الى اصحاب الالنترا الجديده...ليه العربيه واقعه من ورا؟؟؟؟

**megamoudy** · 17-08-2012 03:54 AM

اصل الالنترا احسن من الهوندا السيفيك بقى معلش هههههههههههه

**ahmad--ezzat** · 17-08-2012 03:56 AM

المشاركة الأصلية كتبت بواسطة megamoudy

اصل الالنترا احسن من الهوندا السيفيك بقى معلش هههههههههههه

اشمعني السيفيك

**Kareem.ElAraby** · 17-08-2012 04:08 AM

الالنترا الشكل القديم 2007 بتهبط و مقرفه في الموضوع ده و بتصعب عليا مع انني معظم المطبات علي عجلتين !

فيه ناس بترشح تركب صدادات و ناس بتقترح سوست سبور

انا بقي لا أفتي و لا أعلم !

بس طقم السوست السبور بيعمله 1450 قبل الفصال !

و بصراحه صعب أجرب في مبلغ زي ده

**AshTurbo** · 17-08-2012 04:23 AM

طيب أنا هأعترف ياجماعة أهو ......... أعترف أن العربية دي عمرها ماحكت مني غير مرة واحدة من ساعة ماجبتها من سنة وكان معايا وزن ثواني أحسبها ..... حماة أخويا ( محسوبة بأتنين ) - خطيبة أخويا - اخويا - والدتي - أنا ( ضخم بردوا مش أي كلام ) ..... والمطب كان عالي أوي ده موقف .....

النهاردة راجع من المطار كنت بجيب والدي معاه حوالي 3 شنط وأنا واخويا وخد عندك بقى مطبات وحفر ومطبات هواء ومطالع ومنازل حوالي 4 كباري زي الزفت من الطريق الدولي وماشاء الله مفيش مشاكل ولا حك ولا وجع دماغ اللهم الا وأنا داخل الجراج حكت سنة من الأكصدام الخلفي ورا لأن الجراج بمطلعايه غبية فطبيعي مستواها هينزل مع التحميل زيها زي عربية بس مش حاجة تستحق أننا نقف عندها .

**esam_ayad** · 17-08-2012 04:34 AM

المشاركة الأصلية كتبت بواسطة megamoudy

اصل الالنترا احسن من الهوندا السيفيك بقى معلش هههههههههههه

مين جاب سيرة السيفيك؟؟؟؟؟؟!!!!!!!!!!

**megamoudy** · 17-08-2012 04:37 AM

اصل في حرب ضروس بين الالنترا والهيونداي

**esam_ayad** · 17-08-2012 04:12 PM

عن تجربه شخصيه أخري ليا مع النترا 2012 -بتاعة زميلي في الشغل-
تحديدا يوم 23/6 اللي فات وده كان معاد نزولي مصر علشان أقضي أجازة نهاية العام الدراسي ,
زميلي جه علشان ياخدني يوديني مطار الكويت الدولي,
كان زميلي سايق وأنا جنبه وكانت زوجتي في الكنبه الخلفيه وجمبها شنطة سفر كبيره فيها أزيد من أربعين كيلو وشنطة صغيره فيها 15 كيلو وواحده كمان صغيره فيها 10 كيلو, وكان في شنطة العربيه شنطتين سفر كبار كل واحده أزيد من أربعين كيلو, والعربيه بسم الله ماشاء الله عليها ماشيه زي العسل , وكان في حته فيها مطبين معمولين غلط ولما كان بيبقي معايا اتنين ورا في عربيتي كانت بتلمس في المطبين دول, والالنترا عدت منهم بكل بساطه.

ياريت ياجماعه ماحدش يتكلم الا من غير مايجرب العربيه اللي داخل يتكلم عليها لأن ممكن واحد يكون خلاص ناوي يشتري العربيه دي ولما يلاقي واحد بيتكلم عنها وحش وهو ماساقهاش ولا جربها يبعد عن العربيه, فكده دي تبقي شهادة زور.

