الهاي لاين يا باشا بتبقي فاتحة سقف فرامل abs وعلي فكرة انا كنت بجيب عربية لواحد صحبي من بورسعيد من شهرين الكيا شوما هتلقيها ب25 والانوس هتلقيها في حدود 22 والنوبيرا من 25 لحد 29 دية الاسعار بس نصيحة خليك في كيا شوما انا ركبت كل دول الاحلي الشوما
عرض للطباعة
حضرتك معلش بسبب ظروفك الصحية اللانوس حتكون افضل ليك بكتير، من حيث سهولة الصيانة و توافر قطع الغيار و عشان المرتب كمان قطع غيار اللانوس أرخص و عند البقال زي ما بيقولوا. و بما انك حتشتري من بورسعيد يعني اللانوس كمان حتكون كوري مش مصري يعني زي الشوما . و يا ريت لو تقول لنا على رينج فلوسك كام ممكن نقول لك على حاجة أحسن
مبروك مقدما علي العربيه
أعتقد بما ان احنا ف مصر و دي أول عربيه تركبها
يبقي اللانوس أحسنلك بكـتير و ده من وجهة نظري المتواضعه
انا عارف ان أسئلتى كتيير , بس انا اول مرة أركب عربية ؟
انا بردو لسة مش فاهم قطع غيار اة اللي الناس بتتكلم عليها بلنسبة للشوما انا اسف جدا في اللي هقولو هل حد من السادة المحترمين اللي بيردو عندو شوما انا عارف طبعا ان في اخ معاة سيفيا و السيفيا هي هي الشوما بس انا بجد زهقت من كل واحد يقول قطع غيار غلية و مش موجودا و هي صراحة ولا غالية اطلاقاااااااااااااااااااا اااااااا و لا ندرة بردو اطلاقاااااااااااااااااااا قطع الغيار ارخص من الرخص و حضرتك ممكن تخش الرابطة و تسال و تشوف و قطع الغيار الحمد للة الناس في الرابطة عارفة كل بتوع قطع الغيار من الاف لل ي و انا بجد مش عارف ازاي المقارنة دي بتم زي ما قال اخونا الكبير استاز احمد الجندي الشوما هتتحط في مقارنة مع النوبيرا و هتبقي مقارنة ضالمة للنوبيرا و بلنسبة للاستاز اللي بيقول ان الشوما مصري :waaaht: مين قال لي حضرتك انها مصري الشوما كوري تقفيل كوري او كوري تقفيل الماني و في منها اوروبي كمان
هاي لاين حضرتك هي اخر فئة من الشوما اللي بيبقي فيها وسائد هوائية و فراما abs و فتحة سقف كهرباء و علي فكرة الفئة دي زيرو كانت بي 125 الف اول مانزلت
طب حضرتك كمان ممكن تريح نفسك و تجيب الشوما اوتو هاي لاين و ماتعدلش في حاجة و تريح نفسك عالاخر لكن الانوس مافيش منها اوتو اصلا الا لانوس 1 اللي لحد موديل 99
يافندم حضرتك تسال زي ماتحب يا رب تكون الاجابات فاديتك ملحوظة اخيرة انا قبل ماستري العربية كنت محتار نفس الحيرة بس مش مابين الشوما و الانوس طبعا مابين الشوما و الانسر الكرستالة و كلام الناس عن قطع الغيار و اسعارها و نودرتها كان رعبني بس اتكلت علي اللة و جبت الشوما و مالقتش حاجة واحدة من اللي اتقالي الحمد للة
اللى مخوفنى الظروف اللى أنا فيها ( الظروف الصحية , وثانياً المادية )
يعنى لو العربية حصل فيها حاجة لا قدر الله , هسيبها فى الشارع وهامشى , وغير كدة العملية مش مستحملة مصاريف تانية يعنى يادوب على قد البنزين والزيت وقطع الغيار البسيطة
وبصراحة أنا معايا فيسبا ( مجهزة ) ملهاش مصاريف نهائى , ومريحانى جداً , بس أنا عاوز العربية علشان زوجتى وأولادى بيبهدلوا معايا على الفيسبا علشان كدة قررت أجيب عربية
يعنى أخر سؤال للجميع ( كيا شوما ) ولا ( لانوس 2 ) من بورسعيد وأنا معايا 25000 جنية , مانيوال فقط لأا الاعاقة فى القدم اليسرى و ملهاش اتومتيك , ودى شروط الكومسيون