الناس اللى بتحكى عليهم بتوع العالمية والسوليتير دول بتلاقوهم فين ما البنات حوالينا اهم وطلباتهم عادية جدا واقل من العادى كمان -سبحان الله
عرض للطباعة
الناس اللى بتحكى عليهم بتوع العالمية والسوليتير دول بتلاقوهم فين ما البنات حوالينا اهم وطلباتهم عادية جدا واقل من العادى كمان -سبحان الله
انا مش داخل اناقش فالموضوع لعدم درايتى بيه قوى
بس ما استوقفنيش غير كلام الاستاذه azmeralda
-- طالما كده كده العفش المستعمل بيتباع تراب ومش بيجيب بي ام .. بدايه ايه بقى وحياه كريمه ايه اللى هتعيشه بيها هى وولادها ..
-- ارجو انك تتعبى شويه وتسئلى اكتر عن طلبات الاسر والبنات التعجيزيه
وكان فى موضوع لscreenplay عن تجربه واحد صديقه بس للاسف مش فاضى ادور عليه
وانا مش بعمم فأى حاجه ززلكن كل قاعده وليها شواذ
الأخت أزميرالدا
الراجل في القانون المصري متظبط خلقة و مش القايمة اللي هتظبطه ......... بلاش احكي لك عن القوانين اللوزعية اللي حطتها المحروقة باذنه تعالى بنار جهنم سوزان ثابت
القصة اللي حضرتك بتحكي عليها بتاعة خطيبته السابقة حصلت كام مرة (ده راجل قذر و خسارة فيه كلمة راجل اساسا) ؟ في مقابل كام راجل اتكتب قايمة باضعاف السعر الحقيقي تعجيزا و مجرد ما يرفع صوته بس يروح الشغل يلاقي العفش اتسحب من الشقة و بلاغ تبديد ضده و يا الدفع يا الحبس بتهمة خيانة الامانة (مخلة بالشرف على فكرة)
المؤخر على فكرة دين على الراجل في حياته قبل مماته و بدون طلاق و واجب السداد عشان كده رجالة كتير بتقلل فيه مش عشان لو طلق لأ عشان ده دين ....... ما ينفعش يبقى مثلا مرتبي 5000 و اكتب مؤخر 100 الف جنيه و لا ربع مليون طيب اسدد منين ؟؟؟؟؟؟؟؟؟ ماهو دين عليا اتداين بما لا استطيع دفعه ليه؟
بالنسبة لطلبات الاهالي : يا اما حضرتك كل معارفك و صاحباتك محترمين بزيادة جدا هما و اهاليهم ........ يا اما هما بيطلبوا الطلبات اللوزعية و هما - ببراءة الاطفال - فاهمين ان ده العادي و اقل من العادي
على فكرة مش شرط يكون صاحبتك المطلقة اللي معاها البنت طليقها ساب العفش عشان القايمة ....... ممكن سابه عشان هو محترم ......
اساسا الراجل اما بيطلق مشكلته الكبيرة بتبقى الشقة مش العفش لو هو شرير بجد هيرميها في الشارع مش هتبقى مشكلته كام حتة خشب لان الراجل ببساطة شديدة كائن عملي يعني لو مرتبة عالارض و كام شماعة للهدوم عالحيطة بيبقوا كفاية ليه !
الخلاصة ....... القايمة تخوين من الاول ........ و قرف و هم ما يتلم ........ و لو هنمشي بنفس المبدأ يبقى قبل الجواز نتفق في حالة الطلاق النفقة كام و نمضي العريس عليها بالمرة بقى !!!!!!!
