الموضوع: العلاقة الخفية بين الكباريه .......... و كارفور

المشاركة الأصلية كتبت بواسطة abdelaziz-waleed

للاسف انا كنت هناك اول امبارح انا ومراتي واولادي
ليه الشعب بقى كدة؟ ليه بقى اكل الحرام سهل قوي كدة؟
اصبحنا شعب بلاضمير ولا اخلاق ولا امانة. وانا متأكد اننا لن ينصلح حالنا طول ما احنا كدة. بل سنزداد سوءاً
انا لو كان معايا كاميرا كنت صورت كل المهازل ديه

هات كاميرا وروح تانى و صور ....
ماهو أنت لو رحت فى أى وقت هتلاقى نفس المناظر دى ....

فى شرم الشيخ المصريين جم بكثافه خلال الشهر اللى فات...بدون مبالغة..أسوأمن ألأرهاب فى التأثير السيء عل السياحه....مفيش أجنبى كان موجود فى الفنادق ممكن يرجع مصر تانى بعد اللى شافه من مجموعات المصريين و سلوكياتهم الغير سويه فى استعمال أى حاجه و تخريبها و تطفيش أى حد موجود فى المكان...أبسط حاجة سلوكيات المصريين المريعة فى البوفيه المفتوح...و الله أنا كنت بحل مشاكل و أنا مكسوف و فى نص هدومى أن دول مصريين زينا ..ده غير التحرش و سلوكيات ألأطفال اللى أهلهم سايبينهم يدمروا و يخربوا كل حاجه فى طريقهم...لدرجة فى ناس شايفة أطفالها بتقضى حاجتها فى حمامات السباحة و ماتحركوش!! كتير جدا من ألأجانب قطعوا أجازتهم و هجوا على بلدهم بعد اللى شافوه! و الحاجة الغريبة أن المصرى من النوعية ديه بيعمل الغلط و يتخطى دورة و يتجاهل الطابور و لما حد يلفت نظرة أن الناس واقفة فى الطابور يزعق و يقول أحنا فى بلدنا و أنا حر و أنا هنا "guest" طبعا مش ممكن أعمم بنسبة 100% و لكن للأسف بنسبة 90% من مجموعات المصريين اللى جت الفترة اللى فاتت كانت أسوأصورة عن مصر و المصريين زى ما يكون بينتقم أنه يدمر الحاجة اللى بيستعملها و أنه يتجاهل كل اللى حواليه و النظام اللى فى المكان لمجرد أنه حاسس أنه مفيش رقيب أو رادع له و أن الموضوع راجعله(انفلات سلوكى ملهوش حد) لدرجة فيه فنادق قررت تمنع قبول حجز مجموعات مماثلة فى المستقبل و أن الغرف تبقى فاضية أفضل من الخراب اللى حصل. هايتقبلوا فقط حجوزات من المصريين العاديين اللى بييجوا على هيئة أسر أو مجموعات صغيرة .

المشاركة الأصلية كتبت بواسطة mohabelnegm

فى شرم الشيخ المصريين جم بكثافه خلال الشهر اللى فات...بدون مبالغة..أسوأمن ألأرهاب فى التأثير السيء عل السياحه....مفيش أجنبى كان موجود فى الفنادق ممكن يرجع مصر تانى بعد اللى شافه من مجموعات المصريين و سلوكياتهم الغير سويه فى استعمال أى حاجه و تخريبها و تطفيش أى حد موجود فى المكان...أبسط حاجة سلوكيات المصريين المريعة فى البوفيه المفتوح...و الله أنا كنت بحل مشاكل و أنا مكسوف و فى نص هدومى أن دول مصريين زينا ..ده غير التحرش و سلوكيات ألأطفال اللى أهلهم سايبينهم يدمروا و يخربوا كل حاجه فى طريقهم...لدرجة فى ناس شايفة أطفالها بتقضى حاجتها فى حمامات السباحة و ماتحركوش!! كتير جدا من ألأجانب قطعوا أجازتهم و هجوا على بلدهم بعد اللى شافوه! و الحاجة الغريبة أن المصرى من النوعية ديه بيعمل الغلط و يتخطى دورة و يتجاهل الطابور و لما حد يلفت نظرة أن الناس واقفة فى الطابور يزعق و يقول أحنا فى بلدنا و أنا حر و أنا هنا "guest" طبعا مش ممكن أعمم بنسبة 100% و لكن للأسف بنسبة 90% من مجموعات المصريين اللى جت الفترة اللى فاتت كانت أسوأصورة عن مصر و المصريين زى ما يكون بينتقم أنه يدمر الحاجة اللى بيستعملها و أنه يتجاهل كل اللى حواليه و النظام اللى فى المكان لمجرد أنه حاسس أنه مفيش رقيب أو رادع له و أن الموضوع راجعله(انفلات سلوكى ملهوش حد) لدرجة فيه فنادق قررت تمنع قبول حجز مجموعات مماثلة فى المستقبل و أن الغرف تبقى فاضية أفضل من الخراب اللى حصل. هايتقبلوا فقط حجوزات من المصريين العاديين اللى بييجوا على هيئة أسر أو مجموعات صغيرة .

كالعادة ....
أستاذ و رئيس قسم يا مهاب ....

يا نهار أحوس؟؟!!
هى الأشكال دى وصلت شرم الشيخ كمان؟؟!!
طب الواحد مننا لما يحب يصيف فى حتة نضيفة ... هيصيف فييييييييين؟؟!!

نفس المنظر في هايبر وان بالذات قسم المخللات هتلاقي ناس بتحدق بكميات فظيعة....
حسبي الله ونعم الوكيل