من المعتاد في مصر احترام الغير ... قصدي من اللي مش معتاد دلوقتي خصوصا بعد الثورة الاخلاق بقت في النازل خالص ومبقاش في احترام للغير سوء في البيوت او الشوارع من الكبير للصغير
وياريت مش معنى ان الواحد فرحان شوية يعمل اللي هو عايزه وميعملش حساب الغير والكلام لينا كلنا عشان ميجيش يوم ويحصل موقف زي ده لحد في المنتدى
الموقف حصل كالتالي :
الساعة 3 قبل الفجر بشوية سمعت صوت ناس فرحانة وبيب بيب بيب في عروسة وعريس في الشارع والزفة طبعا عاملة احلى دوشة ممكن نسمعها
فجأة واحدة من المعازيم ( المحترمين ) طلع الاًلي وقعد يضرب بيه في الجو
طبعا من المتوقع يعني ان الناس في الوقت ده نايمة اكيد هيصحو مفزوعين من الصوت ده خصوصا انه كان عامل واجب زيادة في الاحتفال مش مجرد رصاصة ولا اتنين
تخيلو في الموقف ده هيحصل ايه؟؟
اكيد طبعا ناس نزلو من الشارع واتخانقوا معاهم والاصوات عليت اكتر شتايم وتهزيق في بعض والمحصلة 6 اتصابو سواء بالشوم ولا بالرصاص ولا بالسنج الله اعلم انا مكنتش فايق اصلا لاني كنت نايم وقايم مفزوع
سبحان الله
الفرح اتقلب خناقة كبيرة
وفي نهاية الكلام ارجوكم كل واحد يحترم الناس اللي حواليه وميعمش حركة زبالة زي دي
المفضلات