مشكلة فى أوكرة تحديد مصدر الهواء للتكييف
بسم الله الرحمن الرحيم
انا معايا اللوجان الاوتو وعاملة حوالى 7500 كم والحمد لله بس فى مشكلة ظهرت قريب ومكانتش موجودة وهى انى ببقى ضابط اوكرة تحديد مصدر الهواء بتاع التكييف على وضع (تدوير الهواء الداخلى فقط) (انظر الصورة ) (الأوكرة اللى فى المنتصف) (الحلقة الرمادية اللون)
يعنى ماتدخلش هواء من بره العربية وده طبعا عشان التكييف يسقع بسرعة وكمان لو فى حد فى الشارع مولع فى زبالة او اى ادخنة من سيارت النقل بالذات ماتدخلش جوه صالون العربية وتخنقنى وانا مشغل التكييف وطبعا كل فترة لما بحس ان الهوا اللى جوه العربية خلاص اتكتم بفتح الشباك شوية واقفله تانى او اغير وضع الاوكره للوضع التانى وارجعتها تانى بعد شوية عشان الهوا اللى فى الصالون يتجدد.
المهم ان الموضوع ده كان شغال تمام من اول ماجيبت العربية من حوالى 5 شهور تقريبا بس لاحظت كده من يومين ان بشم ريحة اى حريقة فى الشارع وخصوصا الحرائق اللى بتكون فى الفسطاط وعين الصيرة بتاعة مصانع الخزف والحاجات دى وكامن اى عربية نقل ماشية ماتورها مفوت بشمها كمان مع انى عامل الاوكرة على انها تدور الهوا اللى فى الصالون بس.
انا مش عارف ايه حل المشكلة دى؟ ولا حتى سببها؟؟
أرجوا من اهل الخبرة افادتى بالحل..
http://www.nilemotors.net/Nile/image...um1%5B1%5D.gifوشكرا جزيلاً
عزراً ... الصورة اللى انا عامل فيها توضيح للمشكلة مش عايزة تترفع على الموقع فانا هحط لينك لصورة بس من غير توضيح
http://i44.servimg.com/u/f44/13/94/24/84/5580_116.jpg