بديل الذهاب الى التوكيل

**Badrowi** · 24-06-2008 12:58 PM

انا مواعيد شغلى بمتكنيش من الذهاب الى التوكيل فمن فضلكم اريد معرفة الكشوفات اللى بتتم فى التوكيل ومن المتخصص الذى يمكننى الذهاب اليه من ميكانيكى وكهربائى وغيرهم
ملاحظة: احنا عندنا فى دمياط مراكز لصيانة العربيات الكورى والبعض نصحنى بانى اروح هناك واعمل الكشف بالكومبيوتر بس ولو فيه مشكلة كبيرة اروح للتوكيل
وممكن اغير الزيت بره عادى عند اى حد واربط العفشة كمان برة او اضبط الكهرباء بره عند اى حد يكون بيفهم ويكون كويس

مع ملاحظة ان الضمان مش فارق معايا اوى ولكن المهم ليا هو صيانة العربية والمحافظة عليها

**ahmad--ezzat** · 24-10-2008 11:40 PM

لا حول ولا قوة الا بالله يعنى انت عايز تروح وتلف على ميكانكية
وتسيب الضمان انا مش عارف اقول حضرتك اية

**amirhamed** · 25-10-2008 01:06 PM

ما ينفعش لو عملت اي حاجة برة التوكيل تطلع من الضمان.
و لا قدر الله لو في عيب ظهر في العربية يبقى علية اعوض.

**waleedrahmy** · 26-10-2008 07:26 AM

ياجماعة يعني الراجل كل صيانة 5000كم يروح التوكيل في القاهرة ولا ابو رواش وهو من دمياط يعني مشوار جامد بص يل استاذ/Badrowi أنا من البحيرة وبروح وكيل دايو المعتمد في طنطا (أبو شادي موتورز او عيسي) أقرب لي ماروح القاهرة وخلي ابو رواش لو قدر الله في مشكلة في العربية وقطعة غيار عايزة تتغير