سؤال للناس اللي كتبت قايمة قبل الجواز

**Screenplays** · 17-07-2012 03:20 PM

المشاركة الأصلية كتبت بواسطة احمد المصرى

حضرتك عندك اخوات بنات

ايوه ... حضرتك بتسأل ليه ؟

**BESO516** · 17-07-2012 03:25 PM

بلاش ان اول كلمه اتقالت قبل ماروح اخطب ( ربنا يسامحها بقى ) القايمه هيتكتب فيها ايه وكان اول كلامهم معايا عن القايمه قبل قرايه الفاتحه نتفق عليها ( تخيل انت بقى ) بس الحمدلله نفدت

**Screenplays** · 17-07-2012 03:31 PM

الحمد لله و محدش بيتعلم ببلاش

**شريف** · 18-07-2012 09:12 AM

المشاركة الأصلية كتبت بواسطة أبو إياد

اقسملك بالله ماعرف مكتوب فيها ايه رغم ان حمايا كان مصمم اقراها بس الموضوع مش تجاره ولقدر الله لو حصل مشكله مش هابص ايه اللى هاخده وايه اللى هاسيبه
بس لازم يكون فى شياكه فى التعامل ياعنى انا القايمه دى جاتلى بعد جوازى باسبوع مش زى ما باسمع ان فى ناس بتصمم على القايمه قبل كتب الكتاب

زي منتيمقدم حسن النيه ليه هما كمان ميقدموهاش ؟
حلو موضوع الشياكه بس لو تحس ان لو مش كده و الموضوع خرج برا الاخد و العطا الي ماي واي اور زا هاي واي

المشاركة الأصلية كتبت بواسطة mailo

شوف يا سيد
موضوع القايمة ده اتفتح قبل جوازي باسبوعين وكنت هفركش بسببه وللعلم أنا مكنتش عايز أختي يتكتبلها قايمة ولا والدي ولولا عمي الكبير هو اللي كتبها ومضي العريس عليها وجابها ماكانتش حصلت

بس هي كلمة الوالد قالهالي حكمة بعد ماكبرت الموضوع

اللي بيجيب اخره وعايز يسيب بيسيب و لو بفلوس الدنيا كلها ومش هتفرق معاه يبيع هدومه حتى المهم يخلص

طب ايه الحكمه من وراه - مش هو في مؤخر و ده بتاخده الزوجه عند الانفصال طب لزمته ايه القايمه علشان يتكتب في اخرها ١٥٠ او ٢٠٠ الف و بيبقي ممكن يدفعهم لو فكر يطلق و ليه؟ الناس نسيت و تسريح باحسان - ازاي بيق و عيبقي انا مطالب ان اسدد مبلغ زي ده لان اكيد محتويات الشقه مش هتبقي كامله و بحالتها عند الجواز و الدهب كمان سهل اخفائه

المشاركة الأصلية كتبت بواسطة أحمد كمال

انا في عيلتنا لا بنكتب قوايم و لا بنخلي حد يكتب لنا قوايم

القايمة حبل مشنقة بتلفه حوالين رقبتك

لو حصل مشاكل اول حاجة هتخرج بالدهب (لابساه او في شنطتها) و تتهمك بتبديده

العفش هينزل و انت في شغلك و هتتهم بتبديده

القايمة اصلا مكتوب فيها انك استلمت الحاجة و مسؤول تردها بحالتها (انسى بقى الاهلاك و الاستعمال)

الفواتير بتاعة الحاجات ممكن يتقدم اي فواتير لاي حاجة تخلي صاحبتها او قريبتها تشتريها و انت تلبس لو المحامي بتاعك ما عملش جحد

من الاخر البنات على قفا من يشيل و هيموتوا و يتجوزوا و مش لاقيين عرسان ...... اللي مش عاجبه ....... Next !

