غيرت طرمبة و فلتر بنزين للياريس ..

غيرت طرمبة بنزين و فلتر بنزين ....الطرمبة ب 1150 و الفلتر ب 350 ..
كنت غيرت قبل كده طرمبة بس صينى ب 130 جنيه و مكملتش شهرين على بعض ...:10_1_104v[1]:

بس انا عرفت دلوقتى هى ما كملتش ليه , فرق 1000 جنيه بحالهم ما بينها و بين الاصلية لازم ما تكلمش :019F3B~14: .
نزلت للميكانيكى علشان نركب , كله تمام و يا دوب بنحط الفلتر مكانه فى التنك , لاقيت الواد بيقولى يا بيه الفلتر ده مش هينفع :waaaht: ليه يا حج خير ؟؟؟؟ قالى الفلتر ده راسه صغيره و الغطا الى بنربط بيه كبير و بيعدوا من بعض :khd: و فعلا بالمقارنة بالقديم , الجديد صغير .. طب و العمل , جه المعلم , فك كل حاجة و نضف الفلتر و قالى روح وريهوله و رجعه , رحت تانى لبن جميل و قلت له على القصة و وريته القديم قالى مش عارف و قام رجعلى فلوسى و اعتذرلى ....
قعدت الف على الفلتر , و الحمد لله ربنا كرمنى :_Alshmokh22[1]: و لقيته عند الخضرى الى قدام عوض الله الجديد قالى 420 , و بعد فصال كتير اخدته ب 400 و رحت ركبته و طلعت اجرب العربية :18_6_111[1]:
الحمد لله , العربية فاقت عن الاول سنه و كويسة استهلاك البنزين اتحسن عن الاول , يمكن انا ماحسبتش الاستهلاك بس باين معايا فى العداد ...


للناس بتوع المنصورة :
انا سالت فى الموزع الى على السريع قالى على الطرمبة 1550 و الفلتر ب 650 ...
نزلت سألت عند بن جميل الى فى الحسنية قالى الفلتر ب 375 و الطرمبة ب 1150 , المهم جبتهم منه الاتنين ب 1500 ...

فلتر البنزين بكاااااام
ده كتير اوي

الف مبروك علي الصيانة يا باشا
ربنا يبارك ..

الف مبروك
بس كتيييييييييييير اوي كده
انا معرفش اسعارهم انا اتخضيت بس
وبعدين ممكن سؤال هو انت غيرت الطرمبه ليه اصلا والعربيه عامله كام الف
وشكرا

اقتباس:

---

المشاركة الأصلية كتبت بواسطة mohammadrashee

الف مبروك
بس كتيييييييييييير اوي كده
انا معرفش اسعارهم انا اتخضيت بس
وبعدين ممكن سؤال هو انت غيرت الطرمبه ليه اصلا والعربيه عامله كام الف
وشكرا

---

دى اقل اسعار لاقيتها , بس الحاجات دى كلها اصلى فعلا .

اقتباس:

---

المشاركة الأصلية كتبت بواسطة s o p h o s

الف مبروك علي الصيانة يا باشا
ربنا يبارك ..

---

الله يبارك فيك , بس فعلا الصيانة بتفرق جداااا ...

اقتباس:

---

المشاركة الأصلية كتبت بواسطة ahmad--ezzat

فلتر البنزين بكاااااام
ده كتير اوي

---

ب 350 و الله , انا مش عارف كده غالى ولا لأ ؟ بس ده اقل سعر لاقيته .....

ممكن صور للطرمبة والفلتر القديم ياريت
وانا بنصحك اي حاجه اسأل الخضري من الآخر

انت ليه غيرت الطرمبة ؟؟ ايه المشاكل اللى حصلت عندك ؟؟

وكويس انك عرفت تجيب فلتر البنزين ب 400 جنيه

ده انا لما جيت اغيره لفيت المراكز المعتمدة كلها واقل سعر عرفت اوصله 450 جنيه !!

الف مبروك
بس ياريت كان فيه صور

اقتباس:

---

المشاركة الأصلية كتبت بواسطة amr2004ibm

الف مبروك
بس ياريت كان فيه صور

---

ان شاء الله هصور الحاجات القديمة و الجديدة كنت مصورها وارفعها , يومين كده بس .

