يعني أرت كول أحسن من الاتنين دول؟
عرض للطباعة
الأتنين كويسين ويستحملوا انا عندي الشارب القبل الحالي والأل جي النيو بلازما السعودي والأل جي جميل على فكرة وسايبه شغال طول اليوم وتبريده تلاجه بصراحة بس متغاظ من كلمة " صنع بفخر في المملكة العربية السعودية " مش حقد عليهم لا سمح الله ولكن زعلان أن مستوانا بقى زفت لدرجة أننا مش عارفين نعمل منتج كويس أو حتى نبني ثقة في منتجاتنا المصرية عند المستهلكين في العالم أو حتى في مصر .
ال جي جهاز محترم ب خلي بالك فيه منه تقليد في السوق فيا ريت تشتريه من موزع معتمد
الميزة في ال جي انها بتعمل الكباسات بتعاتها بنفسها و بتعتبر من الشركات القليلة اللي بتصنع الكباسات
يعني كاريير مثلا و تقريبا شارب مش بيصنعوا كباسات بيشتروا كباسات من شركات اتانية و بجمعوها في اجهزتهم
انا مركب ال جي 2.25 حصان و ما شاء الله زي الفل و انا في الصعييد و دور اخير يعني حر فظيع
اهم حاجة مساحة الغرفة عندك
الجهاز قدرة 1.5 حصان بيبرد غرفة 12 متر مربع اكتر من كدا هيبقي كفائتة اقل و الكباس يبقي عليه اجهاد
لو عندك مساحة الغرفة 16 متر يبقي نصيحة خليك في 2.25 حصان هتحس بقوته و هيفصل الكباس في وقت اقل
انا ركبت ال LG الحمد لله
بعد حيرة مع الشارب
بسرعه كده بالنسبه للشكل الشارب احلى و حجمه اصغر لكن ال lg اطول ومساحته اكبر
الريموت فى الشارب اشيك واحلى
بالنسبه للاداء ماشاء الله ممتاز وفعلا زى ما قالو تلاجه
لسه هاخد وقت على ما احكم عليه تماما
بس دى الحاجات الى اخدت بالى منها قلت افلكم عليها
وفعلا مكتوب على العلبه صنع بفخر فى السعوديه
الف مبروك اختيار موفق و بالنسبة للريموت كل ريموتاتlg زى بعضها نفس الشكل انا عندى ارت كول هو هو الريموت ولو حبيت تشغل خاصية التنظيف الذاتى اضغط الزر اوتو كلين من الريموت اثناء التشغيل ولما تطفى الجهاز تلاقى الوحدة الخارجية تفصل فقط انما الداخلية تظل شغالة لمدة 30 دقيقة ودى خاصية التنظيف الذاتى ثم تفصل هى الاخرى
أى تكييف إلا يونيون أير ....
ال جي هدوء واداء متميز
وصوت الكباس ماشاء الله ولا تحس انه شغال غير الانواع التانيه
والله عن تجربه ال جي نيو بلازما رائع ساخن وبارد ممتاز
كارير وبس وانسى اقوى وافضل تكييف وصيانة سهلة ومتوفرة
خلى بالك ال جى مالوش قطع غيار فى الوكيل وفيه واحد فى المنتدى اتحرق الكباس معاه بعد 10 شهور وبقاله اكتر من شهر الوكيل مدوخه علشان يغيره واشتكى فى حماية المستهلك ومافيش فايدة
تقبل تحياتى