يا ريت لو حد هايرد يرد دلوقتى
السلام عليكم
من غير تطويل
انا لسه مسمكر العربيه و رشاشها و النهارده قفلتها و روحت بيها الساعه 4 و نص
كلمونى زمايلى ان واحد زميلنا والدته اتوفت و هايروحوا يعزوا اتغدت بسرعه و نزلتلهم
كان معايا 2 فى عربيتى و كنت رايح اعزى فة بلد جنب الزقازيق
10 كيلو بس و بعدينلقيت صوت البزين بيعلى و مافيش سحبمش عارف ليه
لفيت ورحت الزقازيق لواحد معروف ( ابو زيد ) قاللى كده الفتيس بيودع و الفتيس الجديد بتركيبه بزيته بكل حاجه 1700 جنيه
سبته و قلت اروح للميكانيكى بتاعى -- للاسف ماوصلتش و العربيه وقفت و حلفت ماتمشيش
كلمته بعتلى ناس و زقينها للورشه
بس الغريبه العربيه بتمشى مارشيدير بس
قالى كده الفتيس بس ممكن نجرب نشوف المصفه و طلعنا المصفه و غسلناها و ركبناها و جبت زيت رخيص ادجرب بيه
و العربيه مرفوعه العجله لفت و العداد تمام
لكن لما العربيه نزلت ع الارض ماتحركتش و برده المارشدير هو اللى شغال بس
كلمت واحد حبيبى بتاع استيراد قاللى الفتيس من 1000 الى 1500 و عنده كل الاسعار
ايه رأيكم
لانى سبت العربيه بايته عند الميكانيكى
و قلتله هاجيبله فتيس بكره