عرض للطباعة
اشتريت كروز 2010 استعمال طبيب وطلعت بيها على الطريق لقيت النقلة الاخيرة ( السادس ) توصل لل 160 و كمبريسور التكييف يفصل و العربية تنهار فقلت انقل غيار اقل ونزلت للخامس بكيك داون او بالاستيبترونك قامت العربية وصلت سرعتها لل 180 وحصل نفس الموضوع ....... ايه الحكاية
الحاجة التانية ان حساس الحرارة اللى بيشغل مروحة التبريد مابيشغلش السرعة الاولى وبيشغل التانية بس (العالية) اجيبه منين احسن التوكيل هيخرب بيتى
انا كسرت ال ١٨٠ و انا مشغل التكييف فمعرفش الكلام بتاع حضرتك ده عموما ولا لأ
حضرتك ازاي عرفت موضوع الحساس ده؟
الطبيعي بتاع الكروز إن الغيار السادس يوصلك لحد 180 - 185 تقريباً بعد كدة بتنزل لوحدها للخامس (سواء كنت أوتوماتيك أو ستيبترونيك) والأر بي إم طبعاً يزيد والعربية تاخد عزم وتكمل على الخامس لحد 200 - 205 ودا عن تجربتي مع العربية قربت على سنة دلوقتي من الزيرو لحد 30 ألف دلوقتي ولله الحمد ... بس موضوع التكييف إنه يفصل دا مش طبيعي - لأني بكون مشغله عادي وبوصل للوضع إللي شرحتهاقتباس:
المشاركة الأصلية كتبت بواسطة deephema
بالنسبة لموضوع المروحة مابتشتغلش اللا على السرعة العالية بس مابتشتغلش على السرعة البطيئة وده لاحظته وانا فاتح الكبود بتاعها وواقف جمبها و هى دايرة اما موضوع السرعة ده انا متاكد منه بس عربيتى الفئة الاولى فى الاوتوماتيك منغير جنوط او اي بي اس او ايرباج مش الهاى لاين ...... حضرتك عربيتك نفس الفئة بتاعتى و بتجيب ال 200 ؟؟؟؟؟؟
غريبه فعلا وعرفنا وصلت لايه
بس ازاي توصل 180 ع السادس وبعدين تنزل خامس وتكمل
انا عندى نفس الفئة مانيوال بتكسر ال 200 ..بس بسهولة تجيب 190 195
الكروز الاوتو 200 قفل ياباشا عالخامس
تطلع عالسادس تنزل 180
معرفش بقي هل الجنط هيفرق فالتوب سبيد ولا لأ
انا اتوماتك اول فئة وكسرت ال 200 عادي جدا !! بس منغير التكيف الصراحة
اعتقد الجنط الاصغر بيوصل لسرعه اعلياقتباس:
المشاركة الأصلية كتبت بواسطة titooooasg
والجنط الكبير بيزود العزم علي السرعات الاقل وبيكون عبء علي العربيه
دايما بفضل الجنط الاصغر عشان مناسب للطرق بتاعتنا وبيديك ميزه سعريه في تغيير الكاوتش عن الجنط الاكبر
كروز أي فئة سواء مانيوال أو أوتوماتيك بتوصل لـ 200 عادي وممكن تخطيها بحاجة بسيطة، ولكن بيحصل موضوع الغيار إللي أنا ذكرته فوق إنها بتنزل من 6 إلى 5 ولو عايزها تفضل على 6 يبقى ماتعديش 180اقتباس:
المشاركة الأصلية كتبت بواسطة deephema
مايفرقشاقتباس:
المشاركة الأصلية كتبت بواسطة titooooasg
هو حد عايز اكتر من 180 لية !
انا جايب بيها 210 بس من غير تكيف في طريق الأسكندرية وكنت انا والمدام وبنتي وشنطه متوسطة في الشنطه وطبعا طبعا لو مركب 4 بالغين هتجيب سرعة اقل من كده ولو الطريق مطلع برده السرعة هتقل ولو ماشي عكس اتجاه الهوا برده السرعة هتقل ! في مليون عامل بيتحكم بالسرعة وخاصة على السرعات العالية مثلا مقاومة الهواء بتتناسب مع مربع السرعة بعد سرعة 100 - 90 وقبل كده بتتناسب مع السرعة مش مربع السرعة و لومشغل التكيف طبعا بيسحب من الموتور وعمرك مهتكسر ال 200 مثلا !
الجنط الأكبر ده معمول من ماده وزنها أخف و بكده مشكلة الوزن راحت وكمان نتكلم على الحجم الواحد يقيس على القطر الخارجي للفردة هيلاقي الأتنين واحد و المختلف هوه الفردة من الجنب الحتة الي بين الجنط والأرض دي هيا الي بتقل وبكده يكون مفيش اختلاف في قطر الدوران الخارجي و اللفة من كل فرده من الي بجنط نفس الفرده ال 15 العادية :)اقتباس:
المشاركة الأصلية كتبت بواسطة abou-yahia
متشكر يا جماعة على المعلومات دى بس هل لما اغير زيت الفتيس السرعة تفرق ؟؟؟؟
السحب هوة الى بيفرق -اكتر لما تغير الزيت وفعلا الكروز اخرها 200اقتباس:
المشاركة الأصلية كتبت بواسطة deephema
انا غيرت زيت الفتيس ومحستش بفرق ! بالعكس غيرت وسافرت الأسكندرية حسيت ان العربية سحبها قل ! وسعات اكون ماشي 140 وادوس كيك داون الاقي صوتها يعلى و مافيش جري خالص !!! لما كنت ناوي أقف و ابيع العربية على الطريق !! احساس وحش لما تلاقي العربية بقت مخنوقة جدا و مفيش جري تماما !!!!!!!