اقتراحات لرحلة شهر العسل

**HISHAM80** · 24-06-2008 01:06 PM

انشاء الله هتجوز فى شهر عشره واخوكم محتار فى رحلة لشهر العسل يعنى عايز اقتراحتكم وياريت لو تجارب شخصية يعنى التكلفة والمكان وشركة السياحة وكنت بفكر اسافر ماليزيا حد عنده فكرة تتكلف كام وشكرا

**memo_hefnawy** · 24-06-2008 01:44 PM

أولا ألف مبروك و ربنا يتملك على خير

نصيحتى ليك (الأذواق تختلف من شخص لآخر) ممكن مكان يكون بالنسبة لحد تحفة و بالنسبة لحد تانى مقرف أو عادى و العكس

بالنسبة لماليزيا
(الكلام بناء على تجربة أقارب لى من الدرجة الأولى و الكلام ده من شهر تقريبا و زاروا العاصمة + أحد الجزر أقاموا فيها 7 أيام تقريبا)

البلد حلوة - السفر مرهق جدا جدا و الرحلة ملكفة

الفنادق مستواها أقل بكثير من مصر الخمس نجوم هناك هاتلاقى فيه حشرات وده بالنسبة ليهم شئ عادى لكن بالنسبة لينا ده قرف

القرود منتشرة جدا :) و ده شئ عادى

البلد كنظافة و نظام جميله جدا

الطبيعة ساحرة - لكن يعيبها إنك ممكن تلاقى شاطئ رائع لكن فى المقابل ماتعرفش تجلس عليه من بعض الحشرات الطائرة إللى بتقرصك فى رجليك

شلالات ...خضرة ....ماء ... تلال و سهول ....كل ده جميل

الخلاصة بلدك فيها أماكن لو روحتها هاتنبسط أكثر و توفر أكثر بكثير

عايز تسافر - يبقى إطلع قبرص - اليونان - إيطاليا ده رأيى الشخصى

**محمد المشد** · 24-06-2008 01:49 PM

طيب ما تقضى شهر العسل فى مصر احسن واوفر واجمل واديك تنفع بلدك سواء فى شرم الشيخ او الاسكندرية او الغردقة او راس سدر كلها اماكن جميلة والف مبروك

**Islam_galal** · 24-06-2008 03:12 PM

أنا روحت شرم و كانت رحلة جميلة
و في زمايل راحوا تركيا و انبسطوا جدا

(مش كنت تسألنا قبل ما تعمل فنفسك كده، عموما ألف مبروك)

**tayson54** · 24-06-2008 03:23 PM

المشاركة الأصلية كتبت بواسطة Islam_galal

(مش كنت تسألنا قبل ما تعمل فنفسك كده، عموما ألف مبروك)

**ahmedsamir79** · 24-06-2008 03:51 PM

مصر فيها أماكن في غايه الجمال

**Chicco** · 24-06-2008 03:57 PM

ألف ألف مبروك و يتمم بخير إن شاء الله
بص يا سيدي أنا شهر عسلي كان في تركيا و إنبسط جدا
مركزي كان في اسطنبول و طلعت كام رحلة لمدن تانية
البلد جميلة جدا و نضيفة جدا و أهلها طيبين و محترفين سياحة
الأسعار مقارنة باوروبا هايلة و ما أقلكش على الأكل التركي
على فكرة أنا رحت لوحدي و اتعاملت مع شركة سياحة هناك ...الموضوع سهل .....و السفر كان على الخطوط التركية .....كويسين برضه :)

**osama** · 24-06-2008 04:48 PM

شرم الشيخ بدون كلام

**HISHAM80** · 24-06-2008 05:34 PM

شكرا يا جماعه للردود وربنا يبارك فيكم طيب رحلة لتركيا تتكلف كام لمدة 14يوم تقريبا وشرم برده

**Ahmed Selim** · 24-06-2008 05:40 PM

المشاركة الأصلية كتبت بواسطة محمد المشد

طيب ما تقضى شهر العسل فى مصر احسن واوفر واجمل واديك تنفع بلدك سواء فى شرم الشيخ او الاسكندرية او الغردقة او راس سدر كلها اماكن جميلة والف مبروك

أختلف معاك فى دى يا أستاذ محمد

تكاليف الأقامة فى شرم والغردقة لمدة 10 أيام فى فنادق محترمة + تكاليف السفر
ممكن تخليه يسافر تركيا أسبوعين مثلاً و يفضل معاه فلوس كمان

يا باشا دا أوبروى سهل حشيش أقل حاجة فيه 1200 جنيه الليلة و من غير أكل كمان

بالنسبة لمالزيا أعتقد هتكلفك سفر + أقامة فى حدود من 6500 الى 8000 جنيه للفرد بس المشكلة أن البلد نفسها غالية
سنغافورة نفس الكلام

بس تايلاند نفس تكاليف السفر بس البلد رخيصة قوى يعنى مثلاً ممكن تاكل أكلة سمك وجمبرى واستاكوزا محترمة بحوالى 150 أو 200 جنيه لفردين.

أنا رحت مرة فى رحلة عمل فى سنغافورة و خدت أجازة أسبوع زيادة رحت فيه تايلاند
البلدين هايليين بس تايلاند أرخص بكتييير و الأقامة فيها فى فندق 4 نجوم بس نضيف جداً لمدة أسبوع للغرفة حوالى 1500 جنيه
الكلام ده كان من 4 سنين

الموضوع: اقتراحات لرحلة شهر العسل

LinkBack

أدوات الموضوع

عرض

اقتراحات لرحلة شهر العسل - انشر الموضوع فى :

-

-

-

-

-

-

المواضيع المتشابهه

خط السير لرحلة راس سدر (بالخرائط و الصور التوضيحية)

عايز اقتراح لرحلة في نص السنة

حد راح شرم فى شهر العسل

زى العسل ( بحث ميدانى )

مطلوب ايجار اتوبيس 50 لرحلة ايتام

الكلمات الدلالية لهذا الموضوع

المفضلات

المفضلات

ضوابط المشاركة