الى اصحاب الالنترا الجديده...ليه العربيه واقعه من ورا؟؟؟؟

**M.belal** · 16-07-2012 10:37 PM

انا فعلا بحس ان من ورا الكوتش كانه قرب يحك ف الكاتيره
مش الجديد بس حتى الشكل اللى قبلها بردو نفس الكلام

**ahmad--ezzat** · 16-07-2012 10:40 PM

شيء مزعج فعلا

**Land_Cruiser** · 16-07-2012 10:56 PM

انا برضه لاحظت الموضوع ده بس اعتقد لو اتغيرلها السوست و المساعدين لنوع تانى افضل الموضوع ده ممكن يتحسن بس العفشه هتبقى ناشفه

**ahmad--ezzat** · 16-07-2012 10:59 PM

المشاركة الأصلية كتبت بواسطة land_cruiser

انا برضه لاحظت الموضوع ده بس اعتقد لو اتغيرلها السوست و المساعدين لنوع تانى افضل الموضوع ده ممكن يتحسن بس العفشه هتبقى ناشفه

مممممم يعني انا اجيب العربيه زيرو
واطلع اجيبلي طقم مونرو
واغير السوست ان لاقيت اصلا

واطلع علي ميكانيكي يحل المساعدين بالسوست ويغيرهم

اعتقد موضوع غير مقبول نهااائي :(

**saadelden** · 16-07-2012 11:33 PM

هي المفروض عشان تبقى ناعمه مخليين السوست خفيفه
السوسته اما تكبر هاتشيل وزن اكتر و مش هاتهبط , بس لو العربيه فاضيه هاتفضل تهبد و تتنطط زي السيراتو !

كورولا الشكل القديم من اول 2000 لحد 2007 عربيه ناعمه و ماتور موفر
مش معموله عشان جري و سرعات
مع ذلك ثابته معاك لحد 120 و دا المطلوب من عربيه في الفئه دي

الشكل الجديد حسنو الثبات بتاعها و ممكن لحد 160 ماتحسش بحاجه

و الي ماركبش عربيه فوق 3000cc يبقى بلاش يتكلم ع الثبات و السرعات ماعدا بعض العربيات

**Hacker5** · 17-07-2012 12:07 AM

الالنترا الـ 2008 برضو فيها نفس المشكلة بتهبط بشكل غبى و بتحك فى المطبات و لو حملت 3 ورا العربية بتبقى عالية من قدام و واطية من ورا
هو اة المساعدين ناعمين جدا بس مش للدرجة دى

**ahmad--ezzat** · 17-07-2012 12:11 AM

المشاركة الأصلية كتبت بواسطة hacker5

الالنترا الـ 2008 برضو فيها نفس المشكلة بتهبط بشكل غبى و بتحك فى المطبات و لو حملت 3 ورا العربية بتبقى عالية من قدام و واطية من ورا
هو اة المساعدين ناعمين جدا بس مش للدرجة دى

ده عيب يايات وليس مساعدين

**Land_Cruiser** · 20-07-2012 03:29 PM

المشاركة الأصلية كتبت بواسطة ahmad--ezzat

مممممم يعني انا اجيب العربيه زيرو
واطلع اجيبلي طقم مونرو
واغير السوست ان لاقيت اصلا

