عربية Byd F3 للبيع كالزيرو

**mich_e_l2000** · 24-06-2008 05:48 PM

سيارة Byd F3.موتور ميتسوبيشى لانسر.تكييف.باور.4زجاج كهرباء.سنتر.انذار.ريموت.كاس يت سى دى.طابلوة فاخر مطعم بالابانوس.فرش جلد اصلى.مانيوال.سوداء.2 اير باج.فرامل Abs+ebd .أنارة التابلوة نيون أبيض.زجاج حرارى.مرايات كهرباء..فابريقة بالكامل لا يوجد بها خدش.

**mich_e_l2000** · 24-06-2008 05:49 PM

نسيت اقول ان العربية عاملة بس 7300كم

**ابو سيف** · 24-06-2008 05:50 PM

و نسيت تقول العربيه موديل كام و لونها ايه و مطلوب فيها كام

**mich_e_l2000** · 24-06-2008 05:59 PM

العربية موديل 2007
سوداء
نهاية الترخيص 5/2010
مطلوب 67000

**kindhero** · 24-06-2008 06:08 PM

ودي قطع غيارها متوافرة فين

**mich_e_l2000** · 24-06-2008 06:13 PM

موجودة فى التوكيل واسعارها كويسة مش غالية بالمقارنة بغيرها
وبعدين وكيلها الامل هيبدأ فى تجميعها هنا فى مصر خلال سنة
يعنى قطع الغيار هترخص اكتر
انا ممكن اديلك نمر الوكيل تتصل وتسأل عن قطع الغيار عشان تطمن
يعنى مثلا الفانوس الخلفى ب 385 بالضريبة والتركيب
الامامى ب 480 جنية
اسعار معقولة جدا اذا قارنتها بالهيونداى مثلا

**Fouad Ezz** · 24-06-2008 07:06 PM

بس للإطمئنان مش أكتر .... سبب البيع؟

**kayson** · 24-06-2008 07:46 PM

لما تكون عربية صينى مستعملة مجهولة الماركة و الهوية ب67000ج تبقى الشيفروليه و الدايو و الهيونداى بكام سؤال مش اكثر ربنا يوفق كل واحد******************************

ـــــــــــــــــــــــــ ـــــــــــــــــــــــــ ــــ
تم التعديل بواسطة الإشراف...

**ahmed_m_w** · 25-06-2008 03:27 PM

المشاركة الأصلية كتبت بواسطة kayson

لما تكون عربية صينى مستعملة مجهولة الماركة و الهوية ب67000ج تبقى الشيفروليه و الدايو و الهيونداى بكام سؤال مش اكثر ربنا يوفق كل واحد ******************

انا شايف حضرتك بتهاجم كل العربيات وبتقل من سعرهم جامد اوى واعد تقول الهيونداى والدايو وانا احب اقول لسيادتك حاجه ان الهيونداى والدايو دول انظف عربيه انتجت وسبتت نفسها وكفائتها هى الاكسل الى من 94 الى 98 لو حضرتك تعرفها غير كده الدايوه ملهاش سجل كفائه الى الان والناس كلها بتشتكى منها ومن نظام التعليق بتعها وعفشتها ثانيا العربيه الى مجهوله الهويه الى حضرتك بتقول عليها دى يبانى 100% بس هى متجمع منها فى روسيا وفى الصين واخيرا انا شايف ان حضرتك معندكش نظره كويسه فى السوق وعلى فكرا انا من وجهه نظرى الهيونداى والدايو افشل عربيتين فى السوق خصوصا بعد ما اتجمعو مصرى ولكن من مميزات الشعب المصرى انه بيحب يركب المنظر و الشكل مش اكتر:) وعلى فكر البى واى دى اف 3 دى موتورها يضرب اى عربيه هيونداى و دايو لئنها فيها موتور لانسر اسبور:) وانا عن نفسى شخصيا لما جيت اجيب جبت الادا وعلى فكرا كان سعرها اعلى من الانوس ومن الفيرنا وجبتها وكانت بى 64500 فى الوقت الى كانت فيه الفيرنا و الانوس بى 63 و 62 الف:) وعن تجربه العربيتين دول فشلين بكل المقايس ولم يسبت لهم انهم سيارات عمليه الى الان

شكرا

**mich_e_l2000** · 24-06-2008 08:17 PM

سبب البيع :انى عاوز اجيب اتوماتيك عشان انا بسوق مسافات طويلة
وبعدين مين اللى قال ان العربية دى مجهولة الهوية
العربية دى مع البريليانس جالينا هما الوحيدتان اللى سمح لهما بدخول السوق الاوروبى
والعربية دى كمان اجتازت كل اختبارات الامان بعكس الاسبيرانزا والشيرى وانا ممكن ابعت اللينكات للى مهتم بالموضوع
وبعدين العربية دى حاليا عند الوكيل ب 73500
وكمان بالحجز يعنى مش استلام فورى
والعربية مامشيتش اساسا خلاف 7300كم يعنى كلام فارغ
وبعدين مترخصة سنتين ...يعنى مبلغ برضة