عرض للطباعة
يا جماعة أنا أتنصب عليا ....
التكييف كان محتاج شحن فريون والخط الساخن بتاع يونيون أير مش شغال ولا الخط الأرضى ....
بعت لفنى تكييف من اللى بيحطوا أرقام تليفوناتهم على النت ....
شحن الجهاز و خد 300 جنية و بعد أسبوعين الجهاز باظ تانى ....
كلمتة تانى وقالى جاى وطبعآ مجاش ....
كلمت جهاز حماية المستهلك فقالى أتصل بمكتب الرقابة التجارية اللى فى القصر العينى ....
أية رأيكم ....
أروح أبلغ ولا أستعوض ربنا عشان البلد سايبة ومحدش هيجيب لى حقى خصوصآ اليومين دول؟؟!!
روحلهم الشركه فورا
ولو معاك فتوره او حاجه تئبت انهم شحنوه خليها معاك وروح بهدلهم
روحلهم و خد معاك الفاتورة و متسكتش علي حقك
الفاتورة مش مكتوب فيها لا أسم المركز ولا العنوان ودى أول مرة كنت أشوف حاجة زى كدة ....اقتباس:
المشاركة الأصلية كتبت بواسطة medoghaly
مفيش قدامى غير مكتب الرقابة التجارية بس متردد أروح لأنى شايف أحوال البلد فى النازل ....
البلد مفيهاش اي حمايه لاي حاجه
انا ليا حوالي 500 جنيه عند سمسار الشقه والباشا تقريبا غير تيليفونه ومعرفش مكانه فين ولا معايا كارت ولا اي حاجه وشكرا علي كده واديني استعوضت ربنا في الفلوس وحار ونار في جتتته هو وعيلته
بالنسبة ليك ممكن يكون مش غلط منه لان ساعات في حاجات مش بتظهر ساعة الشحن
انا تكييف عربيتي بقالي 4 سنين كل اما اشحنه يبوظ بعدها باسبوعين واروح الاقي حاجه جديده ولسه شاحنه في ال 45 يوم اللي فاتو مرتين وباظ تاني الأسبوع ده
انا راايي يا جوست باشا
ا ولا ً وكلك امرك لله ثانياً والاهم والاهم اوووووووووعه ثم اووووعه تزعل نفسك
اووووووووعه ياباشا السكر والضغط على الابواب ، رغم ان حجات كتير في مصر تحرق الدم .... ده انا مره رحت اتبرع بالدم قالي الراجل ياباشا دمك محروق مينفعش ههههههههههه ،
انتا مش اول ولا اخر مصري اتنصب عليه او اتدحك عليه
وبعدين ياباشا هو البلد فيها قانون. .... اذا القضاء بتعنا بسم الله مشاء قاعد بيعلب هو والريس عكسر وحرامية وصلح .... وبدل ما يصلحو من النظام القضائي في مصر. قاعدين يعطلوا المراكب السايرة
واهو احنا عايشيين بلابيص. لا حكومة ولا دستور ولا تعديل في القوانين ولا أمن. ولا مجلس شعب
وفي فئة مع الاسف من الناس عاوزانا نعيش كده في هرتله ونعيش في فوضى
ونفسهم يكتفوا حتى رئيس الجمهورية
ولو طالوا يشيلوه ونقلبها غابه كمان هيشيلوه
صدقني في مصريين زينا نفسهم يخلوا بلدنا دي خرابة او زريبة او غابة نفسهم يقعدوا يدمروا ويدمروا بلدنا وبلدهم وناس تانية كل قوتهم واكلهم وشربهم من عرق الغلابة ومن فلوس النصب والاحتيال على الناس وفي فئة تانية من فلوس الشحاته والتسول والبلطجة .... فاوعه تزعل نفسك ياباشا ووكل امرك لله
مفيش حد فيكي يا مصر متنصبش عليه
@@@@@@@@@
وتحياتي
حبيب قلبى يا me_medoo .... :hug3:اقتباس:
المشاركة الأصلية كتبت بواسطة me_medoo
يا أخى أنا اللى مزعلنى أننا بقالنا مدة عايشين فى اللا دولة ....
