اسباب تاخير تسليم الصنى الجديدة .. واخبار عن بعض مميزات الفئة الاعلى الجديدة

**Ahmed.TV** · 17-07-2012 05:07 PM

الفترة الحالية .. الضغظ الحالى الى موجود فى تسليم السيارة
سببه

الكوالتى كنترول

لانهم مش عايزين ينتجوا بكميات كبيرة فى اليوم العربية .. لانها لسه اول خط انتاج فى مصر على الفنيين
وساعتها ممكن يعمل ضغط عليهم والجودة تقل فى التقفيل .. لو كان بكميات كبيرة .. وبصراحة بنرفع القبعة لشكرة نيسان المحترمة

وعشان كدا اصبح هناك تقليل فى انتاج الكميات المطلوبة عشان تنتج وتقفل السيارة بتقفيل عالى
وده طبعا فى مصلحتنا .. فعشان كدا الصبر باذن الله .. وبلاش نشجع الافور برايس ونصبر

الجزء التانى
السوبر صالون اللى حتنزل على اخر السنة
لسه مش اتحدد شهر معين لطرحها حتى اللى الاعضاء سمعته من ناس فى نيسان جوة .. مش صحيح

انا بس بقول كدا لان الناس بتتعلق باى وقت وباى ملعومة .. فلازم يكون الاخبار فيها دقة .. لان فى ناس بتبيع عربياتها وتستنى المعياد اللى ممكن تسمعه من اى عضو .. وعشان كدا .. انا واحد من الناس مش بقول معلومة الا فى ميعادها وتكون مظبوطة .. عشان الناس بتقرا لينا .. وفى ناس بتبنى قراراتها على ارائنا يا شباب

الجزء التالت

بخصوص الاوبشنز اللى يتم طرحه فى العربية السوبر صالون

بردوا لسه مفيش حاجة اكيدة بالنسبة للاستقرارهم عن الاوبشن الرسمى اللى حينزل
بس اللى سمعه الاعضاء واتسرب لهم من معلومات جزء منه حقيقى .. جنوط والمتى فنكشن ونواكل وسبويلر وبلوتوث .. وتكيف التاتش وممكن ينزل معاه حاجة تانية .. .. واللى اعرفه ان مش حينزل فيها فتحة سقف
ولسه فى حاجتين لسه حيتضافوا فيها بس مش حقول عشان لسه هما مش استقروا عليها .. يعنى كل ده تهكنات .. لان مهما اى عضو عرف اى ملعومة من داخل نيسان .. القرار الاخير ممكن يتلخبط .. لانه بيكون راجع الى الادارة اليابنية .. وانهم يوافقوا على الاقتراحات دى .. يعنى ممكن فى الاخر يتلخبط اى شى .. حتى لو صمموا حاجة
وعشان كدا .. لو الناس حطوا امل على الحاجات والاشاعات اللى بيسمعوها .. ممكن يزعلوا لما فى الاخر يلاقوا اوبشن اتشال من اللى سمعوا انه كان حينزل وطبعا منزلش

الجزء الاخير
بخصوص الاسعار ..
اعرف ان مفيش استقرار لسه فى الاسعار عشان لسه مش استقروا على الاوبشنز اللى حيتحط .. بس الغالب انها حتزيد من 10 الى 15 الف زيادة عن الفئة اللى قبلها

تحياتى للجميع

**MITSUKERO** · 17-07-2012 05:23 PM

عايزين زجاج فامييييييييييييييييه بجد بيفرق جدا لما بركب عربية الزجاج الخلفي و زجاج الابوب الخلفية فامية بتلاقي لسعة الشمس اقل بكتير

ياريت يا استاذ احمد توصل لهم

**Ahmed_selmy** · 17-07-2012 05:30 PM

معلومات قيمه وفى انتظار اخبار اخرى

**Ahmed.TV** · 17-07-2012 05:41 PM

المشاركة الأصلية كتبت بواسطة casio2000

طب باعتبار انك وضح انهم مش مستقرين على الاتنين أوبشن الزيادة اللي في الأخر دول - ممكن تقول هما أيه - طالما واضح للكل من كلامك ان لسه مش مستقرين عليهم

شكرا

اكيد لو كان كدا كنت قولتهم من الاول .. لان مينفعش حد يقولى حاجة بحكم الصداقة واعلنها على النت .. وانا متكلمتش الا لما لقيت الاعضاء عارفين بعض المعلومات .. فاكدت عليها .ز لكن الباقى حيكون صعب

المشاركة الأصلية كتبت بواسطة mitsukero

عايزين زجاج فامييييييييييييييييه بجد بيفرق جدا لما بركب عربية الزجاج الخلفي و زجاج الابوب الخلفية فامية بتلاقي لسعة الشمس اقل بكتير

