انا تعبت صوت النقر في الموتور بتاع الفيرنا مش بيروح ابد

انا كنت جايب مكنه استيراد وللاسف لبست فيها وكنت عامل موضوع بكده انا روحت للراجل ورفض ترجيع الموتور لان الورق بتاعوه جه الهم الميكانيكي غيرنا بلوف الزيت وظبطنا الدنيا وجينا ندور زي مكانت بردو وبيقولي هيه كده عادي بيقولي كل الموضوع ان المكنه خشنه شويه بقولو طيب ده من ايه بيقولي مش عارف على فكره الميكانيكي معرووف جدا في الحرفييين المهم غيرنا النهارده زيت وفلتر وكاتينه وكل حاجه وكانك يا بو زيد مغزيت ودفعت مصنعيه تاني اعمل ايه في الموتور ده انا عملت مشكله ومشيت خلاص بس انا مش عارف هيه حتقعد قد ايه انا عاوز احل موضوع النقر ده وشكرا

روح للمهندس هاني ميخائيل في مركز سبيد سيرفيس هيحللك المشكلة ان شاء الله

احتمال تكون حاجة دخلت الموتور حصلت معايا في لادا مسمار من الكربراتير كان مفكوك
المهم الموضوع ده عاوز ميكانيكي خبرة بيفهم يسمع الصوت يعرف هو جاي منين
شوف المهندس اللي الأخ أشرف إبراهيم قالك عليه و إن شاء الله خير و تتصلح :)

اقتباس:

---

المشاركة الأصلية كتبت بواسطة ashraf_ibrahim

روح للمهندس هاني ميخائيل في مركز سبيد سيرفيس هيحللك المشكلة ان شاء الله

---

ياريت تقلنا على المكان و التليفون

شكراا

اقتباس:

---

المشاركة الأصلية كتبت بواسطة unks

انا كنت جايب مكنه استيراد وللاسف لبست فيها وكنت عامل موضوع بكده انا روحت للراجل ورفض ترجيع الموتور لان الورق بتاعوه جه الهم الميكانيكي غيرنا بلوف الزيت وظبطنا الدنيا وجينا ندور زي مكانت بردو وبيقولي هيه كده عادي بيقولي كل الموضوع ان المكنه خشنه شويه بقولو طيب ده من ايه بيقولي مش عارف على فكره الميكانيكي معرووف جدا في الحرفييين المهم غيرنا النهارده زيت وفلتر وكاتينه وكل حاجه وكانك يا بو زيد مغزيت ودفعت مصنعيه تاني اعمل ايه في الموتور ده انا عملت مشكله ومشيت خلاص بس انا مش عارف هيه حتقعد قد ايه انا عاوز احل موضوع النقر ده وشكرا

---

كده اعتقد انه لازم حاتفك الوش و تكشف عليه احتمال يكون من الصبابات انا كان عندى صامولة وقعت من الكربراتير فى ريجاتا 100 اس و لوحتلى صباب و اضطررت لفك الوش و غيرت الصباب الملووح و ركبنا جوانني جداد و بقت انعم من الاول
روح لسبيد سيرفيس و قلنا عملت ايه

اقتباس:

---

المشاركة الأصلية كتبت بواسطة Ashraf_Ibrahim

روح للمهندس هاني ميخائيل في مركز سبيد سيرفيس هيحللك المشكلة ان شاء الله

---

صح جداً .. بيتهيألي مفيش حد غيره هيجيبلك الحل النهائي للموضوع ده

وبالنسبة لتفاصيل وعنوان ومعومات عن مركز سبيد هتلاقيها كلها هنا

http://www.nilemotors.net/Nile/28764...r-enghany.html

انا بشكركو على تعاونكم وان شاء الله حروح للمهندس هاني لان كنت اعرفوه ايام توكيل ابو رواش والف شكر