحياتى
متابع باهتمام
اخبار المشكلة دى ايه .. وتشخيصهم ليها ايه وطلعت ايه
ياريت تطمنا
التوكيل عمل حاجة أسمها Ideal للموتور فى الحقيقة اللى فهمته ذى Reset و لكن الصوت مازال موجود و قاللولى فى التوكيل الصوت ده عادى .....
يمكن فعلا صوت طبيعى لأن حضرتك لا اراديا ممكن بتقارن الاصوات بعربيات تانية سوقتها قبل الصنى
ما تنساش ان صوت كومبريسور الصنى عالى واى حد كان راكب كورى قبلها بيلاحظ كده ويفكر ان فيها مشكلة
حاجة تانية عزل العربية فوق ال100 بيبان اصوات الهواء فى الابواب والزجاج الامامى وممكن كمان لو فاتح الايريال تلاقى صوت رنة كده .. اطمن