الموضوع: سؤال للناس اللي كتبت قايمة قبل الجواز

المشاركة الأصلية كتبت بواسطة شريف

السلام عليكم

سؤال للناس اللي كتبت قايمة قبل الجواز او بالاصح كام سؤال
1- انت كتبتها برغبتك ولا مجبر
برغبتى طبقا للعرف
2- ايه اللي مكنتش عايزة يتكتب فيها
الذهب - الأجهزة الكهربية
3- ايه المشاكل اللي عملتها القايمه قبل و بعد الجواز
ولا حاجة
4- هل المرأة بتغتر بموضوع القايمه و ان الراجل ميعرفش يفرفص و مربوط و الكلام دة
تبلها وتشرب ميتها
5- هل ندمت علي كتابتها
لأ.. ولا ف بالى
6- اي تفاصيل قد تأتي ببالك
لو انت شارى ووواثق منها ماتقلقش لأن الست الأصيلة بنت الناس عمرها ما تتكل على قايمة


مهم يا رجاله نايل موتورز المتجوزين تجاوبوني علي الاسئلة دي و من خبراتكم نستفيد
لان اسمع ان في عرسان بيقبلوا حتي انهم يمضوا علي ورقه بيضاء و في من يرفض الفكرة من اساسها

و دمتم زخرا لعزاب نايل موتووز
و الله الموفق و المستعان

المشاركة الأصلية كتبت بواسطة أحمد كمال

5000 جنيه دي و الله كانت ايام الهكسوس ........ بس ما علينا ...... ناقصة زيرو تقريبا .......


لو مخلفة و اتطلقت ما يقدرش اساسا يرجع الشقة لصاحب البيت لان المطلقة حائزة و صاحب البيت ما يقدرش يمشيها حتى لو الايجار ما بيتدفعش و صاحب البيت من حقه يقاضي المطلق و ياخد عليه حكم

((( ما هو رجع الشقة لصاححب البيت الأول وهى كانت ولدت وقعدة عند اهله بشرط منه ونوى عالطلاق من سكات فرجع الشقة وباع العفش وهى مكانتش كاتبة قايمة مسسسسساء الخييييييير)))))))))))

القانون ضده ازاي دي عايزة رواقة ..... اما رجع بالليل من الشغل و اتعشى و اعدل الطاسة ابقى اكتب لك بوست طويل عريض عن التخلف العقلي في القانون المصري



انا مش محامي بس باحب اتعمق في اي حاجة :)

المشاركة الأصلية كتبت بواسطة vernawy

القايمة دورها الأساسي مش في الطلاق، ده في الخلافات الشديدة التي تنذر بالطلاق، فتستخدم لترجيح كفة الزوجة فوق أي إعتبار آخر.

و أهم شئ أنها تعطيها حرية الطلاق بالخلع مع الإحتفاظ بالحق في تعويض مادي، و هو ما يخالف الشرع تماماً لأن المفروض أن الذي يبدأ بطلب الطلاق هو الذي يتحمل عواقبه المادية. لكن بالقايمة هي تقوم بالخلع ثم تطالب بالكتلة المادية للقايمة كحق مدني ليس له علاقة بتنازلات الخلع. بالإضافة طبعاً للتشفي و الإنتقام بمرمطة الولد بتبديد الأمانة و خلافه من المهلكات القانونية يا عزيزي.

أما موضوع إنهم يأمنوك أو غير ذلك، فهي حق يراد به باطل. لا الموضوع توثيق أمانة و لا الموضوع كتابة عهد.

حق ربنا: شوف هم دفعوا كام أو بالأصح عايزين كام و يتضاف على المؤخر مع توضيح إن ده جزء لن يسدد إلا في حالة الطلاق لا قدر الله. لو إنت اللي طلقت أو رفعت هي قضية طلاق و القاضي حكم لها يبقى تدفع إنت المؤخر... أما لو هي عملت خلع، يبقى تتحمل هي عواقبه.

عايز تبقى في السليم أوي و تظبط الأداء يبقى اللي إنت دفعته في العفش كمان يتضاف على المهر عشان لو هي عملت خلع تدفعلك فلوسك، و لو إنت طلقت تدفعلها فلوسها.

===============

انا مش فهمة حاجة هو مش فى الخلع الزوجة مش بتاخد حاجة خالص ده حتى واحدة اعرفها جوزها قال انا مبطلقش عيزة روحى اخلعى وبكده تطلع يا مولاى كما خلقتنى

يعنى بيضغط عليها تخلع عشان متاخدش ابيض ولا اسود

المؤخر شرعا من حقها تاخده سواء وهى متجوزاك او فى حالة الطلاق او الوفاة يبقى ازاى نشترط جزء منه فى حالة الطلاق بس؟؟

ما انا ابن خالى لسه خاطب وجاب شبكة ب 30 الاقيهم هنا يقولوا احنا بنجيب دبلة ومحبس اقولهم حتى دول هيعدوا ال 5000 يقولوا لأ : )

بس انا كنت متاكدة انك محامى: )