واطلع علي ميكانيكي يحل المساعدين بالسوست ويغيرهم

اعتقد موضوع غير مقبول نهااائي :(

مع حضرتك انه طبعا حاجه مش مقبوله بس مع الاسف ده أمر واقع بما ان المستوردين بيجيبوا اى حاجه من اى حد و بيبيعوها بأى سعر هما عاوزينه فالنصيحه من الناحيه العمليه لو كانت كل حاجه فى العربيه عاجباك ما عدا المشكله دى بس هى العيب الوحيد اللى ضايق حضرتك يبقى لو غيرتهم هتبقى العربيه بالنسبه لك مفيهاش غلطه وده بتفكير عملى لانك فى مصر مضطر تتعايش مع الموجود زى ما هو و لو دورت على اى عربيه فى الاسعار المعقوله طبعا هتلاقى فيها عيوب زى عيوب تقفيل او ثبات او سعر اعاده بيع ضايع او استهلاك بنزين عالى او رداءه توكيل او سعر بيع مبالغ فيه ... و احيانا كوكتيل من كل الحاجات دى و فى ظل كده تبقى حكايه تغيير سوست او مساعدين دى بسيطه لو جت على كده و ممكن حتى تبقى تتغير بعد فتره من الاستخدام مثلا. للاسف حاجه سيئه بس هو ده الواقع.

**Samir Elshahawy** · 21-07-2012 03:01 PM

العفشة صحيح ناعمة و يمكن أنعم من التويوتا اللي كان معايا منها 3 موديلات مختلفة طوال 4 سنوات (ياريس - كورولا ياباني - كورولا جنوب أفريقي) كمان و لكن مع ذلك مافيش مشاكل في الثبات نهائي و لحد دلوقتي لم تواجهني مشكلة في ارتفاع العربية مع المطبات شاهقة الارتفاع التي تتميز بها شوارع مصر

العربية طبعا بأسافر بيها علي طول و متوسط سرعتي بيكون في حدود من 110 كم / ساعة و حتي 140 كم/ساعة علي حسب حالة الطريق و الملفات بتكون علي السرعات دي برضه حسب حالة الزحام في الطريق و لم أواجه اي مشكلة في أنحراف عن مسارها (oversteering / understeering) و أخرها النهاردة و أنا داخل ملف الرحاب و كان الطريق فاضي دخلته علي سرعة فوق ال 90 كم/ساعة و مافيش مشكلة في حدفة أو أنحراف

أما موضوع التحميل فطبعا جربت أن يكون ورا في الكنبة الخلفية 3 اشخاص من الوزن الثقيل و شخص بجانبي و دخلت بيها في طريق وعر غير ممهد و به مطالع و منازل (طريق المدافن علي طريق السويس) و الحمد لله لم تحتك بأي مطب أو أواجه اي مشكلة

الكلام ده عن تجربة مش كلام في الهوا أو رؤية أو مشاهدة أو كلام قرأته أو توقعات و تخمينات أو ضربا بالغيب
الكوريين أتقدموا و عرفوا يعملوا عربيات تنافس الاوروبيين اللي بقالهم 200 سنة و قريب أوي الجاب اللي بينهم هايختفي

**esam_ayad** · 17-08-2012 02:58 AM

أنا من يومين كنت شايف جيتا وكانت محمله تلاته ورا والعربيه كانت خلاص علي الأرض.

وعن تجربه شخصيه ليا مع هيونداي أكسنت الشكل اللي قبل ده-بتاعة ابن عمتي-العربيه كانت شايله خمس أفراد وكنا رايحين عند عيون موسي -وأخدنا كذا مطب في الطريق وييجي عشر مطبات عاليه داخل القريه السياحيه والعربيه عدت منهم عادي-
فلا أعتقد ان الالنترا الجديده بعد كل ده تبقي أقل من الاكسنت الشكل القديم.

الموضوع: الى اصحاب الالنترا الجديده...ليه العربيه واقعه من ورا؟؟؟؟

LinkBack

أدوات الموضوع

عرض

-

-

-

-

-

-

-

المواضيع المتشابهه

استفسار من اصحاب الالنترا الشكل القديم

الالنترا الجديده مش قبل شهر7 !!!!!!!!

الى اصحاب الالنترا الخليجى

كتالوج هيونداى أفانتى 2010(لكل اصحاب الالنترا)

نداء الى اصحاب الفيكترا الجديده

الكلمات الدلالية لهذا الموضوع

المفضلات

المفضلات

ضوابط المشاركة