الموضوع: بيتنا اللى فى الريف اتسرق وعايز اركب كاميرا

السلام عليكم ورحمة الله

بيت والدى اللى فى البلد محدش قاعد فيه واحنا بنروحه كل شهر مرة مثلا، المشكلة انه فى وسط الاراضى الزراعية ومفيش ناس ساكنة حواليه كتير وفيه حرامى او حرامية ماسكينه وكل شوية يدخلوا ويقلبوا البيت براحتهم.

بفكر فى تركيب كاميرا مراقبة ليلية بحيث انها تصور فقط لو حد دخل البيت وتبعتلى صورة للحرامى على الموبايل بس تكون مخفية عشان الحرامى مش يقلبها هى كمان :)

وبفكر فى جهاز التصنت اللى بيتصل بيا لما يكون فى صوت حواليه عشان لو كده اقدر اتصل بالشرطة تروح بسرعة على البيت تقبض على الناس.


ياترى ايه مقترحاتكم واقدر اشترى الحاجة دى منين وايه رينج الاسعار؟؟؟