عندي مشكلة في عربيتي اللانوس
أرحب بأعضاء المنتدى الكرام
عندي مشكلة في عربيتي لانوس SE موديل 2003
البداية من حوالي شهر ونص كدا تقريبا ماشي على المحور ومشغل التكييف والعربية كانت سلسة جدا في السحب ومفيش أي مشاكل وفجأة قبل ميدان لبنان هديت عشان الزحمة اللي قبل الميدان وبعد ما هديت وضربت فرامل العربية بطلت مني ..... المهم حوالت ادور العربية مش عايزة تدور
المارش شغال كويس والبطارية كانت لسه جديدة بس العربية مش عايزة تدور خالص
المهم ركنت العربية على جنب الطريق واتصلت عشان يجي ميكانيكي المهم الميكانيكي جه بعدها بشوية ومعاه كمان كهربائي المهم الميكانيكي قعد يفحص سلوك البوجيهات وخرج سلك عشان يتأكد ان في شرارة طالعة وقالي دور المهم لقة مفيش شرارة خالص خارجة من البوجيهات
الكهربائي نزل تحت عند الدواسة وفضل يشوف الفيوزات اللي تحت عند السواق لغاية ما طلع فيوز محروق وكان معايا كارت فيوزات المهم حط فيوز مكانو وقالي دور العربية دارت .
الميكانيكي قالي سلوك البوجيهات شايطة وممكن تكون عملت short وقالي غيرها لأنها السبب والعربية دارت ومشيت
وفعلا رحت غيرت كل سلوك البوجيهات وركبت كمان فيوزات NGK اتنين شمعة والعربية بعدها كانت زي الفل ومفيش اي مشاكل
المهم النهاردة العربية عملتها تاني معايا وكنت في ميدان لبنان نفس الحركة
المهم وطيت تحت وفتحت علبة الفيوزات اللي جوا عند السائق وجبت دليل المستخدم بتاع العربية لغاية لما وصلت للفيوز ولقيتو فعلا محروق المهم غيرتو بفيوز جديد مكانو والعربية دارت عادي ومشيت
انا دالوقتي عايز اعرف ايه المشكلة ده مع العلم انه تم تغيير كابلات البوجيهات بأخرى جديدة وتم تغيير البوجيهات معاها
ممكن حد يفيدني ممكن تكون المشكلة اييييييييه ؟؟؟؟؟؟
مع العلم الفيوز ده مكتوب في دليل المستخدم كالتالي (ECM اشعال . TCM اشعال , مصباح نظام القيادة ABS ، موتور مضخة الوقود VGIS)