كلامي ممكن ما يعجبش حد بس للاسف ما ينفعش تربط حبل مشنقة حوالين رقبتك

و قبل ما حد يقول لي داين تدان و بتاع ....... انا عمري ما هاستعمل قايمة بنتي او اختي اني اذل جوزها و اسحله ....... لو هو اذاها يغور شوية الخشب في داهية ............

هو لو اتكتبت كل الفواتير باسم البنت مش ده يغتي عن القايمه برضه ؟

المشاركة الأصلية كتبت بواسطة screenplays

اول مره اسمع عن موضوع القايمه ده الا في مصر

موضوع القايمه بيحسسني ان الواحد رايح يشتري تلاجه كريازي بالتقسيط مش رايح يتجوز

يعني الاب يأمن للشاب علي بنته و مش مأمنه علي شويه فلوس ؟

لا حول و لا قوه الا بالله

الناس بقي طبع الانانيه فيها و مصلحه بنتي و باي طريقه - بس اللي بيتقي الله في معامله ابن الناس برضه مبقاش ليه وجود

المشاركة الأصلية كتبت بواسطة احمد المصرى

حضرتك عندك اخوات بنات

المشاركة الأصلية كتبت بواسطة phantom0xx0

متجوز من 12 سنة و محصلش كلام أصلاً عن موضوع القايمة
مفيش حد من العيلة أو عيلة مراتي بيعمل قايمة
أصلاً موضوع فاشل و ملهوش أي لازمة ، ازاي تبدأ حياتك ببيع و شراء
امساكن بمعروف أو تسريح بإحسان

المشاركة الأصلية كتبت بواسطة dodo2000

انا شايف ان موضوع القايمة عدم احترام للراجل و قلة قيمة و قلة تقدير
وبعدين الى خايف على بنته علشان كده بيكتب العريس القايمة ما ممكن جوزها يبهدلها و يطلع عينه و عينها لحد ما يتنازلو عن كل حاجة

طب حد يقول ايه اللي اهل البنت بيبقوا عايزينه و ايه هدفهم من كتابه القايمه دي ؟ ورقه يهددوا بيها الولد لاي سبب بعد كده لو جب يطلق ؟

**شريف** · 18-07-2012 09:17 AM

المشاركة الأصلية كتبت بواسطة احمد المصرى

ربنا معاك ان شاء الله

واضح ان الاعراف و التقاليد و الجزء اللي اهل البنت بيجيبوه بيخلي من حقهم بسيطروا علي الولد و يبيعوا و يشتروا فيه
و ايه نسبه اللي هيدفعوه قدام كل حاجه الولد عملها ولا شي

المشاركة الأصلية كتبت بواسطة mado83

الافضل انها تتكتب بما يرضى الله يعنى اللى جه يتكتب وبس

المفروض بما يرضي الله فعلا مش كل حاجه عفش و مطبخ و اجهزه كهربائيه ناقص يكتبوك انت شخصيا كمان و الهدف من ده كله اعتقد نعليه قيمه القايمه فقط

المشاركة الأصلية كتبت بواسطة dodo2000

انا شايف ان موضوع القايمة عدم احترام للراجل و قلة قيمة و قلة تقدير
وبعدين الى خايف على بنته علشان كده بيكتب العريس القايمة ما ممكن جوزها يبهدلها و يطلع عينه و عينها لحد ما يتنازلو عن كل حاجة

طب الراجل يعمل ايه علشان يرفض الموضوع ده ؟

**شريف** · 18-07-2012 09:19 AM

المشاركة الأصلية كتبت بواسطة beso516

بلاش ان اول كلمه اتقالت قبل ماروح اخطب ( ربنا يسامحها بقى ) القايمه هيتكتب فيها ايه وكان اول كلامهم معايا عن القايمه قبل قرايه الفاتحه نتفق عليها ( تخيل انت بقى ) بس الحمدلله نفدت

انا متخيل لانني في نفس الموقف
قبل قرايه لفاتحه ولا و ايه و اتاجلت كمان علشان والدتي قالت انني متدايق من الموضوع ده لوالدتها و عايزين يعرفوا ناوي علي ايه ؟

