فروق بين موديلات اللانوس من 2001 الى 2005 و موديلات 2009 الى 2008
الزملاء الافاضل
بافكر ان شاء الله تعالى اشترى لانوس 2008 بس ناس كتير قالوا ان فيها بعض العيوب
او بمعنى ادق أن الموديلات من 2003 لغاية 2005 افضل منها
ارجو الرأى من اهل الخبرة
اسامه
الفروق بسيطه جدا وليست جوهريه
:)يص يا باشا هوا فيه فروق بس بسيطه ودا عن تجربه يعنى انا معايا لانوس 2008 وأخويا معاه لانوس 2002 الحقيقه انا حسيت ان التقفيل و الخامات المستخدمه عنده احسن شويا مع ان عربيتى جديده :cool: فبصيت كويس عل العربيتين ولقيت فى بعض الفروقات وان كام مجملها يدل عل التوفير فى الأجزاء التى تجمع هنا فى مصر فقط اما بالنسبه للموتور والعفشه والأجزاء الميكانيكيه فهيا هيا
و اليك بعض هذه الفروق :
1- بصيط على السماعات عندى لقيتها تخيلو ايه لقيتها مكتوب عليها بهجت :oops: و صنع فى مصر وعند اخويا كانت مستورده وهى الأصليه بتاعت العربيه
2- الكاسيت عندى كلاريون مصرى وعنده كينوود مستورد
3- بالنسبه للفرش الداخلى مفيش فرق يذكر غير ان عنده بطانه الأبواب كلها فيبر وانا عندى حته قماش بنفس لون الكراسى فى نصف بطانه كل باب
4- بصيط على الموتور لقيته هوا هوا مع بعض الفروقات البسيطه وهى :
- كل الغطيان عنده و الخراطيم و الوصلات حتى الفبره اللى فوق الماتور عليها علامه الدايو و انا لالالالا :arghh:
- خامه بعض البلاستيكات عنده زى مثلا غطى قربه الماء اقوى و احسن من الغطى بتاعى :confused4:
- فيه حاجه مدوره كده فوق المسطره بتاعت الرشاشات عنده بصراحه معرفش ايه دى ومش موجوده فى عربيتي وياريت اللى يعرف ايه دى يقولى :cool:
يعنى فى النهايه لو بصيطلها هتلاقيها كلها حاجات بسيطه فى التجميع وماتعيبش العربيه يعنى مش فروق جوهريه هما عايزين يوفروا فى الأكسيسوارات بتاعتها وكل المصانع دلوقتى بتعمل كده بل اسواء انا واحد صاحبى لسه شارى فيرنا تخيل راكب فيها كاوتش نسسسسر :hmm: والراجل متعقد منه الحمد لله ان الدايو بتنزل ببيريللى:):):):)