**Samir Elshahawy** · 17-08-2012 07:03 PM

المشاركة الأصلية كتبت بواسطة esam_ayad

ياريت ياجماعه ماحدش يتكلم الا من غير مايجرب العربيه اللي داخل يتكلم عليها لأن ممكن واحد يكون خلاص ناوي يشتري العربيه دي ولما يلاقي واحد بيتكلم عنها وحش وهو ماساقهاش ولا جربها يبعد عن العربيه, فكده دي تبقي شهادة زور.

ياريت فعلا

من قال لا أعلم فقد افتي

**ahmad--ezzat** · 17-08-2012 07:44 PM

المشاركة الأصلية كتبت بواسطة esam_ayad

عن تجربه شخصيه أخري ليا مع النترا 2012 -بتاعة زميلي في الشغل-
تحديدا يوم 23/6 اللي فات وده كان معاد نزولي مصر علشان أقضي أجازة نهاية العام الدراسي ,
زميلي جه علشان ياخدني يوديني مطار الكويت الدولي,
كان زميلي سايق وأنا جنبه وكانت زوجتي في الكنبه الخلفيه وجمبها شنطة سفر كبيره فيها أزيد من أربعين كيلو وشنطة صغيره فيها 15 كيلو وواحده كمان صغيره فيها 10 كيلو, وكان في شنطة العربيه شنطتين سفر كبار كل واحده أزيد من أربعين كيلو, والعربيه بسم الله ماشاء الله عليها ماشيه زي العسل , وكان في حته فيها مطبين معمولين غلط ولما كان بيبقي معايا اتنين ورا في عربيتي كانت بتلمس في المطبين دول, والالنترا عدت منهم بكل بساطه.

ياريت ياجماعه ماحدش يتكلم الا من غير مايجرب العربيه اللي داخل يتكلم عليها لأن ممكن واحد يكون خلاص ناوي يشتري العربيه دي ولما يلاقي واحد بيتكلم عنها وحش وهو ماساقهاش ولا جربها يبعد عن العربيه, فكده دي تبقي شهادة زور.

ههههههههههههههههههههه اه ويبقي قتل مع سبق الاصرار كمان

بس دي حقيقه وليس زور

**Survival** · 17-08-2012 08:17 PM

اولا كل سنة وانتم طيبين و عيد سعيد على الكل

اولا احنا فى مصر و اللى يمشي عندنا غير اللى يمشي بره
انا عن نفسي و من خلال ملحظتى على طريق الاوتوستراد من حلوان ل حدائق القبة بصفة مستمرة الاتى
- الالنترا مش واطية زى ما بتبان لكن عشان شكل العربية و تصميها هى بتبان فعلا هابطة من ورا
مع المطبات مش بتحك لكن بتتنطط زى بطريقة زيادة شوية و لا تقارن بالسيفك او الجولف مثلا فى الموضوع ده
الفترة دى انا بدور انى اغيير العربية و بتفرج على العرببات و طريقة مشيها على الطريق و من وجهة نظرى انى فى مصر محتاج دبابة او مدرعة مش عربية خالص من كتر اللى بشوفه من اسلوب سواقة
و فى النهاية الالنترا عربية شكلها رائع و من احلى الموديلات اللى نزلت فى الفترة الاخيرة و اللى احلى منها السوناتا مع السقف البانوراما
و ربنا يبارك لكل واحد فى عربيته

الموضوع: الى اصحاب الالنترا الجديده...ليه العربيه واقعه من ورا؟؟؟؟

LinkBack

أدوات الموضوع

عرض

-

-

-

-

-

-

-

المواضيع المتشابهه

استفسار من اصحاب الالنترا الشكل القديم

الالنترا الجديده مش قبل شهر7 !!!!!!!!

الى اصحاب الالنترا الخليجى

كتالوج هيونداى أفانتى 2010(لكل اصحاب الالنترا)

نداء الى اصحاب الفيكترا الجديده

الكلمات الدلالية لهذا الموضوع

المفضلات

المفضلات

ضوابط المشاركة