**Ahmed A Rahman** · 18-07-2012 09:25 AM

مكتبتش قايمة خالص

ومجاتش سيرتها في الجواز ولا في سنتين خطوبة

وانا اللي فتحت الموضوع في يوم الجواز واتقالي احنا بنأمنك على بنتنا اللي هي اغلى حاجه عندنا

وعشان الكلمة دي شايلهالهم على دماغي لحد دلوقتي

وحتى في جواز اختي مكتبناش قوايم وفيه عفش هيه متجوزه بيه كان بتاع العريس لانه كان خاطب قبلها وفركش

وعادي اتجوزت بالعفش اللي هي مش منقياه وغيرته بعد الجواز بكذا سنة

عادي لا مؤاخذة مش حبة عفش اللي حيربطوني ولا حيربطوا جوز اختي

وعشان كده الحمد لله عنده وعندي

**أحمد كمال** · 18-07-2012 10:32 AM

المشاركة الأصلية كتبت بواسطة شريف

هو لو اتكتبت كل الفواتير باسم البنت مش ده يغتي عن القايمه برضه ؟

دي المحامي ممكن يلعب فيها و يقول ان دي فواتير لا تخص عفش الشقة ..... القايمة انت ماضي على نفسك و موضح و محدد

المشاركة الأصلية كتبت بواسطة شريف

طب الراجل يعمل ايه علشان يرفض الموضوع ده ؟

زي ما قلت في رد سابق .... ما باكتبش قوايم ....... ما رضيوش ...... Next البنات ما خلصتش ........

المشاركة الأصلية كتبت بواسطة ahmed a rahman

وحتى في جواز اختي مكتبناش قوايم وفيه عفش هيه متجوزه بيه كان بتاع العريس لانه كان خاطب قبلها وفركش

وعادي اتجوزت بالعفش اللي هي مش منقياه وغيرته بعد الجواز بكذا سنة

عادي لا مؤاخذة مش حبة عفش اللي حيربطوني ولا حيربطوا جوز اختي

و أساسا نربط ليه ؟؟؟؟؟؟ انا مش فاهم ...... نفترض اتنين ما بقوش طايقين بعض ...... ننفخه و نقعده معاها بالعافية؟

**تامر.محمد** · 18-07-2012 10:56 AM

المشاركة الأصلية كتبت بواسطة شريف

السلام عليكم

سؤال للناس اللي كتبت قايمة قبل الجواز او بالاصح كام سؤال
1- انت كتبتها برغبتك ولا مجبر
2- ايه اللي مكنتش عايزة يتكتب فيها
3- ايه المشاكل اللي عملتها القايمه قبل و بعد الجواز
4- هل المرأة بتغتر بموضوع القايمه و ان الراجل ميعرفش يفرفص و مربوط و الكلام دة
5- هل ندمت علي كتابتها
6- اي تفاصيل قد تأتي ببالك

1- كنت افضل ما اكتبش , بس في الحقيقة اصل القايمة اعتبار ان العفش اللي هما جابوه مهر ( انا ما دفعتش مهر)
الاصل في الشرع انك بتفرش البيت و بتدفع مهر كمان , في الحالة دي طبعا مافيش حاجة اسمها قايمة
ما دفعتش مهر , هنا في مصر بيحسبوه انه العفش اللي هما جابوه
انا لو اقدر ماديا كنت تكفلت بكل حاجة و ما عملتش قايمة

2- الدهب و الصيني , الدهب ما اتكتبش و الصيني اتكتب بعد خناقة

3- الخلاف على الدهب و الصيني عمل مشكلة ايامها :)

4- لو بنت ناس ولا هاتفرق معاها

5- لأ

6- اهم حاجة ما تسمحش ان حاجة تتكتب باكتر من قيمتها , و ما تكتبش الدهب بالذات