اقتباس:

---

المشاركة الأصلية كتبت بواسطة ahmod

انت ليه غيرت الطرمبة ؟؟ ايه المشاكل اللى حصلت عندك ؟؟

وكويس انك عرفت تجيب فلتر البنزين ب 400 جنيه

ده انا لما جيت اغيره لفيت المراكز المعتمدة كلها واقل سعر عرفت اوصله 450 جنيه !!

---

العربية كانت بتفصل كل شوية , يعنى تبقى ماشى بيها عادى خالص و مفيش اى مشاكل فى السحب او غيره , فجأة تقوم العربية فصله خاااااااالص , تدور تدور عادى مفيش مشكلة و تمشى شوية ونفس القصة تتكرر , لغاية ما جت فصلت خالص و مشتغلتش غير لما ريحت العربية فترة طويلة ..

بالنسبة لسعر الفلتر , انا سمعت فيه 650 و 420 و 375 ... اول مرة جبته ب 350 بس رجعته علشان طلع صغير و بعدين لفيت لفه لغاية ما لقيته ب 420 و اخدته ب 400 و انا عارف انى لو كنت قعدت افاصل شوية كنت ممكن اجيبه اقل من كده , بس كنت مستعجل ساعتها ..

اقتباس:

---

المشاركة الأصلية كتبت بواسطة أبو عبدالله

ممكن صور للطرمبة والفلتر القديم ياريت
وانا بنصحك اي حاجه اسأل الخضري من الآخر

---

انا الطبيعى انى بنزل للخضرى الى فى الحسنية الاول , بس للاسف ما كنش عنده غير الطرمبة الصينى و دى طبعا استحالة اجيبها تانى , والفلتر مش عنده ....

دى صورة علبة الطرمبة الصينى ب 130 جنيه

http://img337.imageshack.us/img337/4092/dsc00503up.jpg



و دى صورة الطرمبة الصينى , ومش هتلاقى عليها اى حاجة خاااالص ....


http://img560.imageshack.us/img560/5382/dsc00513cw.jpg

و دى صورة الطرمبة القديمة الاصلية بتاعه بلادها ....

http://img208.imageshack.us/img208/4885/dsc00506el.jpg


و ده الفلتر القديم , والمشكلة كانت فى الحته دى , قطرها اكبر من الفلتر الى اشتريته فى الاول و رجعته ...


http://img824.imageshack.us/img824/6422/dsc00508mp.jpg


http://img842.imageshack.us/img842/7526/dsc00507q.jpg


دى الطرمبة الجديدة , هتلاقى عليها البيانات و الاكواد و هى هى القديمة ...

http://img59.imageshack.us/img59/5913/dsc00454xy.jpg



http://img163.imageshack.us/img163/4858/dsc00452lc.jpg


و ده الفلتر الجديد ...

http://img256.imageshack.us/img256/9151/dsc00451ac.jpg

http://img220.imageshack.us/img220/4867/dsc00450nr.jpg

ده فل جى معاه ....

http://img526.imageshack.us/img526/1138/dsc00449pl.jpg




http://img854.imageshack.us/img854/921/dsc00514p.jpg

ما شاء الله
فرق كبير بين الصيني وبين الاصلي
فعلا القطع الاصلية راحت بال ..

غيرت فلتر البنزين على كام الف كيلو؟؟؟

اقتباس:

---

المشاركة الأصلية كتبت بواسطة asemx1

غيرت فلتر البنزين على كام الف كيلو؟؟؟

---

200000 بس :vctry:

الف مبروك الفلتر الاصلى وكده ريحت بالك
والف شكر على الاهتمام ودعم الموضوع بالصور وهكذا اصبح الموضوع اكثر افاده
بارك الله فيك

اقتباس:

---

المشاركة الأصلية كتبت بواسطة amr2004ibm

الف مبروك الفلتر الاصلى وكده ريحت بالك
والف شكر على الاهتمام ودعم الموضوع بالصور وهكذا اصبح الموضوع اكثر افاده
بارك الله فيك

---

متشكر لحضرتك , ويا رب اكون قدرت افيد فعلا .....

