الموضوع: لو رجع بيك الزمن ممكن تشتري النترا 2012 تاني؟

المشاركة الأصلية كتبت بواسطة devil_storm

فى حجات كتير جدا يا سمسم ذى مثلا:

1. التصميم الخارجى (تحس الالنترا سابقة بى 10 سنين)
2. التصميم الداخلى
3. المساحة الداخلية
4. التسارع
5. الكماليات (ذى البصمة و التشغيل بذر و الفرش الجلد و فتحة السقف و السنسور و الجنوط و ....)
6. النعومة و راحة القيادة
7. نعومة صوت الماتور
8. الاعتمادية و قلة الاعطال
9. قوة اداء التكييف
10. استهلاك البنزين
11. تكلفة التشغيل و الصيانات
12. اسعار قطع الغيار
13. سعر اعادة البيع
14. انتشار مراكز الصيانة

و خد عندك النقطة دى بقى

1. الخامات الداخلية (تانى بتكلم على الفولى لودد مقارنتا بالفنتازيا اول فئة)

Skoda octavia a5 1.6mpi - YouTube
‫تسارع ألنترا 2012 أوتو‬‎ - YouTube

دية صور للعربيتين وتسارع للعربيتين

بالنسبة بقى للخامات معلش ياباشا ماحدش يقدر يقول كلمة واحدة على خامات الفانتازيا , والالنترا ال FULLY LOADED انا مركبتهاش عشان احدد بس ركبت الفئات الاقل وكلها كانت بلاستيك بأستثناء جزء بسيط فى منتصف التابلوة هو اللى متبطن

- الاتساع الداخلى : الفانتازيا اوسع خصوصا من الخلف من السقف

- نعومة صوت المحرك عكس بعض يعنى الفانتازيا صوتها اعلى لحد 2500 RPM بعكس الالنترا صوتها اعلى من بعد 3000 RPM والعكس صحيح

- الاعتمادية ماعتقدش ان الالنترا اعطالها قليلة ابدا لانها فيها عيوب كتير ومشاكل كتير
بعكس الفانتازيا

- ماشى معاك بس الفانتازيا تكييفها مقبول جدا

- استهلاك البنزين اعتقد قريب من بعض جدا لان الالنترا لحد دلوقتى ماعديتش ال200 كم جوة البلد استهلاك وكذلك الحال للفانتازيا

- والله من اللى انا شايفة ان لحد دلوقتى الالنترا اسعارها غالية مش رخيصة وبتكلم عن اللى فى التوكيل , واعتقد الاسعار مش هتبقى بعيدة لصالح الفانتازيا وممكن نسأل ملاكها

- سعر اعادة البيع ماشى فى صالح الكورى عموما لان اى حد بيفهم وتصليحة عند البقال لو جيبت عيل صغير (صبى ميكانيكى ) هيشتغل فيها عادى

- انتشار مراكز الصيانة بس كلهم تعبانين وبيشتغلوا الناس

- والنبى مش عيب لما يبقى واحد راكب عربية ب141 الف جنية والتانى راكب نفس العربية بس ب156 الف جنية ويفرقوا مابينهم فى حتة تابلوة ماكسى جلد مضغوط

المشاركة الأصلية كتبت بواسطة mody3on

ومش عيب واحد يكون راكب عربية ب 180 الف من غير جنوط ولا فتحة سقف ؟
وعزل الالنترا احسن من الاوكتافيا
وشكل الالنترا احسن بكتير وشبابي اكتر
اوبشن الاوكتافيا اكتر
الموتور مفيش مقارنة الالنترا بالنسبة للاوكتافيا طلقة
وزي ما الالنترا ليها اعطال الاوكتافيا ليها اعطال ، وعامة الاتنين مشاكلهم قليلة
ولو هتتكلم على مراكز الصيانة وبتقول تعبانين ، بتحسسني ان توكيل سكودا مشغل علماء مثلا

انا صاحبى جابها وفيها جنوط ومن غير فتحة سقف وتمنها 175 الف جنية وفول اوبشن وماشاء الله فيها اوبشن كتييييييييييييييييييييييي ييييييييييييييييير جدا ماتعدش

- مين قال ان عزل الالنترا احسن انا ركبت الاتنين ومعلش ياريت تركب الاسكودا تانى وتركز شوية فى العزل

- انا من نظرى ان شكل الفانتازيا لية معنى وقار وقوة وهيبة على الطريق , لكن شكل الالنترا اة شكل حلو وكويس محدش قال حاجة بس الواحد زهق منة بسرعة مابقتش ملفتة للنظر , بس محدش قال ان شكلها وحش ( والشكل دة وجهات نظر انا مابعملوش مقارنة اصلا )

- معاك محرك الالنترا اقوى بس بعد ال100 اعتقد الفرق دية هيتقلص جاااااامد

- معلش الالنترا مشاكلها كتييييييير محدش يقول مشاكلها قليلة واللى مش مصدق ينزل الحرفيين ويشوف عربيات قد اية بتتصلح ومش خبطات

- والله انا صاحبى الحمد لله جايب العربية بقالة كتير مافيش حاجة غير الصيانات بس ولا اشتكى من حاجة ولا حسينا بحاجة فى الطريق

اكيد يعنى عربية تمنها 215 الف جنية لل high line , مش هتيجى الالنترا اللى اغلى عربية فيها ب156 الف جنية وتقولوا احسن معلش الاسكودا سمعتها ممتازة فى السوق المصرى والصراحة عربية ممتازة