هدوا اعصابكم شوية
اهدى يا عدو المرأة :-))
الموضوع بسيط جدا يا جماعة
اللى مش عاوز يكتب قايمة يمشى حسب الشرع
يفرش الشقة بالكامل ويدفع مهر للعروسة وده طبعا مش هتصرف منه عالشقة ولا تجهيزه
وكده يبقا لا خونته ولا خونها
لكن لما يبقا المهر من حقها وشرع ربنا وانت مش هتدفعه
وكمان هى هتفرش معاك الشقة اللى مفروض تفرشها لوحدك وكمان تدفع مهر يبقا اقل حق ليها انك تكتب قايمة بدل المهر اللى خد بالك انها مشاركة فيه برضه وده مش فرض عليها
هو ساب العفش عشان القايمة طبعا هو لو محترم كان ساب بنته مرضيش يصرف عليها مع ان مسافر بره ومرتبه كويس جدا
وقصص الطرفين كتير هتلاقى من هنا ومن هنا
وصحيح العفش ملوش قيمة قوى لأنه مستعمل بس هى هتتطلق وكمان تروح تشترى عفش واجهزة كهربية عشان تقعد عليها بنتها
الأفظع ان صاحبتى دى كمان مامتها جه لبيتهم قرار ازالة يعنى من الآخر لولا انها كانت حاضنة كانت اترمت فى الشارع ومرتبها ميكفيش تدفع ايجار شقة وتصرف عالبنت
وبعدين هيرميها فى الشارع ازاى مش الحاضنة ملزم بالقانون يوفر لها سكن وبعدين هى اشترت عفش بفلوسها ومش واجب عليها يبقى لازم تضمن لها حقها فيه ودهبها كمان لازم حاجة تضمن لها انها متصحاش الصبح تلاقيه اتصرف فيه من غير ما يسألها
ولو هنعتبر ضمان الحق تخوين انت بتخون صاحب الشقة لما بيبقى فى بينكو عقد ووصولات ايجار وبتخون صاحب عملك لما بتكتبوا عقد وبتخون اللى بتشترى منه اى حاجة بورق
ولو هو كويس يبقى وجه الخوف الوحيد انه يقع فى ناس بشعة قوى زى ما انتو بتحكوا كده هينزلوا العفش ويتهموه بتبديده ودى شفتها كام مرة فى الحياة بنسبة 1 فى المليون جايز عشان زى ما بتقول كل اللى اعرفهم ناس محترمين
وحلا للمشكلة اللى مش عاوز يكتبها يروح لناس مبيكتبوهاش وخلاص ميخشش فى نقاش معاهم واللى اوله شرط اخره نور
ويكتب ليه القايمة باضعاف ما يكتب اللى هم جابوه بالضبط
وحكاية المؤخر لأ مش عشان هيدفعه يعنى واحدة صاحبتى اصر يكتب 2000 ج بس عشان ميدفعش للمأذون وتلاقى فى مقابل ده بيوافق يكتب شيك لكن ميديش المأذون الافات
والراجل فى القانون المصرى متضبط ازاى ؟؟ياريت تشرح لى
يعنى لو واحدة اتجوزت واحد دلوقتى وبلاش ننقول كان وحش من الأول اهى النفوس بتتغير ومكنتش كاتبة قايمة وكاتبة مؤخر بسيط وقرر يطلقها وخد العفش ورجع الشقة الأيجار المؤقت لصاحب البيت مثلا- ايه اللى هيحصل بالضبط؟
وبدل ما اتعب انا واسأل عن الطلبات التعجيزية ما تيجوا انتو تتقدموا لأصحابى ومعارفى: )
طالما البنات الوحشين عندكو والرجالة الوحشين عندنا هنا : )
وبعدين الطلبات بتتفاوت من مكان لآخر يعنى اسمع ان فى القاهرة مبيتكتبش قايمة والشبكة فى حدود 5000 بينما فى المنصورة بيتكتب قايمة والشبكة من 15 ل 30
ودايما هيكون فى ناس مستواها عالى هتطلب سوليتير وشقق غالية طب اللى مش من مستواهم يروح يتقدم ليه
ووتلاقى بنت اخلاقها كويسة وطلباتها كويسة بس هو يطلع اى حجة وخلاص يعنى واحد كان بيشتكى هنا عالمنتدى برضه وجبت له عروسة صاحبتى مؤدبة جدا جدابنت ناس ودكتورة وقبل ما يجى يشوفها اتردد ويقول السبب ايه اصل قعدة ليه لحد 24 سنة من غير جواز !!! اصل (رغم انها موافقه تعيش فى القاهرة) اصل انا كده هبعدها عن اهلها واى حجج فى اى اتجاه!!!
ولو هتحكى عن قصص من هنا عالمنتدى طب ما تشوف اللى اتقدم لواحدة على كلامه بنت اصل ومؤدبة وجميلة بس متردد عشان جمالها مش خارق وحاجات تعل من دى كتير
وبعدين لو ركزنا هنلاقى فى مشكلة فى الجواز وتاخر سن ورغم كده معظم الناس بتصر على القايمة والحاجات دى يبقى ليه عشان شايفين حواليهم الاف الحالات اللى بنت اتظلمت واتكتب عليها تعيش مطلقة بعيال بعد سنة ولا اتنين جواز واكل عليها حقوقها وبهدلها فطبيعى يترعبوا على بناتهم
المفروض شرعا انك تاخد العروسة بالهدوم اللى عليها و انت اللى تجيب كل قشاية ليها و كل العفش و الشبكة و خلافه.
لو العروسة و اهلها ساهموا فى الجهاز يبقى لازم تكتبلها قائمة علشان دى حقها، زى المهر و المؤخر اللى حقها تطالب بيه حتى اثناء الزواج و يعتبر دين عليك الى يوم الدين.
رفقا بالقوارير