الف مبروووك دا انا كنت ناوى اغيره على 85 الف بس انا يظهر كدا بدلعه بقى هههههههههههه
لا خلاص هغيره على 200 زيك لان الاجانب حتى بيقولوا ما يتغيرش دلوقتى خالص وكمان بيقولوا انه بعمر العربيه

طيب ممكن سؤال:
أنا عربيتي عاملة 126 ألف كيلو وعايز أغير الفلتر. ولما سألت محل اسمه السرساوي في أكتوبر قالي الاصلي ب 175 جنيه!! ده معناه أيه؟؟ هل ممكن يكون ياباني أصلي لكن مش من انتاج شركة تويوتا نفسها.
أنت رأيك أيه؟

الف مبروك

اقتباس:

---

المشاركة الأصلية كتبت بواسطة yosr

طيب ممكن سؤال:
أنا عربيتي عاملة 126 ألف كيلو وعايز أغير الفلتر. ولما سألت محل اسمه السرساوي في أكتوبر قالي الاصلي ب 175 جنيه!! ده معناه أيه؟؟ هل ممكن يكون ياباني أصلي لكن مش من انتاج شركة تويوتا نفسها.
أنت رأيك أيه؟

---

الاصلي مستحيل يوصل سعره ل 175 جنيه !!

اقل حاجة هتلاقيه ب 400 جنيه فيما فوق

وخلي بالك من الموضوع ده ضروري لانه بيفرق جامد وسعات المضروب مش بيركب اساسا !!

اقتباس:

---

المشاركة الأصلية كتبت بواسطة yosr

طيب ممكن سؤال:
أنا عربيتي عاملة 126 ألف كيلو وعايز أغير الفلتر. ولما سألت محل اسمه السرساوي في أكتوبر قالي الاصلي ب 175 جنيه!! ده معناه أيه؟؟ هل ممكن يكون ياباني أصلي لكن مش من انتاج شركة تويوتا نفسها.
أنت رأيك أيه؟

---

مفيش حضرتك محل قطع غيار تويوتا في اكتوبر اصلية
ومش عارف انتا قصدك على المحل الي في رنا مول
الي بيبيع قطع غيار مشكل تويوتا وهونداي وكيلو كونافة
هههههههههه
@@@@@@@@@@

مبروك. ياسيدنا الفلتر الجديد وموضوع مميز
تسلم ايديك

اقتباس:

---

المشاركة الأصلية كتبت بواسطة yosr

طيب ممكن سؤال:
أنا عربيتي عاملة 126 ألف كيلو وعايز أغير الفلتر. ولما سألت محل اسمه السرساوي في أكتوبر قالي الاصلي ب 175 جنيه!! ده معناه أيه؟؟ هل ممكن يكون ياباني أصلي لكن مش من انتاج شركة تويوتا نفسها.
أنت رأيك أيه؟

---

و الله اشك انه يكون الاصلى , لانى لفيت كتير جداا و اقل سعر لقيته كان 350 و طلع مش مزبوط عليه و رجعته و جبت بتاعها ب 400 بعد فصال ... مفيش حاجة اسمها يابانى درجة تانية ده على حد علمى و الله اعلم .....

اقتباس:

---

المشاركة الأصلية كتبت بواسطة me_doo15

مفيش حضرتك محل قطع غيار تويوتا في اكتوبر اصلية
ومش عارف انتا قصدك على المحل الي في رنا مول
الي بيبيع قطع غيار مشكل تويوتا وهونداي وكيلو كونافة
هههههههههه
@@@@@@@@@@

مبروك. ياسيدنا الفلتر الجديد وموضوع مميز
تسلم ايديك

---

الله يبارك فى حضرتك :)

على العموم شكرا على النصيحة وإن شاء الله أجيب الاصلي من الشرقاوي في جسر السويس أعتقد أن عندى الأصلي أصلي والتيواني تيواني.

انا لما كنت بشترى , الراجل قالى ان فيه حشوة بتتباع لفلتر البنزين بتمشيه شوية حلوين و بترجعه زى الفل , ب 100 جنيه .... بس انا قلت مش مهم , حضرتك ممكن تسأل عليها عند اى موزع معتمد و جربها مش هتخسر حاجة ..