سؤال هل اليابان تبتكر تكنولجيا المحركات
ام انها تسرق عصارة فكر اوربا وتطورها وتنفذها
محتاج الاراء لنصل الى حقيقه من هو الصانع الحقيقى لتكنولوجيا للسيارات
عرض للطباعة
سؤال هل اليابان تبتكر تكنولجيا المحركات
ام انها تسرق عصارة فكر اوربا وتطورها وتنفذها
محتاج الاراء لنصل الى حقيقه من هو الصانع الحقيقى لتكنولوجيا للسيارات
موضوع جميل احييك عليه
والحقيقه هم كانوا في بداية مشوارهم الفني بيسرقوا تصاميم العربيات وبيقلدوا
زي مثلاً هتلاقي عندك اللكزيس تقليد مارسيدس وفي عربية عائلية عاملنها تقليد عربيات الجيمس الامريكي او الدودج ولا العربية الكراسيدة القديمة كان زمان بيقلدوا عملاق العربيات ايامها الفلفوووو ، لكن الحق يقال هما تفوقوا على جميع صناع العربيات @@@@@ وتحياتي .
ممكن زمان جدا
انما حاليا ومن فترة قريبة لا اظن
كنت اتمني يسرقوا حتي التصميم بدل تصميمات 2012
الي كلها استغراب
تحياتي
اليابان طول عمرها ملكة التكنولوجيا والتصاميم الجديدة والتطوير
made in japan
الكلمة دى الواحد كان لما يشوفها على حاجة ياخودها وهو مغمض
اليابان من قديم الازل متطورين جدااااااااا وكانت مصدر قلق للدول الكبيرة زى امريكا ودول اوروبا
عشان كدة ضربوها بقنبلة هيروشيما الذرية لتعجيزها تماما
ولكن سبحان الله فى عشر سنين تقريبا البلد دية كانت راجعة بقوة وفعلا بقت من افضل صانعين العالم فى كل حاجة ( اجهزة خفيفة - معدات ثقيلة - محركات - ابتكارات )
لحد دلوقتى انا لو قدامى حاجة فعلا made in japan و اى حاجة تانية هختار made in japan فورا لان الناس دية مابتهزرش فى اى حاجة وفكرهم عالى اوى
و انا كمان
انا مش هقدر اقولك يا ابو حميد
انك لما بتنزل تشترى كاسيت ولا اى حاجه بتجيبها
made in japan
^_^
صاحب الموضوع بيتكلم صح....والعربيات الياباني ٩٠ في المية منها أشكال مضروبة من الأروبي والأمريكاني .....وده حتي يومنا هذا ....
ولما بيحبو يعملو حاجة علي ذوقهم تطلع عربيات شكلاها غريب زي تويوتا ايكو ، سوزوكي جيمي ..
لاكن هما ملوك تطوير التكنولوجيا والقضاء علي عيوب التصنيع ورفع كفائة المنتج بدرجة غير عادية ....
اليابان حصلها طفرة في صناعة السيارات بسبب انها كانت بتصنع عربيات صغيرة في الوقت اللي حصل فيه ازمة البترول سنة 73 في الوقت اللي كانت اوروبا و امريكا بتصنع عربيات كبيرة الحجم و الاستهلاك ... و ده اللي خلى العالم يختار السيارة اليابانية لأنها كانت الارخص و الاقل استهلاكا في الوقت ده ....
بالظبط زي الصين دلوقتي ........... عايز جيب رخيصة هات تيجو ....
الصدفة كانت ليها اليد العليا .... و همه استغلوا الموقف في تطوير و تحسين الصناعة في وقت قليل ...
و شوف موديلات 73 و قارنها بموديلات 75 مثلا او 80 هتلاقي فرق كبير .... و شوف جينيرال موتورز او بي ام في نفس الفترة و هتلاقي ان التطور خد وقت كبير لحد ما قدروا يصنعوا سيارات صغيرة .... زي بي ام الفئة الاولى و مرسيدس aو غيرهم ...
:) GT-R Defines What The Japanese Car Makers Are Able To Produce .. Not a Silly Jeanesez :D sorry I Just Can't Waste My Time Trying To Spell Hoyundai's car's name :d , Have a Good Day :)
سؤال --من هو صاحب ابتكار نظام الحقن الاليكترونى
اليابان دولة متقدمة صناعيا و تكنولوجيا بمراحل عن دول أوروبية عتيقة كتير .............. دي حقيقة .
اليابان دولة مبتكرة و شعبها عاشق للعمل و النشاط .
عايز بس أقولك على حاجة
في بداية أي صناعة ........ من الغباء أن تبدء من الصفر .
يجب أن تبدء من حيث أنتهى الآخرون .
=============
لما الحضارة الاسلامية قامت
قامت على الترجمة و جمع المعلومات و العلم من كل المسلمين الجدد
من مصر و آسيا و شمال أفريقيا و الشام و اليونان ............ و بعدين أصبحت أمبراطورية علمية و كانت تقريبا الأوحد في وقتها .
أيامها أوروبا كانت في البلالة ........ بيحاربوا بعض و كانوا عايشين العيشة اللي أحنا عايشنها دلوقتي تقريبا .
و لما أسترجعوا أسبانيا و البرتغال
أخدوا معاها علوم العرب بعد ما ترجموها للغاتهم .
و بعدين طوروا عليها . ووصلوا للي هما فيه دلوقتي .
ده اللي عملته أمريكا لما أخدت فكرة المحرك البخاري من أوروبا .
و بعدين أوروبا أخدت فكرة شكل السيارة الحديث من فورد الأمريكية.
و بعدين الأوروبين تطوروا قوي
و بعدين اليابان أخدت الفكرة المبدئية من اوروبا
و بعدين أصبحت بتعمل تطوير بنفسها .
و دلوقتي داخل كوريا و الصين
مفيش اللي أحنا اللي قاعدين نتكلم عن أنجازات العالم و بنتفرج من بعيد .
اليابان و فرنسا بيتنافسوا مين يعمل أسرع قطار و معاهم ماليزيا و الصين .
و ناس بتبعت صواريخ للفضاء ........ و ايران دخلت معاهم .
و أحنا بقى دهنا الهوا دوكوا .......... و خرمنا التعريفة ........وحلاناها ربع جنيه :tongue:
تسلم ايدك يا توت باشا ..
شكرا يا باشا ....... تسلم
أعتقد يا ألمانيا ....... يا السويد .... مش متأكد .
على فكرة أنا لسة شايف السؤال ده حالا ... :B4_611:
بس مش لازم أول واحد أخترع الشئ يكون أفضل واحد .
أول من أخترع التليفزيون ..... هو مهندس أسكتلندي ....... و لكن أشهر صانع هو اليابان و كوريا الجنوبية .
أول من أخترع الصاروخ هي الصين و لكن أشهر صاروخ و أكفء صاروخ هو الصاروخ الروسي .
أول من أخترع الكباسات (البساتم ) هم المسلمين و العرب في أسبانيا و لكن الأوروبيين أستغلوا الأختراع في أبتكار المحرك البخاري .
أول من أخترع أو أستطاع أنه يبني مداخل المنازل و المعابد على شكل دائري هم المصريين القدماء .
و لكن تعالى بُص على المصريين الحدُثاء ........ أحداث بعيد عنك ... :fdsa: