افيدونى عن شمبر سكودا فليشيا افادكم الله مش فاهم حاجه

بسم الله الرحمن الرحيم
حكايتى كالتالى العربيه عندى كانت عايزه طقم شنبر ومكنتش عارف اعملو فين وتعبت اوى لحد معرفت من هنا عن الشيخ عادل والشيخ ايمن الميكانيكيه اللى فى شارع المرور واتوكلت على الله ورحت وهما بصراحه فاهمين واتأكدت من ده من كتر العربيات السكودا اللى شفتها عندهم طول اليومين اللى كنت بعمل فيهم الشنبر المهم بعد عمل الشنبر والشيخ عادل بيسلمنى العربيه ولسه بيجرب لقيت لمبه الزيت نورت ادوس بنزين تطفى قالى اتوكل على الله امشى وطول منت بتدوس بنزين تطفى ده كويس لو ثبتت اقف وكلمنى المهم مشيت يومين على الحال ده ووصلت ل 400 كيلو ساعتها كانت اللمبه طفت خالص ومبقتش تنور تانى لقت الزيت قل اوى وكان الشارع عندى غرقان بقع :36_2_49[1]:رحتلو ملقتوش ولقيت اخوه ايمن قالى جوان كارتيره الزيت نوعو وحش اوى وبيخر الزيت غيرتو قالى بالمره نغير زيت وفلتر بدام فكانا قلت ماشى وغيرت وفجأه اول ممشيت من عندو لقيت اللمبه رجعت لموضوع تنور ادوس بنزين تطفى رجعتلو علطول قالى حاجه اسمها ساعه الزيت اشتريت وركبت فضلت منوره قالى لو فضلت منوره بعد يومين تعالالى ومعنى كده انى غيرت ساعه الزيت دى عالفاضى:36_2_49[1]: المهم يومين وطفت بعد يومين لقيت الزيت قل اوى رجعتلو كان برضو الشيخ عادل مش موجود والشيخ ايمن قالى الموتور زى الفل بس الواد الصبى محطتش زيت كفايه حط اقل من المفروض يعنى مع ان الواد ادامى فضى من الجركن حوالى 3 كيلو :pffft:راح الشيخ ايمن مزودلى زيت وقالى تمام كده وتابعو بصراحه متابعو هوفى نفس المكان مش بيقل بقالو بتاع 10 ايام اهوه حصل بقى حاجه غريبه جدا بعد مغيرت الشنبر بحوالى 4 ايام بس انا مكنتش رابطها بيه المروحه عندى كانت طول عمرها بتشتغل على 90 وعمرى مشتكيت من السخونه لقيت المروحه بقت تشتغل على 70 لمده يومين وبعدين المؤشر مبقاش يتحرك خالص من مكانو بس المروحه بتشتغل كل شويه والميه فالعربيه بتقل بشكل غريب اوى اوى اوى وطبعا معرفش هى بتشتغل على كام :untitled: رحت للكهربائى لانى مش رابط ده بالشنبر الاول قالى ترموستات وبعدين جرب كده المؤشر من الكبوت لقيت المؤشر بيطلع وينزل قالى لا كده المؤشر سليم من التابلوه والترموستات سليمه بدام المروحه بتشتغل يبقى اللى بايظ حاجه اسمها صباع الحراره اللى بتركب فيها الفيشه بتاعت المروحه فوش الموتور انا مكنتش رابط ده بالشنبر لحد لما لقيت واحد فى قسم البروتون بيشتكى من نفس الموضوع بعد مغير الشنبر وبفكر ارجع للشيخ عادل تانى افهم منو بس مش عايز اغير وخلاص خصوصا ان صباع الحراره ده غالى وانا صارف حوالى 1500 جنيه لحد دلوقتى وبتغاظ اوى اما اغير حاجه مش بايظه:120146b فممكن حد يفيدنى لو قابل حاجه زى كده ؟ واسف جدا جدا للاطاله بس حبيت اشرح الموضوع باستفاضه عشان ابقى قلت كل حاجه

دا العادى فى مصر ......... وميلودى تتحدى الملل ........ أنا مش بتريق عليك صدقنى بس بأهلك نفسيا لتقبل أحوال وتصرفات غير إعتيادية لن تجدها إلا فى مصر وإحمد ربنا إنك صرفت 1500 جنيه كويس إنهم مبقوووش 15000 جنيه

جمد قلبك وإشرب سبرايت

وبردوه شوف الناس دى لعل وعسى

مهندس خالد اسماعيل - الحي العاشر - مدينة نصر. راجل فاهم ومحترم. رقم موبايله: 01002970564

ورشة محمد أصلان بمدينة نصر خلف مطعم أبورامي متخصصة في جميع طرازات سكودا 0100580485

ياسيدي كله خير ان شاء الله
بص حضرتك كده عندك مشكلة
نقص الميه مهم تتابعه ............ انا قعدت عندي الميه تنقص سنه ونص والعادي بتاعي اني كنت بزود ميه كل يومين وكتير بس بعد ما فكيت الماتور اكتشفت ان سبب نقص الميه هو ان فيه مسمار مقطوم في وش السلندر وكان حوار طويل جداً انتهي بتغير الماتور
بالنسبة للزيت ساعة الزيت بتقيس ضغط الزيت مش كميته
بمعنى ان لو الزيت حتى لو نقص النص اللمبه ممكن ما تنورش فمعنى كده ان الميكانيكي استهبل في موضوع الزيت
ارجع للميكانيكي تاني وخليه يحل المشكلة وممكن تكون المشكلة مشكلة كهربا ساعة الزيت مش كويسه (بتحصل) او فيه مشكلة لا قدر الله في دورة الزيت ........ المهم اخبار السحب ايه واخبار الحرارة ايه ...... لو الحرارة بتزيد والمروحة بتقعد كتير يبقى الزيت مش شغال كويس

أنا اتعاملت مع ورشة محمدأصلان لأكثر من سنة لما كان عندي فيليشيا ناس محترمة بس لازم تبقى واقف على أيده و تأكد عليه قبل ما تمشي انه عمل لك كل اللي انت عايزه عشان ممكن ينسى يعمل حاجة من ضغط الشغل اللي عنده. و هما حافظين الفيليشيا دي مسمار مسمار. بس انا بصراحة خايف أقولك ان الموضوع عندك اكبر من طقم شمبر و صباع حرارة. على قد فهمي كده ان في تفويت جوة الموتور نفسه و محتاج عمرة. بس روح عندهم الأول و هما يشخصولك المشكلة بالظبط و ربنا معاك.

لا حول ولا قوة إلا بالله

ربنا معاك

مهو انا مش عارف العربيه بتسخن ولا لا لان المؤشر مش بيتحرك اصلا ادامى وخليت الكهربائى جرب وقالى المؤشر نفسو سليم فمش عارف المروحه بتشتغل على كام؟

مهز انا كنت ناوى افتح الموتور واشوف اذا كانت عمره او تغيير موتور كنت هقفل وابيع من غير مصلح ولو شمبر بس كنت هصلح وابيع برضو بس الميكانيكى لما فتح قالى بسم الله ماشاء الله الموتور ده ممتاز اوى واول مره يتفك من الزيرو وانا اصلا واثق من ده عشان العربيه معا اخويا من زمان اوى وانا شاريها منو والميكايكى اقنعنى ان حاله الموتور ممتازه وبلاش ابيعها

وبصراحه ورشه محمد اصلان سمعت عنها بس بعيد عنى جدا لانى ساكن فالهرم

العربية في الغالب كانت عايزة طقم شمايز
لان الشمبر لما بيتاكل البستم بياخد ويدي في الشميز وبيعمل ريجة
عشان كدة هو قوى من حتة وساب الباقي بالتاي الزيت هيفوت من اضعف مكان
ده مجرد احتمال

لا حول ولا قوة الا بالله قال وانا اللى فاكر نفسى لوحدة فى مصيبه فعلا من شاف هموم الناس حفت عنه همومه....

بص يامعلم المشكله فى الشنبر البيه اكيد معملش شغله بذمة وممكن يكون ساب عربتك للصبى يتعلم فيها دا الأكيد....

اما بالنسبة لصباع الحرارة مين قال غالى انا مغيرة ومركبة بنفسى وسعره 55 جنيه....*

طبع كل المشاكل اللى حضرتك بتعانى منها هيى من الشنبر والشمايز والبساطم ممكن يكون البيه شرخ منه بستم او شميز........

فان حقولك الحل الأخير والأكيد بلاش تصرف تانى اركن العربيه على كدا لحد لما تشترى موتور استيراد صدقنى مافيش احسن من الحل دا والموضوع كل حيكلفك فى حدود من 3000 الى 3500 جنيه وخلى الموتور القديم عندك استوك تاخد منه اى حاجة تعطل مستقبلا....*