رقم العضوية : 2655
تاريخ التسجيل : 17Oct2007
المشاركات : 1,555
النوع : ذكر
الاقامة : مصر
السيارة: .
السيارة[2]: Logan.
دراجة بخارية: .
الحالة :
اعتقد موضوع الحيره دا الكل مر بيه بس راى شوف انت عاوز عربيه مواصفتها عمله ازى وحدد تلات انواع وابدا ركز عليهم ودور على النت وربنا يوفقك
"ذلك من فضل الله عليناوعلى الناس ولكن اكثر الناس لا يشكرون"
الحمد لله
رقم العضوية : 50133
تاريخ التسجيل : 17Oct2009
المشاركات : 4,727
النوع : ذكر
الاقامة : Menofia
السيارة: Toyota Corolla 2001 1.3 A/T
السيارة[2]: Peugeot 301 M/T 2014
دراجة بخارية: لايوجد
الحالة :
هات مستعمل بس اكشف في التوكيل وفقط التوكيل لو فعلا عايز ما ينضحكش عليك ..
ومش مشكلة لما تدفع في الكشف 1 على 200 من تمن العربية ، احسن بكتير اوى من ما تلبس تمن العربية كله
وصدقنى لا العداد ولا نضافة الصالون ولا العفشة ، تقدر تخليك تحكم على العربية ، اقسملك بالله ، انا امبارح كنت بدور على عربية فيرنا ( وتقريبا كدة صرفت نظهر عن الفيرنا دلوقتى بس ما علينا يعنى )
المهم لقيت اعلان عربية لونها موف 2007 كاملة مانيوال ماشية على حسب ما قال 59 الف كيلو بس راشة برة نضافة كما يقال برضه ، وفابريكة جوة المفروض يعنى و تانى يد ومعاه توكيل يعنى الرخصة مش باسمه واستعمال سيدة
المهم رحت اشوفها ، اول انطباع عنها قبل ما اركبها انها نضيفة جدا فعلا ( من برة نضيفة والاجناب مظبوطة والاكصدامات مظبوطة والرش نضيف مش تعبان ، ومش واخدة معجون كتير والفوانيس نضيفة وكل حاجة نضيفة و الصالون نضيف والكراسى نضيفة جدا وفوقها فرش جلد في قماش جميل جدا )
ركبت العربية في الشوارع الجانبية وكنا اخر النهار والساعة 5 ، فطبعا الشوارع الجانبية اللى بلاحظه فيها العفشة فقط وصعب احكم على العربية او اجربها في حتت ضيقة زي دى ،بس كانت العفشة ممتازة ( طبعا مع الحالة العامة اللى باينة من برة ولما تلاقى العفشة كمان حلوة ، والكيلو متر المكتوب قدامك ممكن جدا تتخدع فيها )
المهم عشان ما اطولش عليك ، لحسن الحظ الراجل بيته جنب السيرفس سنتر بتاع هيونداى
فقلتله بقولك ايه انا هروح اكشف في التوكيل ولان الوقت كان متأخر استعجلت وللاسف ما اتفقتش معاه الكشف مين هيتحمله لو كان فيها مشاكل جوهرية في الاساسيات
انا قلتله الكلام ده بس بعد ما العربية دخلت فقاللى ياباشا ما تقلقش العربية اصلا زي الفل انت قلقان ليه !
وانا في طريقى للتوكيل حسيت بخنقة وتقطيع في الموتور قلت ممكن العربية مخنوقة وما بتتمشيش وطبعا استعمال سيدة وكدة ، فمحتاجة صيانة عادية ،
الغلطة اللى انا غلطتها انى ما فحصتش العربية بنفسى كويس ، رحت على التوكيل على طول عشان الوقت كان اتأخر وليلة رمضان و كدة
وياللصدمة بقى
تخيل العربية فيها ايه ..
مهندس التوكيل بيقوللى الموتور اللى فيها غريب جدا ، المانفولد مش بتاع هيونداى وحاجات كتير مختلفة ، وغطا التاكيهات بس هو اللى بتاع الفيرنا !
كبس الموتور 67% فقط والموتور مشكوك فيه انه مش بتاع هيونداى اصلا ودى كانت اكبر صدمة فيها!!!!!!
الفتيس غرقان في زيته
خبطة في فردة شاسيه يمين (خاذوق كبير جدا برضه )
ترحيلة في العجلة اللى قدام شمال ومأثرة على الزوايا ..
خبطة في السدر من عند المراوح ومردودة على البارد ..
عفرة في القايم الوسطانى شمال من تحت جنب الباب وشكلها غريب ( الورنيش بتاع البوية منقط مش شكل الفابريكة )
جميع خلوصات الابواب والرفارف والكبوت والشنطة مش مظبوطة ومغير رفرف شمال امامى
شحن الدينامو ضعيف
التكييف ضعيف
محتاجة شكمان كامل
العداد 59 الف طبعا مش ماشى تماما مع حالة العربية وبالاخص الموتور والشاسيه
الخداع كله في الصالون ونضافة الخوارج رغم انها راشة ، بس الرش نضيف جدا والعفشة الجديدة الخادعة ،
والبس ايها الزبون المحترم مبلغ وقدره في عربية مشيسة ومحتاجة موتور عشان لونها حلو وشكلها نضيف من برة ومن جوة والعفشة حلوة والعداد قليل (كذبا وزورا طبعا )
طبعا انا بقيت مذهول وتخيلت لو كنت لبست العربية دى انا كان ممكن يحصل لى حاجة
انا اخرى فيها كنت هكتشف عيب الموتور وانه مش بتاعها ( بس انا اللى استعجلت وما كشفتش بنفسى ) ، بس لايمكن كنت هطلع كل البلاوى التانية دى لوحدى ومكنتش هعرف ان الموتور 67% فقط !
ومكنتش هكتشف الخبطات في الشاسيه والسدر والدواسة وترحيلة العجلة الشمال
رغم ان عندى خبرة لا بأس بها في العربيات
فالخلاصة ما تتغرش بالشكل ابدا ابدا ولا بالعداد ولا باي حاجة
لازم تكشف في التوكيييييل مش في بنزينة ومش بنفسك ومش مجرد سمكرى فقط او ميكانيكى فقط
كشف التوكيل شامل وراااااااااائع جدا وبيشمل كل حاجة
وربنا يبعد عنا ولاد الحرام
المفضلات