ودة من أيام مبارك ولحد دلوقتى ....
كل يوم بنسمع أن ناس أتنصب عليها من طوب الأرض ....
و تلاقى فى بلدنا ناس كتيييييييييييييييييييييير أوى بتسرق وتنصب ....
لكن عمرنا ما سمعنا عن حد أتنصب علية والقانون جاب لة حقة ....
لحد أمتى هنفضل كدة أنا مش عارف ....
نفسى أعمل أى خطوة أيجابية وأروح أشتكى وأعمل محضر بس عارف أن كل دة لا هيقدم ولا يأخر ....
الله ينوووور عليك
احنا فعلاً من ايام مبارك موجودين في بلد الا دولة دي .... حتى كان مرت فترة على مصر الناس كانت تخاف تشتري شققق ولا حتت ارض لانوا خايف انها تكون متباعه قبل كده لكزا واحد. وصاحبها الاساسي ياخود الفلوس ويفلسع بره مصر ..... وكل ده ولسه في ناس بتشكر في قضاة مصر وفي نظمنا القضائي الي اقل قضية بتقعد شهووور وسنين وسنين في المحاكم وعلى استئناف واستشكال والنطق بالحكم وعلى محكمة ابتدائية. ووفرعية وقضاء مستعجل وقضاء نقض وقضاء بالكريمة ومحكمة بالمهلبية ومحكمة بالكريم كراميل والتوت والكرز .... وبعد كااااااااااااااااااام سنة. واخيراً القاضي حكماك متستلمش الحكم في نفس الجلسة لا بعديها باسبوع ، وبعد اسبوع تستنى شهررررررررررر علشان تلاقي حد ينفذلك الحكم ده غير الاجازة القضائية والاعياد. وكل سنة وانتا طيب على العدل والبقية في حياتك وشد حيلك على حقك الله يرحم حقك في البلد دي ...... حقك الي اتاكل واتهضم ....
ده غير ان عندك مفيش اي ربط للبينات في دوائر الحكومة المختلفه يعني اي حد يعمل جريمة ولا ينصب ممكن ينصب على غيرك وعلى غيرك وعلى غير غيرك ماهو عندو ٨٠ مليون مواطن غيرك متاح ليهم يسرقهم وينصب عليهم وشوف بقة مين هيقدر يجيبوا ولا يعتر على مكانوا ، والموضوع خطيرررررررررر احنا مش بنتكلم هنا عن ٣٠٠ جنية. احنا بنتكلم عن وطن ذهب منه العدل وساد الظلم بسبب الروتين ونظام معمول ومطبق من سنة ١٤٠٠ وخشبة
كان في برنامج علىmbc بتاع خواطر كانوا مطلعين النظام القضائي في توركيا والنمسا والامرات واتفرج شوف المحاكم وسرعة الفصل في القضايا عامل ازاي. يعني هتاخود حقك وانتا حاطط رجل على رجل .... لكن مع الاسف عندنا في مصر تلاقي النصاب يقولك عاوز تروح تبلغ بلغ عاوز تعمل محضر في القسم اعمل واخبط راسك في الحيط عاوز ترفع قضية ارفع وابقى قابلني لو طلت مني ولا مليم ، لييييييييه عارف ليه لانوا عارف ان النظام عندنا في مصر تيتي تيتي زي مارحتي زي ماجيتي
@@@@@@@@@
وتحياتي
ومع احترامي لقضات مصر
وعدم احترامي لطول مدة الفصل في الدعاوي
وبطئ القضاء مما يضيع حقوق كل مواطن شريف
عارف يا me_medoo أحسن ناس تعرف تعيش فالبلد دى وتعرف كويس أوى أزاى تجيب حقها هما الظباط و البلطجية لكن لو مواطن عادى زيى و زيك حب أنة يجيب حقة بالقانون ... أبقى قابلنى ....