عرض للطباعة
السيارة دايو لانوس 2008 ماشية 53 الف كم
عندي مشكله في الغيار التاني بس و كل باقي الغيرات شغالة كويس وبسهولة
وخاصة لما اكون علي سرعة عالية وغيار عالي ثم اهدي لاي سبب بعد كده اجيب التاني مايجيش غير بالعافية وساعات مايستجبش خالص واضطر اجيب الاول
لكن لو طالع من الاول ثم التانى بيبقي التاني تقيل شوية لكن بيستجيب
ارجو الافادة من اساتذة المنتدي..
ورمضـــــــان كريــــــــــــــــــــــ ـــــــم
.
...
........
............
..........
........
......
....
.........
مجموعة التانى فيها مشكلة... تحديدا الاجزاء المسئولة عن معادلة سرعة التروس مع بعضها
MMamdouh
ممدوح باشا شكرا علي الرد
طب المشكله ديه مالهش حل ؟؟؟ خاصة انى حاسس ان الموضوع بيزيد سواء
أستاذ ممدوح ,ممكن الغوايش ؟!
انا بأسأل لاني عندي المشكله ديه في الاكسنت
انا عايزك يا محمد تضيف في توقيعك كلمتين ,
((مات الكلام))
علشان بتجيب من الآخر
نفس الشكله مع الاكسنت معايا
بس ساعات التانى بيجى بمنتهى السلاسه لو جبته زى بتوع الميكروباصات
بص انا مش خبير اوى فى الفتيس و قولت تحليل نظرى... بس فى الغالب هتحتاج تغير مجموعة التانى و دى معاها مجموعة الاول لان حسب ما افتكر الاتنين على عامود واحد و طبعا دة هيتطلب فك الفتيس خالص و اخراج محتوياتةاقتباس:
المشاركة الأصلية كتبت بواسطة wael_power
الموضوع عايز واحد متخصص دا غير تكلفة المجموعة المطلوب تغييرها و المصنعيات... اعتقد الاسهل تغير الفتيس بواحد استيراد نضيف فى حدود 600 جنية
اسال الاول على المجموعة دى بكام و تكلفة تغييرها كام و بعدها قرر هتعمل ايه بالضبط
MMamdouh
اعتقد الغوايش لو فيها مشكلة الفتيس هيرجع للمور لوحدة لما تدوس بنزين بس انا مش متاكد دة العرض الوحيد لمشاكل الغوايش لوا لااقتباس:
المشاركة الأصلية كتبت بواسطة Kareem.ElAraby
MMamdouh
ربنا يخلليك ليا يا باشااقتباس:
المشاركة الأصلية كتبت بواسطة Akram
MMamdouh
اقتباس:
المشاركة الأصلية كتبت بواسطة MMamdouh
ههههههههههههههههههههههههه هههههههههههه
شوف جرب تغير الزيت -بزيت خفيف -85 -90- وتعمل رجلاش للعصايه
لو منفعش ارميه واشترى واحد استيراد
الحمد لله اتحلت المشكلة وحلها كان كالتالي
اول ماروحت للميكنيكي قالي اغسل الفتيس والحوض الاول لانه كان مليان رمال بزيت لازق علي كل الاجزاء المتحركة للفتيس بعدها الغسيل لاقيت الموضوع اتحل بنسبة 30%
قولت خير جريت علي الميكانيكي وقالي ده احتمال العقربة فيها بوش وعايزة تتغير ,قولتلو مافيش رجلاش ليها قالي في بس مايفضلش يتغير عن وضع الفابريكة " حسيت انه مش فاهم قولته هاجيلك بعدين
قولت اغير زيت الاول وغيرته بس ماحستش بفرق في الغيارات لكن العربية باقيت انعم شويه
بعد كده روحت لميكانيكي تانى في اقل من دقيقة جاب مفتاح 12 وظبط رجلاش العصايه بعدها لاقيت الغيارات زي المياه قولت الحمد لله..
بس انا ليا سؤال هل الرجلاش ده حل مسكن ولا لازم تتغير العقربة زي ما الميكانيكي الاولانى قالي ؟؟
وشكرا جزيلا
مبروك ياباشا.. وانا كنت داخل أقول ان دى مشكلة رجلاش وكانت عندى وحلها سهل جدآ
ممكن يكون الخابور بتاع العقربة عامل بوش و دة السبب انها محتاجة تترجلش
MMamdouh
شكرا يا كبير علي الرد وشكرا لكل رجاله المنتدي
افهم من كده ان العقربة المفروض تتغير دلوقتى علشان ماتأثرش علي الفتيس؟ ولا اسيبها لحد مايحصل حاجة تانى..
وعايز اعرف كمية الزيت المطلوبة للفتيس لأن الراجل حط ال2 لتر وانا كنت سمعت في المنتدي هنا ان الفتيس بياخد 1.8 لتر, فهل الزيادة ديه ليها خطر علي الاولسيهات ويجب انى افرغها ولا مافيش مشكله منها؟؟؟
أسلم حل إنك ترجع للميكانيكي وتحط العربية علي المجري (عشان بيكون مستوي) ويفتحلك طبة القياس...لحد ما الزيت ينزل بسيط اوي ( سرسوب ) وتقفل تاني وشكرااقتباس:
المشاركة الأصلية كتبت بواسطة wael_power
لو الخابور مبوش بيتغير و بيركب مكانة مسمار 10 بالصامولة و مش بتحتاج تغير العقربةاقتباس:
المشاركة الأصلية كتبت بواسطة wael_power
بالنسبة لزيت الفتيس فا فية طبة مستوى للزيت جنب الكوبلن اليمين الداخلى... فكها و انت واقف على ارض مستوية تماما و خللى الزيت الزيادة ينزل و ركبها تانى
MMamdouh