ياريت يا استاذ احمد توصل لهم

ادعى كل شى جايز .. انا مقدرش افرض عليهم اى معلومة ولا اى حد مصرى فى نيسان .. لان اليابانين ليهم سياسة ماشين بيهم .. وهما اللى بيفكروا وهما اللى بيقرروا .. لكن بدردش مع الناس اللى بعرفها .. بحكم السوق محتاج ايه .. ومش انا بس اى انسان مننا عادى او اى موزع معتمد وهو بييبع العربية بردوا بيسجل انطباعات الناس وبيعرضها عليهم فى التوكيل
وفى الاخر هما ليهم القرار
ويارب خير

المشاركة الأصلية كتبت بواسطة ahmed_selmy

معلومات قيمه وفى انتظار اخبار اخرى

تسلم يا بوحميد على تقديرك
الفكرة من الموضوع .. ان قريت ناس كتير بتقول كلام واسعار وحاجات ممكن تلخبط اى واحد عايز يشترى .. لان المشكلة فى ناس بتبيع عربيتها وبتستنى عشان نوع نازل فى المعاد ده ولو مش نزل او اتاخر حتكون كارثة لاى واحد باع عربية واتعلق بالامل

**limo81** · 17-07-2012 06:41 PM

جزاك الله خيراً

**malta** · 17-07-2012 06:56 PM

ياريت يا استاذ احمد يكون هو ده السبب فى تاخير الاستلام لكن التاخير داةبس للى حاجز من التوكيل لكن العربية موجودة و كل الالوان بالذات البرونزى فى المعارض انا لما روحت سمير ريان لقيته بيسلم ٤ عربيات ٣ برونزى وواحدة دهبى و المندوب قالى ان اليوم ده جاله ١٠ عربيات انا اللى مضايقنى ان العربية موفرة بالاوفرٍبرايس طب لو كانوا عايزين يسعروها ب١٠٢ من الاول وكانت تبقى موجوده احسن من الانتظار الغير مامون العواقب ده وانت و حظك لو كان دا سعرها منةالتوكيل كنا اشترينا بيه لكن عشان احس ان انا بدفع ٢٠٠٠ جنيه زيادة لوحد بيستغلنى لا شكرا اكيد كل الناس اللى حاجزة فى ٧،٦ كان نفسها تستلم وترخص قبل رمضان

**sherifezzat** · 17-07-2012 09:14 PM

انا من خلاصه تجربه حجز العربيه لمده دخلت في 6 اسابيع وعدم اكتراث اي مسؤل من اوتو ايجيبت الرد عليا بجديه في تحديد ميعاد معين للاستلام ولا حتى الرد على شكوى معموله على الكول سنتر!!! ووفره العربيه في كل المعارض اللي بشوفها باوفر برايس 2000 جنيه طول الوقت اقدر اقول دي سياسه لتعطيش السوق علشان الممنوع دايما يبقى مرغوب نفس سياسه كيا في السيراتو اول مانزلت ودلوقتي السبورتاج ونفس سياسه هيونداي لما الالنترا نزلت ودخلت عليها نيسان في كل عربيتها القشقاي والجوك واخيرا الصني ياما في حد من بيظبط مع المعارض اللي بتبيع باوفر ويخدوا نسبه وده الكلام الوحيد المنطقي علشان لما اكون يوم 12 يونيو رقم 37 على لسته الحجز وبعد 6 اسابيع لسه مستلمتش محدش يقول اصل في ضغط غصبا عنهم العربيه ولاهي مستورده ولا بتيجي من بره ده مصنع في مصر وخط انتاج ومعروف كل شهر بيطلع ايه لكل موزع ولا ايه !!!!

**malta** · 17-07-2012 09:35 PM

تمام يا استاذ شريف انا حاسسًانهم بيعملوا كده عشان يقولك عليها ابطلب و الضغط وانت عارف الشعب يموت فى الهيصة انا لما روحت السبع المعادى اول يوليو قالى لوحجزت دلوقتى تستلم شهر ٩ وحاسسنى ان المصنع يطلع عرييتين فى اليوم و لما روحت سمير ريان وشفت كمية العربيات اللى عنده قلتةاللى بيحصل ده استهبال اكيد ياخدوه نسبة بس هلىاليابنيينوعارفين كده ولا ايه على فكرة ممكن لو الموضوع طول الواحد يشترى نفسه و يشوف الاكسنت او الريو مش بفلوسنا و بيذلونا كاننا هناخد العربية ببلاش

-

الموضوع: اسباب تاخير تسليم الصنى الجديدة .. واخبار عن بعض مميزات الفئة الاعلى الجديدة

LinkBack

أدوات الموضوع

عرض

اسباب تاخير تسليم الصنى الجديدة .. واخبار عن بعض مميزات الفئة الاعلى الجديدة - انشر الموضوع فى :

-

-

المواضيع المتشابهه

بدأ تسليم اللينيا الجديدة

الفئة الثالثة الجديدة f30

ميعاد تسليم الدفعة الجديدة من لوجان

آخر أخبار تسليم جين 2 الجديدة

موعد تسليم الدفعة الجديدة من الجين 2

الكلمات الدلالية لهذا الموضوع

المفضلات

المفضلات

ضوابط المشاركة